الشله
السلام عليكم ورحمة الله وبركاته

اهلا وسهلا بكم في منتداكم

الشله يرحب بكم ويتنما ان ينال أعجابكم


شبابي وجميل وبه الكثير من المتعه والفائده
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  دخولدخول  
اهلا وسهلا بكم في منتدى الشله الشله تتمنا لكم اسعد الاوقات
اخي العضو والزائر ابدا بذكر الله و اتقي الله في نفسك واخوتك مع تحيات تيتو

شاطر | 
 

 شباب زمان وشباب دلوقتي قووووول رايك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lola moon

avatar

الجنس : انثى عدد المساهمات : 74
تاريخ التسجيل : 25/04/2010
العمر : 22
العمل/الترفيه : طالبه
المزاج : زي كل يوم

بطاقة الشخصية
العمر: 15
الاسم الحقيقي: لولا

مُساهمةموضوع: شباب زمان وشباب دلوقتي قووووول رايك   الأربعاء يوليو 28, 2010 8:26 pm

[c
بسم الله الرحمن الرحيم

السلام عليكم ورحمه الله وبركاته

شباب زمان وشباب دلوقتى . قول رايك؟؟



*البنت لما حد يسألها..إنتى مخطوبة؟
زمان:- لسه ربنا مأذنش,وعينها فى الأرض ووشها يحمر.
دلوقتي:- لأ ليه عندك عريس؟إيدي على كتفك..ناس معندهاش نظر.

*الولد داخل على باباه ياخد مصروف الاسبوع
زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.
دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟ يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز الفلوووووووس...المونيييييي.

*خروج الولد وموعد رجوعه البيت

زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.
دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوىي معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل ,,يكمل الولد بعدين لقينا عصافير بطننا (بتنعر!!)قلنا نسدها بأه .

*دخول الاب البيت
زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه.
دلوقتى:- الولد قاعد قدام الكمبيوتر او بيتفرج على ماتش كورة ، البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب) الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا.

*نزول الولد لشراء احتياجات البيت

زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد. يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!

*نزول المرأة للعمل

زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا نتبهدل . انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا ؟؟!!!!

*ولد حب يتعرف على بنت
زمان:- الولد لو راح يكلم بنت (بعد ما تطلع عينه ) يحمر وشها ..ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها.
دلوقتي:- الولد راح يكلم بنت ردت عليه تقوله,لخص عايز ايه من الأخر يعني؟؟؟يعدي عليها اخوها ومعاه صاحبته يعملها باي من بعيد وهى ترد عليه ويمشي ( يمكن افتكر اللى واقف معاها ده عمود نور ؟؟!!)
طبعا الولد واقف مندهش المهم يجي يتكلم تاني ترد عليه تقوله على فكرة انا مرتبطة وصاحبي (يعني حتى مش خطيبها) هيعدي عليا دلوقتي وعلى فكرة بيغير عليا موووت. (لا صحيح محترمة )

بس بالله عليكم رايكم يكون بجد ويرضى ربنا فى اللى بيحصل اليومين دول




















]
الرجوع الى أعلى الصفحة اذهب الى الأسفل
*عايش وراضي*

avatar

الجنس : ذكر عدد المساهمات : 505
تاريخ التسجيل : 21/07/2010
العمر : 23
العمل/الترفيه : ببحث عن حقيقه مثلث برمودا ......؟؟؟؟؟؟؟؟؟!!!!
المزاج : تعبااااان اوي وحاسس اني ..........؟

بطاقة الشخصية
العمر: 16
الاسم الحقيقي: محمد

مُساهمةموضوع: رد: شباب زمان وشباب دلوقتي قووووول رايك   الأربعاء يوليو 28, 2010 8:34 pm

ههههههههههههههههههه

لاة بجد عن نفسي شباب اليومين دول كلامه يضحك اوي

الرجوع الى أعلى الصفحة اذهب الى الأسفل
http://www2.0zz0.com/2010/02/01/17/621555069.jpg
حبيب لكن غريب
Admin
avatar

الجنس : ذكر عدد المساهمات : 1482
تاريخ التسجيل : 07/01/2010
العمر : 24
العمل/الترفيه : اكتب شعر
المزاج : زي كل يوم

بطاقة الشخصية
العمر: 17
الاسم الحقيقي: أحمد **تيتو**

مُساهمةموضوع: رد: شباب زمان وشباب دلوقتي قووووول رايك   الأربعاء يوليو 28, 2010 9:03 pm

ايه يا جماعه في ايه احنا بردو لسه كويسين ولا ايه يا جدعان

بس كلامك جميل جدا وفعلا تلاقي في البعض وليس الكل

_________________
[ندعوك للتسجيل في المنتدى أو التعريف بنفسك لمعاينة هذه الصورة]

أتسائل هل برحيلكي يرحل الفرح عن عمري ..

هل ستكون ابتسامتي باهته لا قيمة لها ..

أم أنني سأعيش حياتي كما عشتها وأنا معكي ..

لا أدري لِم أسأل نفسي رغم أني أعرف الإجابة

على تساؤلاتي ..

أحس أن الحياة بعدك ستفقد أجمل وأمتع مافيها ..

فتذكر الأيام التي عشناها ستبقى تخفق في قلبي ..

ورسميك الجميل سيبقى يتراءى أمام عيناي ..

حبيبتي ... حبيبتي ... للأبد
الرجوع الى أعلى الصفحة اذهب الى الأسفل
http://alshalah.ahlamontada.com
مسجون ترانزيت

avatar

عدد المساهمات : 68
تاريخ التسجيل : 21/04/2010
العمل/الترفيه : احاول اني اساعد غيري في اي مشكلة
المزاج : نص نص

مُساهمةموضوع: رد: شباب زمان وشباب دلوقتي قووووول رايك   الخميس يوليو 29, 2010 1:40 pm

اي يا عم لوووول

دا احنا جدعان أوي أوي ونعجبوك يعني

مش للدرجادي الاب والام بقم خيخة أوي كدا ،،

لا لا لا انا مش معاااااااااااااااااااااااهم انا معاكي مطرح ما حتروحي وراكي ها ها ها ها ها


لا بجد انا مش معاكي في الكلام دا احنا لسة ما وصلناش للمرحلة دي


عموما موضوع هااااااااااااااايل وآخر كواسة يا باشا

ونورت الموضوع
الرجوع الى أعلى الصفحة اذهب الى الأسفل
 
شباب زمان وشباب دلوقتي قووووول رايك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشله :: العامه :: كلام عام-
انتقل الى: