قصيدة بعنوان ذكريات

كــلٍ يـغـنـي عـلــى لـيــلاه *** وانــا عـلـى حـالـي أغـنــي
أحيـان عقـلـي احـسّـه تــاه *** واحيان افكّـر واقـول : انـي
حزيـن..صـدري مـدايــن آه *** ضايع بخت من صغـر سنّـي
غريـب ربـع وطريـق وجـاه *** وحـيـد مـااحـدٍ درى عـنّــي
غاوي شعـر والزمـن شلفـاه *** تنـهـش ضلـوعـي وتطعـنـيّ
يلعن ابو الشعـر يـوم اقـراه *** وش جاب لي وش خذا مني؟
اظمااااه واشربه لين اظمـاه *** وبـأمــوت ظـامـيـه لـكـنّـي
لو مااوزنه وانكسر لرضـاه *** راحـــت قـوافـيـه تـلـعّـنـي
في الذاكـره شـيّ لـو انسـاه *** يمـكـنـي اعـيــش مـتـنـهّـي
فـي الـذاكـره دمــع..لاوالله *** فـي الـذاكـره طـفـل يغـنـي
ليـت الامانـي جبـل وارقــاه *** وانـسـى همـومـي وينسّـنـي
مايـدري انّـي عـلـى ذكــراه *** يمـكـن ابـقــى ...ويمـكـنّـي
اترك طريق الشعر واجفاااه *** وامــوت مـأحـدٍ درى عـنـي