قصه اتحداكم انكم ماتضحكوش و رومانسى في نفس الوقت

انا كل يوم هاكتبلكم حلقه او حلقتين


أبطال القصة :-



1- عمرو



2- ياسمين



وفيه اشخاص فرعية ذى



1- حودة (صاحب عمرو)



2- الخطيب (صاحب عمرو)



3- مروة (صاحبة ياسمين الانتيم )






مش ها اطول عليكم اكتر من كدة






(_هااااااااااا ندخل فى القصة على طول_)



الحلقه الاولى



القصة ديه بتبدأ لما عمرو وحودة كانوا بيتمشواااا وحودة بيحكى لعمرو على واحدة شفها امبارح ....






حودة : - ده انا شوفت حتة دين بنت يا نهار ابيض جامدة اوى اوى , جسم ايه


جامدة جامدة يعنى


عمرو :- ههههههههههههههههه


يا بنى انت مش ها تبطل بقى قلة ادبك ديه انت عمرك ما تبص على الجمال وتفكك من الحاجات اللى انت بتقولها ديه نفسى تبص لوش البت مش على جسمها !!!


حودة :- ايون خليك انت كدة عايش فى الوهم يا بنى خليك عملى وانا ها استفاد ايه لما ابص لوشها مش لازم اعاينها الاول



((معلش بقى تقولوا ايه شخصية زبالة ))


عمرو :- انت حر يا عم بس لما واحدة تهزقك ولا تمرمط بيك الارض ما تبقاش تعيط وانا مش ها احوش


حودة :- يا بنى تمرمط مين ده انا حودة الجامد اوى ..,,..


((وف نفس اللحظة ))




حودة :- انت تنحت كدة ليه ؟؟


عمرو:- يا نهار ابيض على الجمال مين البت ديه يا حودة ((بم إن حودة خبرة فى الحاجات ديه ))



حودة :- ما هى ديه يا عم البت اللى انا بحكيلك عليها ايه رايك جامدة صح ؟؟



عمرو:- جامدة مين يا عم ديه صاروخ انت شايف عنيها عاملة ازاى


حودة :- عنيها تانى وانا اللى قلت انك فوقت من الوهم اللى انت فيه جاتكداك داهية شايف ال ......................... ((شوفوا انتم بقى عشان مش ها اقدر اتكلم ))



عمرو :- استنا بس يا حودة ايه يابنى البت ديه


((وفلحظة اختفت من قدام عيون عمرو ))




حس عمرو ان روحى اتسحبت منه وان قلبه بيجرى يسابق الزمن , وما تمناش اد ما تمنى فى حياته انه يعرف اسمها او حتى يعرف اى حاجة عنها



حودة :- ايه ياعم السهتان رحت لفين



عمرو:- ((مافيش رد))





حودة :- انت يابنى


عمرو :- ايييييييه (( كان سرحان صاحبنا))


انت بتقول حاجة يا حودة ؟؟


حودة:- لا ولا حاجة يا حبيبى يلا بينا انت شكلك دخت



عمرو:- البت ديه جميلة اوى يا حودة اوى اوى


انت ما تعرفش ديه مين ؟؟


حودة :- يا ريت كنت اعرف !!!!


ااااااااااااااااااااااااااااااااااة


هههههههههه


ما تيلا بينا بقى يا عمور إحنا اتأخرنا


((وبعد مرور ايام اتعمد عمرو انه يروح نفس المكان ونفس التوقيت اللى شافها فيها اول مرة))


(( وكان على امل انه يشوفها تانى ))


بس المرة ديه قابل الخطيب ((صاحبهم التالت))


الخطيب :- ايه يا بنى مين اللى موقفكم هنا


حودة :- شوفلك حل فى عم الرومانسى اللى لاطعنا هنا بقاله نص ساعة


الخطيب :- وعلى ايه كل ده ؟؟


((وصحبتنا كانت طالعة فى اللحظة ديه))


حودة :- الصلاه ع النبى فرس ....... فرس يعنى مش اى كلام


عمرو :- اتلم بدل ما لمك ديه خلاص بقت تبعى


الخطيب :- فيه ايه يا جدعان ؟؟!!


الحوار على ايه ؟؟!!


حودة :- شوفلك صرفة فى عم الرومانسى ده


ده بيحب على روحه


عمرو:- احترم نفسك ياض


حودة :- شايف الغزال اللى هناك ده الكبير اوى ده


الخطيب :- اممممممممممممم !!!!


انت عارف ديه مين ؟؟


عمرو :- ايه ده انت تعرفها ((بلهفة ))


الخطيب :- ديه اخت باسم صحبنا ال فى الكلية


عمرو :- باسم مين ؟؟


الخطيب :- باسم المدخوم


حودة :- يااااااااااا راجل باسم الموميا


قول كلام غير ده


الخطيب :- انت معجب بيها ولا ايه ؟؟


حودة :- معجب ايه ياعم ده ميت ((بتريقة))


عمرو :- انا مش عارف يا خطيب انا والله حصلى ايه من ساعة ما شفتها


حودة :- حصلك نفس اللى حصلى


ااااااااااااااااااااااااااااه




الخطيب :- انت لسة ذى ما انت


حودة :- امال عايزنى ابقى ذى عمك الرومانسى ده


عمرو :- يا جدعان سيبوكم من اللى انتم فيه ده دلوقتى



وقولولى اعمل ايه دلوقتى ؟؟


الخطيب :- تعمل ايه فى ايه انت عبيبط يا بنى !!


عمرو :- انا نفسى اكلمها بس مش عارف ازاى ؟؟


الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع الموضوع ده من دماغك


عمرو :- اممممم (( وبيهز راسه ))


انت تعرف اسمها يا خطيب ؟؟


الخطيب :- ااااااه


عمرو :- اسمها ايه ؟؟


الخطيب :- اسمها ياسمين


عمرو :- يــــاسمين


الخطيب :- وآنت عارف انت ممكن تجيب رقم تليفون البيت كمان بسهولة


عمرو:- ازاى ؟؟!! (( باستغراب ))


حودة :- يا عم من اخوها يا عم


الخطيب :- اتلهى على عين امك يا اهبل


ما يروح احسن يقول لاخوها


عمرو :- امال ازاى ؟؟


الخطيب:- ماهى تبقى صحبة سلمى اخت صباحو كدب


حودة :- الكداااااااااااااااب ((بضحكة))


(( وده صاحبهم الرابع واسمه كدة لانه ماشى بيكدب على روحه


كدااااااااااااااااااااااااااااااااااااب اوىىىىىى ))


الخطيب :- بس اوعك يا عمرو تعمل كدة


ما تنساش يا جدع انه صحبك


حودة :- فكك يا عم من الولة المعقد ده ما تسمعش كلامه


وفيها ايه لما يكلمها هو يعنى ها يقلها كلام ............


وبعدين هو اولى من الغريب بس هو يقدر عليها وما يكسفناش


عمرو .... الخطيب .... حودة


هههههههههههههههههه
((وما بقاش عمرو عارف يكلمها ولا لا بعد ما اعرف انها اخت صاحبه )) ؟؟؟؟؟؟؟!!!!!!!!!




يا ترى عمرو هيكلمها ولا لا ؟؟


ويا ترى عمرو ها يسمع كلام الخطيب ولا حودة


هنعرف الحلقه القادمه

لالالالا انا عوزه اعرف عجبتني وشددني ياااااااااااااااااه حلوه جدا تسلم بجد ايدك

طريقة كلام العيال ده شبيها لينا اوي واسئلو اصحبنا

انتظر الجزء الثاني بلهفه

ااااااااااااااااااااه حراااااااااااام عليكي بتعلقينا ولا ايه

هاتي الجزء التاني بسرعه عوزة اعرف ايه هيحصل


حودة عجبني اوي كلامه بيضحك

أشكرك تقبلي تحياتي

الحلقة التانية


واحد اتين تلاتة اكشنننننننن


طبعا صاحبنا فضل طول الليل سهران يفكر فيها وياترى يعمل اية يكلمها ولا لآ لحد ما توصل لفكرة جامدة جداااااا


وفجأه موبايل الخطيب الساعة 1 نص الليل بيرن
الخطيب استغرب جداااااا



ونط من السرير مفجوع ياترى مين اللى بيتصل ده
لقى عمرو بيتصل

وهنا بيبتدى الجزء التانى ..................


الخطيب :- عاوز ايه يا زفت !!!

عمرو :- بلاش غلط يا حيوان!

انا عاوز اشوفك دلوقتى حالا

((الخطيب باستغراب ))

الخطيب :- انت عبيط ياض انت دلوقتى اية ((( ده اتهبل ولا اية(((

عمرو :- يا عم اسمع الكلام تعالى نقعد على اى كافتيريا عاوز اكلمك شوية

الخطيب :- اية اكتشفت انك بتحبنى اوى كدا ؟؟ وماتقدرش تستغنى عنى فجأه (( بضحكة ))

عمرو :- غور فى ستين داهية انا غلطان انى اتصلت بيك

الخطيب :- يا عم طب قول انت عاوز ايه ؟؟

عمرو :- خلاص بكرة يا عم غور اتخمد

وقفل السكة

((وكمل تفكير فى حبيبته اللى ماحدش حاسس بيه غير قلبه ))



تانى يوم

اتقابلوا هما التلاتة

حودة :- انت ليه انت ياض بتتصل بالولة نص الليل ياض !!!!!
ايه للدرجادى كنت محتاجة ؟

الخطيب :- ههههههههه

عمرو :- مش عاوز هزار

الخطيب :- طب قول انت كنت عاوز ايه منى ؟؟؟

عمرو :- انا جتلى حتة دين فكرة عشان اكلمها

الخطيب :- هى مين ؟؟

عمرو :- ياسمين يا عم

الخطيب :- يا خرابى هو انت كنت بتتصل بيا عشان كدا هو انت لسة بتفكر فيها

عمرو :- اسمعوا بس ((ويقطعه الخطيب ))

الخطيب :- انت بتحبها بجد

حودة :- هى بصراحة تتحب اوى جدااا خالص

عمرو :- يا جدعان انا البت دى شقلبت حالى والله ما نمت , طول الليل بفكر فيها وفى عنيها

ونفسى اكلمها واقولها انى بحبها

حودة :- خلاص يا فلانتينو ها تعمل ايه ؟؟

عمرو :- انا ها اروح الدرس معاها

((لحظة سكوووووت باستغراب)) حودة والخطيب بيبصوا لبعض

وفجـــــــــــــاه
ههههههههههههههههههه

حودة :- يبنى انت سخن انت دخلت الكلية خلاص وعديت مرحلة الثانوية من زمان يابابا
ههههههههه

عمرو :- اسمعوا بس

احنا ها نروح كاننا فى ثانوية كاننا عاوزين ناخد درس ونحضر الدروس عادى معاها عشان هى تلاحظ انى معجب بيها

الخطيب :- يا سلام ونرجع تانى للمذاكرة والتسميع والضرب والواجب

حودة :- طب اقولك على حاجة احسن احنا ناخد الطريق من اوله ونقدم فى كى جى تو
ايون ونرجع تانى للزمزمية والشنطة وميس فهيمة اللئيمة
هههههههههههههه

عمرو :- والله العظيم ها امشى

الخطيب :- يا عمرو ما انت كلامك مش معقول

عمرو :- اسمعوا بس

وفضل عمرو يقنع فيهم لمدة ساعة كاملة انهم يروحوا الدرس واخيرا قدر يقنع حودة انه يروح بس الخطيب رفض وطبعا حودة

وافق عشان سببين :-

1_ اولا طبعا عشان البنات اللى فى الثانوية
2_ عشان عمرو هو الل ها يدفع تمن الدرس
((ههههههههههههههههههههههههههههههههه ))
((سببين يقنعوا اى حد وبالزات حودة ))

وفعلا راحوا للاستاذ وكان مدرس فلسفة وطلع شكله عبيط همه كله الفلوس

وده اول يوم فى الدرس

حودة :- الصلا عل النبى هى ليلتنا فل ولا حاجة

عمرو :- شششششش ها تفضحنا

حودة :- والنعمة امشى سيبنى بقى شوية اعيش حياتى

وعدت واحدة من قدمهم

حودة :- ايه الجمال ده غزال يا خواتى

عمرو :- وحيات امك اسكت عشان ..................

وفجاه دخلت ياسمين عمرو اتسمر فى الارض ومش عارف يعمل ايه كل اللى عمله انه ماشلش عينه من على عينها

حودة :- يابن المحظوظة دى البت زى القمر صارووووووخ.................

((سمحوه عشان خاطرى هو ده مبدأه فى الحياه طبعا مبدأ منيل بنيلة ))

عمرو :- حودة عشان خطرى اسكت

حودة :- خلاص ياعم انا غلطان من الاول

وعدى اليوم الاول من غير ما عمرو ما يعمل اى حاجة غير انه يبصلها وبس بس هى طبعا اكيد اخدت بالها

وبليل التلاتة قاعدين على كافتيريا

الخطيب:- يلا يا عم اى خدمة جبتلك رقم التليفون بتاع البيت من صباحو كدب

عمرو :- وقولتله ايه ؟؟

الخطيب :- ولا حاجة يا عم حورت عليه شوية

وهو فضل يدخلنى فى متاهات وعاوز اقوله خلاص عارف انك بتحور ومكسوف منه هههههههههه
حودة :- المهم انت ها تتصل امتى ؟؟

عمرو :- لا لسة مش دلوقتى

وجيه تانى يوم فى الدرس

(وكل اللى عمله عمرو انه يبصلها بس هو المرة دى اتاكد انها اخدت بالها انه دايما يبصلها

وحودة كان مهيس خالص فى الدرس لدرجة انه خلى كل اللى فى الدرس يضحك بما فيهم الاستاذ

وبليل

التلاتة وخصوصا عمرو عمل حاجة جريئة اوى

فكر انه لازم يشوفها فجى ناحية البيت وراح معدى من تحت البلكونة وهما التلاتة علو صوتهم وبما ان حودة خلاص صوته بقى مميز جدااااااااااااا

فجأأأأأأأأأأأأأأأأأأأأة

طلعت من البلكونة تبص

صاحبنا قلبه اتخلع من كتر دقاته ووشه جاب الوان

حودة بيكلمه بصوت واطى

حودة :- يلا يا عم اى خدمة

ووصلوا لاخر الشارع ورجعوا تانى لقوها لسة واقفة

عمرو بصلها جت عينه فى عينها

دخلت جرى على جوه

خد لفه ورجع تانى

حودة اتكلم بصوت عالى

لقوها طلعت من البلكونة

عمرو فرح جدااااااا

وعمل نفسه بيكلم فى الموبايل وبيقول

عمرو :- طب خلاص بقى انا ها اتصل بيك كمان شوية

وفى الطريق

حودة:- ما تتصل بقى يا عم

عمرو :- لا يا عم لما اشوف اخوها الاول واكلمه عشان اوضحله الموضوع شوية

حودة :- انت عبيط ولا انت شكلك كدا

عمرو :- يا جدعان بصراحة انا مش عاوز حد يقول عليها كلمة وحشة وطبعا ولا عليا انا كمان

الخطيب :- يبقى خلاص تقول لاخوها بعد ما تكلمها مش يمكن هى مش عاوزة تكلمك

عمرو :- امممممممممممممممم

حودة :- اتصل بقى

الخطيب :- لآلآلآلآلآلآلآلآلآلا

اوعك تتكلم من موبايلك مش يمكن عندهم اظهار واخوها يعرف رقمك تبقى فضيحة

عمرو :- اااااوك

حودة :- على اقرب سنترال

ودخل عمرو السنترال

واول ما مسك السماعة حس انه بينهار حس انه مش عارف هيقول ايه سابها لربنا كل حتة فى جسمه بتهرب منه حتى لسانه ما بينطقش مع كل جرس بتزيد دقات قلبه خايف حد تانى اللى يرد عليه وخوفه الاكبر انها هى اللى ترد عليه كل الكلام اللى محضره اتنسى

وفففففففجاه




ياسمين :- الو

عمرو بعد ما تاكد انها هى من صوتها

عمرو :- ايوة

ياسمين :- مين معايا ؟؟

عمرو :-واحد ومش لازم تعرفى مين

بس لازم تعرفى انى معجب بيك من اول مرة شوفتك فيها وعملت كتير اوى عشان اكلمك

ياسمين :- مين معايا !! (باستغراب )
((قال يعنى مش عارفة مين ده يا جدع البنات دول عليهم حركااااااااااات ))

عمرو :- واحد معجب بيك يا ياسمين وصعب اقول اكتر من كدا

ياسمين :- اه وبعدين يعنى

عمرو :- ولا قبلين

ياسمين :- طب اى المطلوب منى !!!

عمرو:- بيقول فى باله (( ياريتنى ما اتصلت ))

بصراحة مش عارف كل اللى انا عارفه انى معجب بيك جداااا جدااااا

ياسمين :-اااااه ...... طب ممكن ما تتصلش هنا تانى

(وف ثانية عمرو قفل السكة اول ما سمع الكلمة دى ماعرفش ها يقول اى حس ان كل حاجة ادمرت حتى الحلم اللى بقاله كتير بيسهر يحلم بيه ضاع واتكسر مش عارف ها يقول اى لصحابو اللى

مستنين فلنتينو اللى تاعبهم بقاله اسبوع عشان خاطرها الدنيا اسودت من حوليه

وبعديييييييييييييييين نكمل المرة الجاية



_________________________

بس يا ترى عمرو ها يتصل تانى ؟؟؟؟

ولا ها ينسى الموضوع وكانه ما حصلش ؟؟؟؟

وهى يا ترى عرفت مين هو ؟؟؟؟

ويا ترى ها تعمل اى فى الحصة الجاية ؟؟؟؟

كل دى اسئلة ليكو انتم ها تخمنوها وتقولوا ردها
واشوفكم على خير فى الحلقه التالته..............

على فكره انتي رزله انا منسجم مع القصه وانتي بتقولي الحلقه الجايه حرااااااااااااااااام والله

بهزر بس بجد كنت منسجم اوي

مش مهم بس انا متأكد انه هيتصل تاني لانه بيحبها بجد وهيه عرفت هو مين وهتكلمه في الدرس

معلش يمكن ده يحصل

أشكرك على القصه الجميله دي

بس بصراحه حوده عسل وكلامه يموت من الضحك

ماشي بقى هو الحوار كده نظام لوي دراع بتزلينا بالقصه عشان حلوه يعني

طيب انا هقولكم حاجه حلوه لما القصه تكمل للاخر حد يقولي عشان اما كده هكسر الجهاز ده

لا بجد قصه روعه (الله يرحم ايامك يا مصر كنا بنعمل بلاوي)

الحلقه التالته من عمرو وياسمين




طبعا صاحبنا بعد المكالمة ماكنش فاهم حاجة خالص




عمرو:- منين البت دى كل ما بتسمع صوتى تجرى على البلكونة
وتبقى عاوزة تشوفنى ومنين ردت عليا الرد البايخ ده ؟؟ ( طبعا بيكلم نفسه )



المهم صاحبنا ندم انه اتصل
طلع من السنترال وكانه طالع للنار ( مع ان الجو كان تلج )

المهم صحابه كانوا بيهدوا



حوده :- يابنى ماهى اكيد كان هو ده الرد الطبيعى منها
امال انت عاوز اول ما سيادتك ما تكلمها ترد عليك ايوة يا حبيبى انا بمووت فيك بعشقك كدا برده يا سونة يا خيان هههههههه



عمرو :- وحيات امكم مش عاوز تريقة سيبونى فى اللى انا فيه




الخطيب :- يا جدع فكك بقى وفرفش



عمرو :- انا مخنوق اوى




الخطيب :- والله العظيم اسمع الكلام هى لازم تقول كدا فى الاول عشان يعنى تبان انها بنت تقيلة ومحترمة وكدا

( المهم فضلوا يقنعوا فيه ان ده عادى وطبيعى )

( وبرده مافيش فايدة )

( روح صاحبنا وطبعا كان ليل طويل على كل العشاق وهو من ضمنهم وخصوصا العشاق المجروحين )

( عمال يفكر طول الليل فيها وياترى اى اللى هيحصل )



صبح الصبح



كان المفروض ان فيه درس تانى يوم

صمم انه يروح بس حودة ما رحش تقريبا خاف

لقى البنت طبيعية خالص وبردك لسة بتبصلوا كل ما تيجى عينه فى عينها
قال فى عقل باله
(هى البت دى عبيطة ولا هى اللى شكلها كدا
يا إما انا كلمت حد غيرها
وهنا بدأ يشك فى الموضوع)





عدى 3 ايام
وكانت الساعة تقريبا 9 عدى روميو من تحت البلكونة
وكالعادة جوليت واقفة البلكونة فى الميعاد المعتاد جت عينه فى عينها ولانه كان لوحده مادخلتش فضلت واقفة تبصلوا
راح طلع الموبايل وقال بصوت عالى
انا مش عاوز غير الرضى
وبعدين انا لازم اكلمك
هى ابتسمت ودخلت

صاحبنا خد السكة صاروخ لحد السنترال
اتصل بيها
فى اللحظة دى هو ماكنش محضر كلام عشان يقولوا
وكان خايف اوى اوى وفى نفس الوقت مطمن لانه حاسس بقبول من ناحيتها

السماعة اترفعت





عمرو :- الو
( كان حاسس انه سامع دقات قلبها فى السماعة وحاسس انها متوترة اوى وهو كان انيل منها المهم )




ياسمين :- ايوة مين معايا !!



عمرو :- واحد




ياسمين :- واحد مين !!



عمرو :- مش ياسمين معايا( بينه وبين نفسه اتاكد بقى المرة دى)






ياسمين :- ايوة مين انت




عمرو :- انت عارفة كويس انا مين



ياسمين :- اه وبعدين




عمرو :- ولا قبلين بصراحة انا معجب بيك جداا جدااا يا ياسمين وربنا العالم بحالى دلوقتى وانا بكلمك ونفسى بصراحة ان احنا نكون لبعض



ياسمين :- يسلام
بس انا فاهمة كويس اوى حركات الشباب بتوع اليومين دول و ....




قاطعها





عمرو :- والله العظيم انا مش منهم خالص بدليل انى ما حاولتش ولا مرة انى اعكسك فى شارع او حتى اقول اى كلمة



ياسمين :- صح انت جبت رقم التليفون منين ؟؟




عمرو :- ده مش موضوعنا دلوقتى



ياسمين :- انا مش بفكر فى المواضيع ديه دلوقتى خالص




عمرو :- بصراحة انا بحبك بجد والله العظيم



ياسمين :- اه وبعدين ( كلمة رخمة اوى اوى اوى اوى اوى )




عمرو :- انا قولت اللى عندى ومستنى اسمع ردك( يا واد يا تقيل) بس على فكرة
والله العظيم عمرك ما هتندمى انك فى يوم كلمتينى
لانى بجد انسان كويس مش وحش
ومهما كان ردك عليا
ها تفضلى ياسمين اللى اتشدتلها من اول ما جت عينى فى عينها



سكووووووووووووووووووووووت




عمرو :- ياسمين قولتى اى ؟؟؟



ياسمين :- طب وانا اى اللى ضمنى ان الكلام اللى انت بتقوله ده مش كدب
وانك بتتسلى بيا




عمرو :- الدليل على كدا انى فى كلية مش فى ثانوى



ياسمين :- يسلام امال مين ال بييجى الدرس ده



عمرو :- انا بروح الدرس بس عشان اشوفك



ياسمين :- طب ممكن تقفل دلوقتى عشان بابا زمانه جى




عمرو :- بس انا ما سمعتش ردك



ياسمين :- سيبنى افكر وارد عليك




عمرو:- ياسمين



ياسمين :- نعم



عمرو :- بحبك



ياسمين :- يلا باى



عمرو :- لا اله الا الله




ياسمين :- سيدنا محمد رسول الله



وطلع صاحبنا من السنترال مظأطط ونفسه يجرى فى الشوارع ويغنى



بحبهااا.... وفى قلبى ساكن حبها ..... ياريت ياشوق توصلها ...... ويحس بيا قلبها
بحبها................ بحبها




وتانى يوم كان فيه مصيبة مستنياه فى الدرس
طبعا عمرو لبس الحتة ال على الحبل
وحط برفان 5 خمسات ههههههه
وجلجل شعره
وظبط نفسه وراح الدرس وهو فى سكته حود على حودة
وحكاله الحوار فى السكة

وحودة كان فرحان عشانه اوى لانه حس ان عمرو مش فى حالته الطبيعية





راح الدرس





اول مادخل الدرس لقى ياسمين
واقفة مع منى ( سكرتيرة الدرس )
ووششها عليه غضب ربنا اتفجع الواد
ولقى منى بتناديله




وكانت المفاجاة الجامدة صدمة على عمرو



الواد هيموت منناااااااااا

________________
ووونكمل المرة الجاية









التوقيع :

يارب بتيجي عند الحته المشوقه وتقطعي المهم عبدالحليم ماثر على الواد ده اوي

لالالالا يا لولا حرام عليكي الحلقه الجايه امتي

والله البت دي بتشتغلنا بتعلقنا

اوك انا هدور على القصه واجبها انا تعبت حرااااااام بقى

































بس الحلقه الجايه امته !!!!!!!!!!!!!!!!

الحلقه الرابعه جاااااااااااامده جدااااا ورومانسيه خالص
يلا نبدأ1 ..2 ...3 ... اكشن

اول ما عمرو سمع صوت منى بتنادى عليه قلبه وقع فى رجليه
دخل اول ما ياسمين شافته جاى عليهم
راحت بصاله بصة عمره ما هينساها
( رفعت حاجب ونزلت حاجب )

وراحت سابت منى ودخلت هى على جواه ووراها مروة صاحبتها
عمرو بينه وبين نفسه
( ياريتنى كنت مت قبل اللحظة دى ربنا يستر )





وطبعا فيه حيوان سلبنطح واقف بره مش همه غير حاجة واحدة بس
عمال يبص على صاحبة ياسمين ويعيش موهبته

دخل عمرو
منى :- انت ليه يا عمرو عملت كدا ؟؟

عمرو :- عملت ايه !!

منى :- انت اتصلت امبارح بببيت ياسمين
( بص عمرو لمنى وراح باصص فى الارض )





منى :- قالتله يعنى اتصلت

عمرو :- اه

منى :- طب ليه ؟؟

عمرو :- عشان بحبها

منى :- وانت مش شايف ان ده مش وقته خالص يا عمرو اهتم الاول بمزاكرتك ( طبعااااااااااا ماهى ما تعرفش اللى فيها )

عمرو :- طب ولو كانت هى السبب اللى بتخلينى اهتم بمزكرتى

منى :- يعنى ايه ؟؟

عمرو :- يعنى انا عاوزك تخوشيلها دلوقتى وتقوليها ....
عمرو واقف بره وعاوز يكلمك ثوانى
( وبعد ما عمرو اقنع منى انها تبقى الوسيط دخلت منى وقالت لياسمين )

منى :- عمرو عاوز يكلمك ثوانى
( طبعا ياسمين استغربت تماما )

ياسمين :- لا طبعا مش ها اطلعله في إيه يا منى ... انا جاية هنا علشان الدرس وبس

منى :- وطى صوتك بس

ياسمين :- منى خليه يلم الدور عشان ما يحصلش مشاكل لان لو بابا عرف مش هيحصل كويس





منى :- اهدى بس كدا على العموم براحتك انت حرة

منى :- مش ها ينفع يا عمرو
عمرو :- هى بتعمل كدا ليه ؟؟ هو انا لعبة فى ايديها
( دخل حودة على كلام عمرو )

حودة :- فيه ايه

عمرو :- مافيش حاجة يلا بينا نمشى

منى :- طب والدرس يا عمرو استاذ محمد زمانه جى

عمرو :- ينحرق
( ومشى عمرو وعفاريت الدنيا بتتنطط فى وشه )
راح هو وحودة على كافيه كالمعتاد
وحودة يهدى فى الواد
وعمرو كل اللى شاغله حاجة واحدة بس
وما بيسالش نفسه غير سؤال واحد
.......... هى ليه بتعمل كدا ........

عمرو :- هى ليه مرة تخلينى طاير فى السما ومرة تانية ترمينى فى سابع ارض

حودة :- يا جدع اهدى فكك منها وحيات امك يا عمرو





عمرو :- والنعمة ما انا سايبها غير لما اعرف اى السبب هو ايه انا جزمة ف رجلها تقلعها وقت ما تقلعها ( يا واد يا جامد )





حودة :- يبنى هو ايه اللى حصل لكل ده





عمرو :- يا عم انت يعنى مش شايف بليل كانت تمام اوى وبتكلمنى بكل هدوء وتقولى افكر

حودة :- ما يمكن فكرت

عمرو :- خلاص لو فكرت تقولى انا مش تفضحنى كدا

حودة :- هى طبعا غلطانة بس اهدى بس

عمرو :- ااااااوووووووووووف

وفضل عمرو وحودة فى الكافيه لحد ما الخطيب جالهم
حكولوا اللى حصل
طبعا المعلم استغرب جداااااااااااا
واتفقوا انهم لازم تبقى نهاية الموضوع بليل ويتصل المعلم بيها
وافق عمرو على كدا
وبليل
قبل ما يوصلوا لبيتها
شافوها هى وصحبتها مروة مروحين
عمرو اول ما شافها كان ها يجن





عمرو :- اى الجمال ده

حودة :- يا خرابى

الخطيب:- طب ماهو من حقها يا عم تدوخك وراها

حودة :- شششششش شايفين صاحبتها والزعطلون اللى لبساه عامل ازاى عليها

الخطيب:- على قفاه ( بوووووووم ) يبنى احنا فين وانت فين

حودة :- يا جدع وسع ايدك

الخطيب :- ياجدع اسكت

عمرو:- اهدى يالة

حودة :- ماشى يا باشا

( وصلت ياسمين صاحبتها وهى راجعة عشان تروح اخدت بالها من عمرو اول ما شافته نزلت عينها فى الارض ومشت وهى موطية وشها لحد ما وصلت بيتها )

عمرو ما استناش راح على السنترال واتصل

السماعة اترفعت

نفس الصوت اللى بيحلم يسمعه على طول
صوت ملاك اجمل صوت لاجمل انسانه شافها





ياسمين :- الو

عمرو :- انت ليه عملتى كدا ؟؟

( سكتت )





عمرو :- نفسى اعرف انت ليه بتعملى كدا فيا ؟؟؟ يعنى انا غلطتى انى صارحتك من اول مرة و قولتك انى بحبك يا ياسمين يا ارق من النسمة واجمل من الياسمين
قولتيلى انك ها تفكرى مش انك ها تفضحينى بالشكل ده
( سكووووووووت منها )

( مش سامع غير تنهيدها ونبض قلبها )





عمرو :- حتى لو كنت رافضة كنت صارحينى مش ها ازعل
يمكن اكون ازعل انى خسرت اجمل عيون وارق صوت
لاكن كنت ها احترم رأيك
وهاتفضلى انت ياسمين هى هى اللى اخدتنى من كل الناس اللى حوليا بنظرة من عينها
( سكوووووووت ) ( بصراحة الواد ثبتها تثبيتة نااااااااااار )

عمرو :- ساكتة ليه

ياسمين :- مش عارفة اقولك ايه

عمرو :- انت ليه عملتى كدا

ياسمين :- خايفة

عمرو :- من ايه ؟؟

ياسمين :- منك

عمرو :- منى انا طب ليه !!

ياسمين :- خايفة يكون اول حب ليا اكبر جرح ليا

عمرو :- طول ما انت معايا ما تخافيش من اى حاجة
لانى عمرى ما ها اخلى العيون دى تدمع دمعة واحدة لان ما فيش اى حاجة فى الدنيا تستاهل دمعة واحدة من عيونك
واوعدك انى عمرى ما ها ازعلك فى يوم

ياسمين :- ماشى

عمرو :- ماشى اى ؟؟

ياسمين :- ما انت عارف كل حاجة ( بضحكة خفيفة )

عمرو :- انا عاوز اسمعها منك

ياسمين :- على فكرة ماما نايمة وخايفة تصحى وبابا زمانه جى

عمرو :- ما انا مش ها اقفل غير لما اسمعها منك

ياسمين :- عمرو انت بتحبنى بجد

عمرو :- يا لهوى كل ده ولسة بتسالى دلوقتى اعمل اى عشان تصدقى انى دايب فيك

ياسمين :- ولا حاجة

عمرو:- طب بقى اسمعها منك

ياسمين :- وانا كمان

عمرو :- انتى كمان ايه ؟؟

ياسمين :- يلا بقى عشان ماما ما تصحاش
تصبح على خير

عمرو :- وانت من اهله يا اجمل ملاك شفته فى الدنيا

وعمرو ما كنش عاوز يحط السماعة ابدا من ايده
وطلع الولهان برة وكله شوق عاوز يكون اخر صوت سمعه هو صوتها

واول ما طلع قدام السنترال سمع

( يا غزال يا غزال اى الاوام ده ارحمنى بقى وحن علينا )





والخطيب ميت على نفسه من الضحك





الخطيب :- اهو كدا من ساعة ما انت ما دخلت

عمرو شده من قفاه

عمرو :- حرام عليك يا جدع ضيعت اجمل لحظة فى حياتى انت اى حيوان ما بتحسش




حودة :- يا جدع سيب كدا بس ده البت كانت ها تيجى
انتى يا مزة استنى
انا جى اهو

الخطيب وعمرو :-
ههههههههههههههههههههههههه

وووووووايه رايكم فى الحلقه الرابعه
وانتظرو اجمد الحلقات والمفاجات











منذ يوم مضى رقم المشاركة : 18 (permalink)
...*Mido*...
عضو نشيط عندنا










الحالة





--------------------------------------------------------------------------------

اما نشوف الردود

لا حراااااام كده خلصت القصه ازاي ولو ليها حلقات تانيه يبقى حرااااااام عليكي

انتي بجد رخمتي اوي في القصه دي بتخلينا متعلقين

حرااااااااااااااام والله يا رجاله انا تعبت




























بس اشكرك على القصه الرااااااااااائعه

يالهووووووووووووووووووووووووووووووي

كنا انتهينا فى الجزء الرابع ان عمرو كلم ياسمين وكان فرحان جدااااااا
لانه حس انها مستلطفاه وانه طلع ضرب حودة هههههههه صعبان عليا الواد
يلا بقى

الحلقه الخامسة

روح عمرو وكل اللى بيحلم بيه انه يروح ينام عشان يحلم باجمل عيون وارق ابتسامة واروع صوت
روح وبيتمنى ان محدش يصحيه من حلمه الجميل اللى بقاله كتير بيحلم بيه
ونام عمرو على صوت الست

ياما عيون شغلونى لاكن ولا شغلونى
الا عيونك انت دول بس ال خدونى وبحبك امرونى
امرونى احب لاقتنى بحب
لاقتنى بحب وادوب فى الحب ..........

ونام عمرو وطول الليل بيحلم بحبيبته
وصحى عمرو من نومه على صوت تغريد العصافير وكأن الدنيا كلها فرحانه علشانه
حس عمرو ان ده احلى يوم نام فيه من مدة طويلة اوى
وفكر عمرو ياترى يتصل بيها ولا لا
فقرر انه يتصل ويصبح عليها ويعمل فيها الواد الرومانسى الجامد اوى
اخد الموبايل بتاعه واتصل الووووو
قفل السكة
عمرو :- إيه ده !!!!! ده شكله صوت امها !!! اكيد هى فى المدرسة دلوقتى ؟؟!!
ربنا يستر
وخرج عمرو راح كليته
وفى اخر اليوم
اتصل بيها

عمرو :- الو

ياسمين :- الو

عمرو :- عاملة ايه ؟؟

ياسمين :- الحمد لله ....... وانت عامل ايه ؟

عمرو :- مافيش احسن من كدا حاسس انى اسعد واحد فى الدنيا

ياسمين :- ( ضحكة خفيفة ) .. للدرجادى

عمرو :- واكتر من الدرجادى كمان
انتى مش متصورة انا بحبك قد ايه ؟؟

ياسمين :- قد ايه !!!!

عمرو :- قد عمرى ولو انه صغير اوى عليك ولو اتمنيت انه يطول فيطول عشانك انت وبس وعشان احبك انت وبس

ياسمين :- يسلام انت بتجيب الكلام ده منين

عمرو :- ده بس عشان بممووووووت فيك

ياسمين :- طب انا عاوزة اسالك سؤال !! ( من اولها اسئلة )

عمرو :- ايه هو ؟؟

ياسمين :- مش انت قولتلى انك فى كلية

عمرو :- اه

ياسمين :- يعنى بتشوف بنات كتير واكيد فيهم الاحلى منى و.......
عمرو :- بس عرفت انت عاوزة تقولى اى
اشمعنا انت يعنى ؟؟

ياسمين :- اااااااااه

عمرو :- اولا هما مش احلى منك ولا حاجة انت اجمل واحدة انا شوفتها فى حياتى كلها ولو لفيت الدنيا كلها مش ها الاقى الاجمل منك .... وثانيا الحب مش بأيدينا ولا باختيارنا

( سكوووووت )

عمرو :- طب ممكن انا اسالك سؤال

ياسمين :- اتفضل

عمرو :- انت حبيتى قبل كدا

ياسمين :- لالالالالالالا ............ انا اساسا اول مرة اكلم حد

عمرو :- والله يا ياسمين وانا اول مرة احب فى حياتى وماكنتش اعرف انى ها ابقى مدهول كدا فى الحب وانى اللى ها احبها ها تبقى احلى واحدة فى العالم كله

ياسمين :- ههههههههههه مش اوى كدا يعنى يا بكاش

عمرو:- والله العظيم بتكلم بجد

عمرو :- بحبك

ياسمين :- وانا كمان

عمرو :- يا لهوى انا مش قد كدا انا ممكن اموت منك

ياسمين :- لا بعد الشر عليك

عمرو :- هو انت عيد ميلادك امتى ؟؟

ياسمين :- اشمعنا

عمرو :- عادى بسأل

ياسمين :- 1/4

عمرو :- لا بجد والله

ياسمين :- والله بجد فيها ايه

عمرو :- والله العظيم انت 1/4

ياسمين :- اه انت مستغرب كدا ليه ؟؟

عمرو :- ههههههههه اصل انا كمان مواليد 1/4

ياسمين :- هههههههههه بجد

عمرو:- اه والله العظيم شوفتى بقى اللى احنا شبه بعض فى كل حاجة حتى اليوم اللى اتولدنا فيه !!!
يعنى احنا مخلوقين لبعض من قبل ما نشوف بعض

عمرو :- على فكرة انا اتصلت الصبح وتقريبا مامتك هى اللى ردت عليا

ياسمين :- وايه اللى حصل ؟؟

عمرو :- لا ولا حاجة انا قفلت السكة

ياسمين :- وكدا تقفل السكة فى وش ماما
هههههه

عمرو :- طب وانا كنت ها اقول ايه

ياسمين :- على فكرة ماما طيبة جداااااااا وانا مش بخبى عليها اى حاجة خالص

عمرو :- يعنى انت قولتيلها

ياسمين :- لا لسة بس اكيد ها اقولها لانى ماينفعش انى اعمل اى حاجة من وراها

عمرو :- طب ولو رفضت

ياسمين :- ها احاول معاها و على فكرة كلنا كدا حتى اخويا

عمرو :- اخوكى باسم

ياسمين :- انت تعرفه

عمرو :- ااااه يعنى صحاب نص نص ماهو معايا فى الكلية

ياسمين :- يالهوى

______________
ونكمل فى الحلقة
6

الحلقه السادسه


عمرو :- وفيها اى اتخضيتى كدا ليه ؟؟




ياسمين :- طب ولو عرف




عمرو :- وهو ها يعرف منين وحتى لو عرف انا ها افهمه وبعدين يعنى هى حلوة ليه ووحشة لينا ... طب ماهو كمان بيحب وعايش قصة حب




ياسمين :- بس هو حاجة وانا حاجة




ياسمين :- انت لو عندك اخوات بنات كنت هاترضى انهم يكلموا حد




عمرو :- اولا انا عندى اخوت بنات بس لسة صغيرين .... ولما يكبره يبقى ربنا يسهل




ياسمين :- لا ها ترضى ولا لا قول ؟؟!!
( اى السؤال المحرج ده )




عمرو :- بصى يا ياسمين مش كل الناس ذى بعضها
انا الحمد لله واثق من نفسى وعارف انى عمرى ما ها اضرك فى حاجة وعمرى ما هاذيكى
( هرب من السؤال بمعلمه )




ياسمين :- ( تنهيييييييد )




عمرو :- مالك




ياسمين :- مافيش




عمرو :- طب ممكن بقى اسمع منك كلمة بحبك







ياسمين :- دلوقتى




عمرو :- اه طبعا امال بكره ههههههههههههه




ياسمين :- لا طبعا انا مش ها اقولهالك غير لما اتاكد مية فى المية انك بتحبنى




عمرو :- انت كل ده ولسة ما اتاكديش




ياسمين :- يعنى ومش .....
( بوم اتقفلت السكة على ودن عمرو طبعا عمرو فهم ان فيه حد دخل عليها )




اتصل بعديها بشويه




عمرو :- الو




ياسمين :- الووو




عمرو :- ايه في ايه اللى حصل




ياسمين :- لا والله النمرة غلط
( وبردك قفلت السكة )




شك عمرو شوية بس يمكن فيه حد جمبها وفقد الامل انه ممكن يكلمها تانى النهاردة




وكمل اليوم مع صحابه
وحكلهم على اللى حصل
وكله تمام ومرت الايام فى سعادة وسكينة




لحد ما ياسمين قالت لعمرو انها حكت لمامتها عنه وان مامتها عاوزة تكلمه




طبعا عمرو استغرب من الموضوع ده وكان كل مرة بيقولها ماشى بعدين طب هو انا اقولها ايه ؟؟




عادى كلمها وانت ها تعرف
وكان عمرو قلقان اوى من الموضوع ده
بس اكيد هى لو ماكنتش عاوزة تخلى بنتها تكلمنى اكيد كانت منعتها وهو ده اللى كان مصبره ومطمنه





وفى يوم كان عمرو
بيكلمها
وفجأة




ياسمين :- على فكرة ماما عارفة انى بكلمك دلوقتى وهى عايزة تكلمك




عمرو :- طب ياسمين .....




ياسمين :- خد ماما معاك
((( يا خرابى على الزنقة ))




مامتها :- السلام عليكم




عمرو :- وعليكم السلام ( ضاااااااااع الواد )




مامتها :- ازيك يا عمرو




عمرو :- تمام الحمد لله ازى حضرتك




مامتها :- الحمد لله




مامتها :- ياسمين كانت حكتلى عنك وبصراحة كدا انا قولتلها انها ما تكلمكش تانى بس هى مش راضية
وانت عارف بقى دماغها ناشفة
هههههههههههههه




عمرو :- اه مانا عارف طب وحضرتك ليه كدا ؟؟




مامتها :- ياعمرو انت ذى باسم ابنى وعارفة انك بدرى عليك صح ولا لا ؟؟




عمرو :- مش بدرى ولا حاجة انا قدامى سنتين واتخرج من الكلية وساعتها ممكن انى اتقدم لياسمين وبعدين ياسمين لسة صغيرة




مامتها :- يااااااا يا عمرو ده انت لسة عاوز تكون نفسك ولسة قدامك جيش وموال
هههههههههه




طب وليه حضرتك ها تعقدينى (( الواد جاله احباط ))
ههههههههه




عمرو :- انا بس اتخرج من الكلية وربنا يحلها ولا فيها جيش ولا حاجة باذن الله وبعدين انا بحب ياسمين وهى كمان بتحبنى .. وباذن الله نكمل مع بعض




مامتها :- مافيش حاجة اسمها حب فى الزمن ده انت بس علشان شايف ياسمين حلوة شوية فمعجب بيها مش اكتر




عمرو :- لا والله العظيم انا بحبها بجد وعمرى ما اقدر اتخلى عنها ولا انى استغنى عنها فى يوم
(( وفضل عمرو كلمة من هنا وكلمة من هناك يقنع بيها والدة ياسمين بكلامه ))
(( وفعلا نجح فى انه يقنعها )) ( مقنع اوى الواد ده .... طالع لى )




واثناء المكالمة كان سامع صوت ياسمين جمب مامتها وهى بتقول قفشات وبتعلق على كلام مامتها زى
خلاص بقى عقدتى الواد
كفاية كدا
اشمعنا يعنى باسم




وكان بيضحك عليه هو ومامتها
وبعد ما المكالمة ما انتهت
حس عمرو ان الدنيا بدأت تضحكله وان هم من على قلبه انشال




واول ما روح بيته اتصل بيها تانى واتكلموا مع بعض عن كلام مامتها وايه هو رد فعلها على كلام عمرو




بس الواد كان ذى الاسد واقدر انه يقنعها بكلامه ويثبتلها انه قد المسئولية وقد كل كلمة بيقولها



وقالت ياسمين لعمرو ان مامتها معجبة بشخصيته وبكلامه
وانها عاوزة تشوفه وانها حكتلها على موضوع الدرس اللى بيروحه عشان خاطر عيونها
وانها ممكن تطب فى اى لحظة قال يعنى عاوزة تطمن عليها بس هى ها تيجى عشان تشوفه مش اكتر



واطمن عمرو لكلام ياسمين
وانتهى اليوم بسلام



لحد ماظهرت مشكلة جديدة وهى ان باسم شك ان اخته بتكلم حد فى التليفون و ......






تنتهى الحلقة على كدا ااااااااااااااا


_____________
ونشوفكم على خير
مع يوميات عمرو و ياسمين فى الحلقه السابعه










منذ 13 ساعات رقم المشاركة : 28 (permalink)
Miss Devdas
X-- من روائع عندنا --X










الحالة





--------------------------------------------------------------------------------


هههههههه

قصه جميله والله بس حوده ده فعلا شخصية زبالة

بلاش تخليه يتكلم تانى ياميدو زباله زباله يعنى







التوقيع :

الحلقه السابعه

كنا انتهينا ان عمرو ظبط كل حاجة مع مامتها وانها اتاكدت ان عمرو ده شخصية كويسة وابن ناس وانه مش بيلعب ببنتها ذى شباب اليومين دول
(( فاهمنى طبعا اا ))

كل شئ كان تمام وفى يوم كان عمرو بيكلم ياسمين وديه كانت المكالمة

ووووو نسمعها سواااااااا

عمرو :- وحشتينى

ياسمين :- انت اكتر

عمرو :- بجد والله انا نفسى اشوفك

ياسمين :- يسلام انت لو كنت عاوز تشوفنى بجد كنت زمانك جيت الدرس عشان تشوفنى بس انت بقى اللى ما جتش

عمرو :- والله يا ياسمين انا عندى اليومين دول امتحانات وبتاع ونفسى اشوفك بس مش قادر انزل

ياسمين :- لا خليك فى مزاكرتك احسن .... وكفاية عليا انى اسمع صوتك كل يوم

عمرو :- يا لهوى اهى الكلمة دى عندى بالدنيا وما فيها
انا بموت فيكى يا ياسمين

ياسمين :- بس انا اكتر

عمرو :- اكتر ايه ؟؟

ياسمين :- هههههه ما انت فاهم وعارف كل حاجة

عمرو :- بس انا عاوز اسمعها منك

ياسمين :- ما انت عارف انى مش بعرف اقول الكلام ده

عمرو :- طب ما انت اول واحدة اقولها بحبك وبموت فيك يا ياسمين وربنا يخليكى ليا يا رب يا اغلى عندى من الدنيا ومافيها

ياسمين :- بجد يا عمرو يعنى انت بتحبنى زى ما بحبك

عمرو :- بصراااااااااااااااااااااااااااااحة لا ( يا خرابى اعترف الواد )

ياسمين :- ايه ......!!!!!؟؟؟ ( راح ف دهية)

عمرو :- اكتر بكتييييييير اوى منك ( حرام عليك نشفت قلب البت )

ياسمين :- حرام عليك فجعتنى

عمرو :- ليه هو كل ده لسة شاكة فى حبى ليكى

ياسمين :- ليه هو انا لو شاكة كنت كلمتك ثانية واحدة

عمرو :- يا واد يا جامد والنبى عسل يا خواتى

ياسمين :- بس بقى عشان فيه موضوع مهم

عمرو :- خيييير

ياسمين :- باسم اخويا بدء يشك فيا وكل شوية الاقيه ماشى ورايا فى الشارع ويعملها صدفة
وكل شوية يقولى انت بتكلمى مين فى التليفون وكدا يعنى ......
ولولا ماما كنت زمانى روحت فى داهية

عمرو :- ربنا يخلهالنا يا رب لحد ما اقدر اجى لحد عندك واطلب ايدك من باباكى
واقوله يا عمى انا بطلب ايد بنتك ياسمين وعاوزها تكون مراتى وام عيالى لحد ما اموت

ياسمين :- بعد الشر عليك ده انا اموت وراك
وبعدين كل سنة وانت طيب

عمرو :- يااااااا ده احنا عيد ميلادنا كمان 3 اياام ( 1 /4 )
كل سنة وانتى طيبة يا قمر

ياسمين :- على فكرة ماما عملالك مفأجاة

عمرو :- ايه هى ؟؟ ( استر ياللى بتستر )

ياسمين :- ما تبقاش مفأجاة
((( وتمر التلات ايام اوااااام )))

ويوم عيد الميلاد الصبح موبايل عمرو بيرن

عمرو :- الو

ياسمين :- الو صباح الخير

عمرو :- صباح النور يا روحى وحشتينى اوى رغم انى لسة سيبك فى الحلم

ياسمين :- ههههههههههه

ياسمين :- وكنت بتحلم بايه بقى ؟؟

عمرو :- بيكى انت وبس

ياسمين :- كل سنة وانت طيب يا عمرو

عمرو :- وكل سنة وانتى طيبة يا ياسمين ونفضل مع بعض
على طول لاخر يوم فى عمرنا

ياسمين :- يا ريت يا عمرو
على فكرة ماما جمبى وعاوزة تكلمك

عمرو :- اوك ماشى

مامتها :- ازيك يا عمرو

عمرو :- الحمد لله حضرتك عاملة ايه ؟

مامتها :- الحمد لله
كل سنة وانت طيب

عمرو :- هههههههه وحضرتك طيبة يا رب

مامتها :- انا عندى مفأجاة ليك

عمرو :- اه ما ياسمين كانت قايلالى بس مش راضة تقولى اى هى المفأجاة

مامتها :- طب انت فاضى النهاردة بليل

عمرو :- ولو مش فاضى اكيد افضى نفسى

مامتها :- طيب الساعة 7 استنانا قدام الدرس

عمرو :- اشمعنا

مامتها :- ها تعرف فى وقتها وعشان نشوف حل لموضوع باسم

عمرو :- اه اكييييد ( وانا كنت ناقص )

ويعدى النهار وطبعا عمرو لبس الحتة اللى ع الحبل وجلجل شعره ورش كالونيا وحضر هدية جميلة جداااااا لاجمل بنت فى الدنيا
حبيبته اللى فضل يحلم بيها طول عمره ويشوفها فى احلامه خلاص
شاء القدر انه يجمعه بيها ويشوفها قدامه ذى الملاك
ما يقدرش يوصف لسانه اللى شايفاه عيونه لانه يفوق اى جمال شافه فى الدنيا
وقف قدامها مش عارف يقول ايه ؟؟ مش عارف يعمل ايه ؟؟؟
عاوز يبصلها وبس يمكن يشبع منها ..... مش عاوز يضيع ولا ثانية قدامها

ياااااااااااااه

كلام كتير جواه عاوز يقوله بس اكيد الزمن مش هيكفى حبه ليها
هى كمان كانت مش عارفة تنطق ولا كلمة
مش عاوزة ترفع عينها من عليه ..... عاوزة تعوض كل ثانية مش بيبقى قدام عنيها ...... نفسها تقوله بحبك يا عمرو وياريت ماتبعدش عنى ولا ثانية
بس مش قادرة
ليه مش عارفة

وفجأة تنقطع لحظة الرومانسية ......

مامتها :- ازيك يا عمرو ( ده وقته يا شيخة )

عمرو :- الحمد لله حضرتك عاملة ايه ؟؟

مامتها :- كل سنة وانت طيب

عمرو :- وحضرتك طيبة

ياسمين :- كل سنة وانت طيب يا عمرو اتفضل
( لفة باين من شكلها انه دبدوب )

عمرو :- وانت طيبة يا ياسمين وبرده كل سنة وانت طيبه اتفضلى

و إداها هديته واديته هديتها
واتمشوا لحد كافيه

وهناك كانت المفاجأه.................


___________________
ونعرف المفاجاه في الحلقه ال8

عاوزها ردود كتييييير
واللى مش هيرد على التوبيك ده هزعل
اما نشووووووووووووووووووف









صفحة 4 من 4 « الأولى < 2 3 4

رحررررررررررررررررااااااام عليكي يا لولا مون

انت بتذبحينا يعني بتيجي
عند اهم لحظه وتفصلي والله حرااام

بس بجد ياسمين عجبتني اوي لما قالت لممتها

وربنا يستر من بااااااسم اخوها اصل

احنا كده رخمين معلش استحملونا

بس برده ده لمصلحتكم والله

خيفين عليكم اصل مش اي حد يقول بحبك

بيكون بيحبك

صح ولا لا يا شباب

تسلمي على القصه يا لولا بجد قصه جمده

الحلقه التاسعه........
ونخوش بسرعة .......
^
^
كنا وصلنا لاحلى لحظة رومانسية بين عمرو وياسمين
لحظة الحب والعشق بين الطرفين
اللحظة اللى قالت فيها ياسمين واخيرا لعمرو انها بتحبه وبتموت فيه ويمكن اكتر كمان ما هو بيحبها ....

خلص اليوم بسرعة بالنسبة لياسمين( دايما اللحظات الحلوة بتخلص هوااا )

واول ما روحت اتصلت بعمرو
اتكلموا شوية وقالته ان ده كان احلى يوم فى حياتها وانها كانت اسعد انسانة فى الدنيا عشان كانت مع حبيب قلبها وال انتظرته طول السنين يخطف قلبها

عمرو هو كمان كان اسعد انسان فى الدنيا
طبعا عمرو ما يقدرش يعدى يوم زى ده على كدا حب يشارك فرحته صحابه واللى كانوا سبب فى انه يكلمها

اتصل بحودة والخطيب
واجتمعو
واتمشوا على البحر وحكالهم عمرو على اللى حصل......
وكانو فرحانين علشانو جدااااااااا
بيتمشوا على الكورنيش
وحودة كالعادة بيمارس موهبته فى فن معاكسة البنات

حودة :- شايف ياض البنت اللى ذى البدر اللى هناك ديه

الخطيب :- هههههههه ... يا عم سيبها ديه ماشية مع حمار بدل ما ييجى يضربنا

عمرو :- لا والنبى يا حودة مش طالبة نضرب النهاردة خااااااااااااالص

حودة :- يا جدعان ضرب ايه وبتاع ايه
ساعة الضرب ........الجرى نص الجدعنة

حودة .......الخطيب ....... عمرو
هههههههههههههههه

الخطيب :- انت بالنسبة لك الجرى كل الجدعنة

حودة :- يااااااااااااااا لهوى انت واخد بالك من الجيبة اللى هناك ديه

الخطيب :- ههههههههههههههههه
يبنى بس وجعتلى بطنى
هههههههههه

واستمر حودة على كدا طول السهرة وضحك وهزار
وعاش عمرو احلى يوم فى حياته واللى بيه تبدأ حياته

وتعدى الايام وتروح

وفى يوم كان اصعب يوم على قلب ياسمين
والساعة 8 بيرن موبايلها
شافت رقم عمرو جرت على الموبايل وبكل لهفة وشوق بترد

عمرو :- الو

ياسمين :- ازيك...................... وحشتنى

عمرو :- كويس ( صوت الواد متغير )

ياسمين :- مالك فيه ايه صوتك متغير !!!

عمرو :- لا ابدا مافيش

ياسمين :- لا فيه قول مالك عشان ما تقلقنيش عليك

عمرو :- فى موضوع كدا بس مش عارف اقول ايه ؟

ياسمين :- لا قول يا عمرو

عمرو :- ياااااااســـ مــــ ين

ياسمين :- نعم

عمرو :- احنا مش ها ينفع نكمل مع بعض

ياسمين :- نعم

عمرو :- اسمعينى بس للاخر وسيبينى اتكلم .............. انا عارف ان الكلام اللى ها اقوله صعب عليكى ..................... بس انا اسف يا ياسمين

ياسمين :- عمرو انت عارف انت بتقول ايه ؟

عمرو :- سامحينى .................. ويارب تقابلى الانسان اللى يحبك اكتر منى و يخاف عليكى ادى

ياسمين :- عمرو ليه كل داا......!!!!.....
بدأ صوتها يبان عليه دموعها

عمرو :- اسف سلام يا ياسمين
(((((((( وقفل السكة ))))))))

ياااااااااااااااااااااااااااااااااااااااا
اصعب لحظة فى حياه ياسمين .......... طبعا ما سكتتش .......اتصلت بيه تانى كنسل .........وقفل الموبايل

جرت ياسمين ودموعها مالية عنيها على مامتها تقولها اللى حصل
ومش عارفة تتكلم ......... حاسة ان روحها بتطلع منها
الانسان الوحيد اللى حبته بيقولها ما ينفعش نكمل مع بعض وبدون سبب
طول اليوم عمرو قافل الموبايل
وبليل ...........

مروة صحبتها بتروحلها البيت وجواها كلام كتير مش عارفة تبدأه منين
............لقت ياسمين فى حالة عمرها ما شفتها فيها ولا كانت تتخيل انها تشوفها كدا
ذى الاطفال بتبكى على حبيبها اللى راح منها............. بين يوم وليلة بعد ما شافت معاه اسعد ايام حياتها

وكانت الكارثة الاكبر

مروة :- ما تبكيش عليه هو اساسا ما يستهلكيش

ياسمين :- انا بس عاوزة اعرف هو عمل كدا ليه ؟
مروة :- انسيه بقى ........... عمرو ما حبكيش ولا عمره ها يحبك

نزلت كلمات مروة على ياسيمن ذى الصاعقة
مش عارفة تقولها ايه ولا ايه

ياسمين :- فيه اى اللى حصل !

مروة :- عمرو لسة شايفاه هو والخطيب راكبين عربية ............
الخطيب سايق وعمرو قاعد هو وواحدة ورا

يااااااااااااااااااااااااااا
المصايب كلها بتيجى فى وقت واحد
حبيبها طلع بيخونها ......... لا ده حتى ما حبهاش ...........وفى اشد لحظات احتياجها ليه ....... نسيها ومع واحدة تانية

اتجنت ياسيمن وعاوزة تكلمه باى طريقة
فكرت .......

اتصلت ب سلمى ( اخت صباحو كدب ) صاحبهم الرابع

ياسمين :- ازيك يا سلمى عاملة ايه ؟

سلمى :- الحمد لله مالك صوتك فيه حاجة متغيرة

ياسمين :- لا ابدا تعبانة شوية

سلمى :- لا الف سلامة عليكى

ياسمين :- محمد اخوكى موجود

سلمى :- محمد اخويا !!!!!! .......وانت عاوزاه ليه !!!!!

ياسمين :- موجود ولا لا ؟؟

سلمى :- لا مش هنا

ياسمين :- امال فين ؟

سلمى :- اكيد مع شلته هو وراه غيرهم

ياسمين :- انت تعرفيهم كويس يا سلمى

سلمى :- اه اخويا دايما بيكلمنى عليهم ..........ليه ؟؟

ياسمين :- بيقولك ايه

سلمى :- يعنى انهم على طول فى سهر وخروج وبنات فى الكلية وهزار وضحك ولعب وكدا ........... عايشين حياتهم يعنى

ياسيمن بتكلمها وبتخبى دمعتها لا يبان عليها وبتقولها اوك ها اكلمك تانى وتقفل السكة
ومامتها قاعدة جمبها وبتقولها

مامتها :- خلاص بقى اوعى تجيبى سيرته تانى .......انسيه زى ما نسيكى .. و اوعى تندمى عليه...

ياسمين :- طب ليه يا ماما عمل كدا ؟ بقى ده ذنبى انى حبيته ؟

مامتها :- خلاص بقى ربنا يسامحه واهو عنده اخوات بنات

ياسمين :- بس انا متاكدة انه بيحبنى زى ما بحبه

مامتها :- كفاية بقى يا ياسمين اديه طلع كداب وابن
وكفاية لحد كدا والحمد لله انها جت على اد كدا ............

وبتسيبها وتمشى
وياسيمن ما تلاقيش حد يمسح دمع عنيها وتقعد تفكر فيه
معقول ما حبنيش .................. طب ازاى ده انا كنت حاسة كل كلمة بيقولها ........طب ليه عمل كدااااا ... طب ليه قالى انه بيحبنى وضحك عليا
ليه ...... و ليه ...... وليه ...........؟؟؟؟؟؟؟؟؟
والف سؤال بيدور فى دماغها
وماحدش يقدر يجاوبها غير واحد بس
حبيبها عمرو
اللى ماحدش عارف هو فين دلوقتى

وووووووووووووووو
تخلص الحلقه التاسعه على اصعب مشهد فى حياه ياسمين صدمة حياتها فى
حبيب قلبها

___________________________________
ونكمل المرة الجابة مع الحلقه العاشره

الحلقه العاشره

كنا انتهينا عند الفراق وازاى الفراق بيبقى صعب اوى اوى
وخصوصا للعشاق اللى بيحبه بجد وبيخلصوا لحبهم بجد من كل قلبهم

بس يا ترى عمرو
خاين
وكداب
وانانى
وضحك عليها وماحبهاش بعد كل ده !!
طب ليه عمل كل ده من الاول ؟؟
وليه سابها من غير حتى وداع ويقولها على سبب ؟؟!!
يا ترى ياسمين عملت حاجة غلط ؟؟
ياترى كان بيضحك عليها طول الفترة ديه ؟؟
.....

كل ديه اسئلة كانت بتدور فى عقل ياسمين بس بدون اى اجابة
ومش لاقية اللى يرد عليها

عمرو وقافل موبايله وكل اللى تسألهم عنه يحزروها منه
طب بعد ايه ؟؟؟؟؟؟
... بعد ما حبته من كل قلبها...

يلا نكــــــــمل

ها نسيب ياسمين واللى هى فيه
ونروح لعمرو
ونرجع لليوم اللى عمرو اتصل بيها وقالها انه خلاص مش ها ينفع يستمروا مع بعض
اى اللى خلاه يعمل كدا ها نعرف دلوقتى
....................

والد عمرو :- بنت عمك جاية النهاردة ولازم تروح تجيبها من المطار

عمرو :- اشمعنا

والد عمرو :- ياعمرو انت عارف اشمعنا انت ؟؟!!
(( وده موضوع قديم اوى ومعروف فى المجتمع المصرى ومنتشر جدااااا ...ان لازم ابن العم يجوز بنت العم عشان بنات العيلة ما تخرجش بره ))

وهما متربين من صغرهم مع بعض ... لكن عمرو ما بيحسش قدامها غير انها اخته وبس ............وهى كمان زى اخوها

بس والد عمرها ووالدها مش شايفين كداااا

عمرو :- يا بابا احنا ها نتكلم فى الموضع ده تانى مش كان انتهى من زمان

والد عمرو :- يعنى ايه انتهى ديه بنت عمك وخطيبتك من وانت فى اللفة

عمرو :- طب وانا ذنبى ايه ؟ هى بالنسبة ليا مجرد اختى وبس
وبعدين انا فيه واحدة فى حياتى وبحبها وما اقدرش احب غيرها وعاوز اتقدملها

والد عمرو اول ما سمع الكلام ده اتجن اكتر واكتر

والد عمرو :- وديه بنت مين البرنسيسة ديه كمان اكيد واحدة ......... من الشارع

والدة عمرو :- براحة الكلام ما يبقاش كدا عمرو مش صغير

والد عمرو :- افهم مين؟؟؟ ابنك عاوز يجننى

عمرو :- يا بابا انا حر وده مستقبلى وانا بحبها وهى بتحبنى ومتفقين على كل حاجة

والد عمرو :- يعنى ايه متفقين .... ها تكسر كلمتى .... انا ابوك واعرف اكتر منك
انت لسة صغير وما تعرفش حاجة

عمرو :- لا انا مش صغير وعارف مصلحتى كويس وبعدين ان حر فى انى اختار شريكة حياتى

(( وفى جزء اقل من الثانية ))

ينزل الم على خد عمرو

والد عمرو :- ها تعمل اللى انا عاوزه وها تنفذه

(( عمرو بيدخل اوضته ويقفل الباب ))

وعشان ما حدش عارف اى حاجة فى اى حاجة ........... ودايما الاب والام بيحسوا ان ابنهم ده لعبة فى ايديهم يشكلوها ذى ما هما عايزين ..........وما لهمش حق حتى فى اختيار شريكة حياتهم ولا مستقبلهم

ويستمر النقاش قصدى العراك بين عمرو ووالده وكانت مامته بتقنع عمرو انه يسمع كلام والده اختصار للمشاكل .......

اخد والد عمرو الموبايل من عمرو ........ واجبره على الاتصال وانه ينهى كل حاجة ..........ولما عمرو رفض شاط الاب اكتر واكتر

ووالدة عمرو ما بقتش عارفة تعمل ايه ؟؟؟
خايفة على عمرو وما ينفعش تكسر كلمة والده .......... اقنعت عمرو انه يتصل ويقول الكلام اللى عمرو قاله ......... ووعدته انها تقف جمبه ........ وتساعده بس لما الامور تهدى

وتحت الحاح الجميع
اضطر عمرو انه يتصل ويقول الكلام اللى عمره ما اتخيل انه ممكن ينطقه وكانت كل كلمة بتطلع منه ...... وكأن روحه بتتسحب بيموت كل مرة بينطق فيها كلمة وداع

اخد والد عمرو من عمرو موبايله
واتصل بالخطيب صحبه عشان ييجى ياخد عمرو ويروح المطار يجيب بنت عمه
وانه يحاول يقنعه انه يدور على مستقبله وانه لسة صغير ..... ولسة ها يقابل كتير

راح عمرو وهو شايل هموم الدنيا وعمال يفكر فى ياسمين
وياترى بتقول عليه ايه دلوقتى .. ؟؟؟؟

اقنعه الخطيب انه يهدى ويستنى يمكن مامته تعرف تعمل حاجة وبلاش انه يسابق الامور

عدى يومين ولسة المشكلة ما اتحلتش
اتصل عمرو ب ياسمين من موبايل صحبه
وكانت النتيجة متوقعة
.....

عمرو :- الو

والدة ياسمين :- ايوة مين

عمرو :- انا عمرو يا طنط

والدة ياسمين :- عمرو .............. انت لسة ليك وش تتصل هنا

عمرو :- طب ممكن افهم حضرتك اللى حصل

والدة ياسمين :- لا مش عاوزة افهم اى حاجة
وياريت تنسانا وتنسى ياسمين وما تحاولش تتصل هنا تانى ابدا
وسيبها فى حالها وكفاية اللى شافته منك

عمرو :- طب .....

والدة ياسمين :- خلاص يا عمرو ما ينفعش الكلام
ياسمين خطوبتها كمان اسبوع
( ياااااااااااااااااااااااااااااااا لهوى )

عمرو :- نعم

والدة ياسمين :- زى ما سمعت وما تحاولش تتصل هنا تانى من فضلك

والدة ياسمين :- سلام

اتجن عمرو وكره دنيته وحياته بعد ما سمع الكلام ده ...... عاوز يروح يرمى نفسه فى اى حتة ويختفى من الدنيا ...... ما خلاص اللى حبته فى الدنيا راحت وضاعت من ايده
وبسبب ايه ...... ؟؟
حاجة مش بايده

كان هاين على عمرو انه يولع فى الدنيا ها يموت من حزنه عليها قلبه بيتقطع على حبيبة قلبه
ولولا انه كان معاه صحبه هدوه....... الله اعلم كان اى اللى ها يحصل

الخطيب :- يا عم انت اهدى بس اهدى شوية

عمرو :- اهدى ايه انت مش شايف مامتها قالت ايه ؟؟

الخطيب :- يا عمر وانت ايه اللى يخليك تصدق....... ما يمكن بتقول كدا عشان تبعدك وتخليك ما تتصلش تانى

عمرو :- لا لا لا لا لا

عمرو :- عاوز اشوفها عاوز اكلمها
مش قادر ها اتجنن

معقول ها يبعد عنها معقول مش ها يشوفها تانى !!
معقول ها تبقى لحد غيره !!
معقول تنساه بالشكل ده !!
معقول بعد ما القدر يخليه يشوف سعادة الدنيا وما فيها !!
يخليه اتعس انسان فى الدنيا !!
معقول القدر يلعب معاه ويدمر حياته !!

يا ترى ها اعيش لمين من بعدك يا ياسمين !!
بيقولها عمرو بكل حسرة والم وشوق وجراح

الخطيب :- يا جدع اهدى بقى حرام عليك مش كدا

الخطيب :- طب استنا انا ها اعرفلك كل حاجة

(( الخطيب بيتصل باخوها على موبايله ))

الخطيب :- الو باسم

باسم :- ايوة

الخطيب :- انا الخطيب ............ازيك يا باسم

باسم :- الحمد لله

الخطيب :- انا كنت عاوز اقابلك دلوقتى ضرورى

باسم :- ليه ؟؟

الخطيب :- عاوزك بس فى حاجة ضرورية

باسم :- عشان عمرو صح ؟؟

الخطيب :- ايه ده انت عرفت

باسم :- اه عرفت كل حاجة وعيب اللى عمرو عمله ده على فكرة

الخطيب :- يا عم طب انا عاوز اشوفك دلوقتى وها افهمك كل حاجة

باسم :- تفهمنى ايه ؟؟

(( ويخطف عمرو الموبايل من الخطيب ))

عمرو :- ايوة يا باسم انا عمرو وعاوز اشوفك دلوقتى

باسم :- اهلا يا عمرو ماكنش العشم يا عمرو ده احنا اصحاب

عمرو :- ماهو عشان اصحاب يبقى لازم اشوفك دلوقتى

باسم :- انتم فين ؟؟

عمرو :- انت فين واحنا نجيلك

اتقابلو هما التلاتة

وكان رد فعل باسم غريب جداااااااا
بس .....


_________________
ها نعرف فى الحلقه ال 11

الحلقه ال 11 من عمرو وياسمين


وندخل بسرعة وبدون مقدمات عشان المفأجات..؟؟

وصل عمرو والخطيب وباسم وتقابلواا هما التلاتة
اتكلموا كتير اوى

اقنع عمرو باسم انه فعلااا نيته كويسة وانه عاوز يتقدم لاخته وانه عمل كل ده عشان بيحبها وكان عاوز يتاكد الاول من مشاعرها........ ويصارحه بعديها وان كل اللى حصل ده مش بايده
طب بعد اييييييييييه ....... قالها باسم وهو قاصد كل حرف فيها
بعد ايه .... يا ريتك كنت فهمتنى من الاول ويا ريت اللى حصل ده ما كنش حصل

عمرو :- ليه فى ايه اللى حصل ؟؟ وبدأت نبضات قلب عمرو تتزايد .... قلبه بيدق فى الثانية الف مرة .. حاسس ان حبيبته ها تضيع بجد المرة ديه

اكد باسم لعمرو ان والده بعد ما عرف الحقيقة ان ياسمين بتكلم واحد من وراه ....... غصب عليها انها لازم توافق على العريس ( ابن صاحبه ) وانها لو رفضت يبقى تاخد امها وتسيب البيت !!!!

ماكنش فيه حاجة فى ايد ياسمين غير انها توافق وخلال يومين كل حاجة كانت اتحددت المهر .. الشبكة .. الخطوبة ... حتى ميعاد الفرح اتحدد
كل ده حصل بين يوم وليلة
كل ده حصل ازاى
وامتى وفين ؟؟

كل ده بسبب حاجة هما الاتنين ما لهمش ذنب فيها غير انهم حبوا بعض من قلبهم
بس ما يعرفوش ان نهاية حبهم ها تبقى على ايد القدر اللى ذى ما جمعهم صدفة .... صمم انه لازم يفرقهم برده صدفة

اتجنن عمرو اكتر واكتر ... وما عرفش يعمل ايه غير انه جرى على البيت زى المجنون

عمرو :- مش انت قولتيلى انك ها تقفى جمبى وها تساعدينى فين كلامك دلوقتى ياسمين خلاص ها تتخطب وانتم السبب
ولو حصل والله لموت نفسى وانتم بقى عيشوا بقية حياتكم ندمانين ...... ولا ليه تندموا وانتم اساسا مش حاسين بحاجة ... مش عارفين يعنى اى حب .... مفكرينى لسة صغير....... لا انا مش صغير واخترت شريكة حياتى وانتم اللى ها تضيعوها من ايدي وعمرى ما هاسامحكم على اللى عملتوه فيا.....

قالها عمرو وهو مش حاسس بحاجة غير دموعه على خده ومامته بتحضنه ومش حاسة بنفسها ومش مصدقة اللى بتسمعه .........

اخدت رقم بيت ياسمين من عمرو
واتصلت بوالدة ياسمين وصممت انها لازم تقابلها

وقابلتها وفهمتها كل حاجة حصلت وانها على استعداد انها تروح لوالد ياسمين وتشرحلوا كل حاجة ...... وتفهمه ان والد عمرو على استعداد انه يقابله ...... لانه استحالة يقدر يشوف عمرو بالحالة ديه ... ووصفتلها اد ايه عمرو حزين وليل ونهار ماعندهوش سيرة غير ياسمين وقافل اوضته عليه وعامل ذى الاطفال وانها عمرها ما شفته بالمنظر ده قبل كدا ... بس للاسف .........

شرحتلها والدة ياسمين اد ايه والدها صعب جدااااااا ... وانه استحالة يخسر صحبه بعد ما اتفقوا تقريبا عل كل حاجة ........ وان ديه قسمة ونصيب ... وانها سعيدة بمعرفة عمرو ووالدة عمرو وان اللى فيه خير يقدمه ربنا ... وان كان ليه نصيب فيها ماحدش يقدر ياخدها منه وانها ها تعمل اللى عليها وربنا معاها.......

والدة عمرو كانت بتسمع الكلام ده ومش عارفة هى ها توصله ازاى لعمرو .... وياترى عمرو ها يعمل اى لما يسمع كلام زى ده.....

وما قدرتش والدة عمرو تقول الكلام ده لابنها بس هو فهم كل حاجة من غير ما تقوله بمجرد انه بص فى عنيها وشاف دموعها

فهم عمرو انه خلاص ما لوش نصيب فى ياسمين .... بس من جواه رفض الاستسلام
اتصل بياسمين وكان من جواه نفسه يسمع صوتها لاخر مرة ...... نفسه يكلمها لاخر مرة بس مش نفسه يقول وداع .... كان من جواه متاكد ان ياسمين عمرها ما ها تبعد عنه وان استحالة الحب ده كله يضيع فى الهوا
كل جزء من جسمه ها يفضل فاكر ياسمين ..... لان مش قلبه بس اللى حبها .

اتصل عمرو بياسمين
وسمع صوتها وكانه اول مرة يسمعه سامع نبض قلبها .. سامع دمع عنيها ... وبيرد قلبه عليها وبيقولها ما تخفيش يا ياسمين ... عمرنا ما ها نبعد عن بعض .. حتى لوافترقنا ها يفضل قلبى فاكرك

ياسمين :- بحبك يا عمرو وخايفة ابعد عنك .... خايفة يبعدونا عن بعض واحنا ما صدقنا نلاقى بعض .... خايفة ابقى لانسان تانى غيرك

عمرو :- ما تخافيش يا ياسمين واوعى تقولى كدا تانى انا ها افضل معاكى لاخر لحظة فى عمرى
وعمرى ما ها سيبك تضيعنى منى ابداااا ولو وقفت قدام الدنيا كلها

بكى عمرو وبكت ياسمين وكانت دموعهم هى ضحية هواهم ... بس اكيد القدر مش ها يبعدهم عن بعض ابدااااااا .....وتمر الايام وتفوت وقلب عمرو مجروح ومش عارف يكلمها ومش فى ايده اى حاجة يعملها.... وبعد ايااااام بسيطة جدااااااا

بيسمع عمرو ان خطوبة ياسمين النهاردة ...... معقول اكيد ده بيحلم اكيد ده حلم مش علم .....

اصحاب عمرو حاولوا انهم يخففوا الصدمة عليه شوية بس كانه كان عارف من جواه ان ده ها يحصل وكان مستنيه وكأنه مستنى الموووووت
حاولوا انهم يمنعوا بس عمرو صمم انه لازم يروح الخطوبة ويعمل اى حاجة ...

صحابوا خافوا عليه ...

الخطيب :- اكيد انت مجنون

عمرو :- انا ابقى مجنون لو سبتها تضيع من ايدى ... لازم اعمل اى حاجة

وبعد طول نقاش بينهم قرر عمرو انه لازم يروح بس اكيد صحابو مش ها يسيبوا فى يوم ذى ده

وفعلاااااااااااااااااااااا راح عمرو الخطوبة ودخل القاعة بس كانت فيه مفأجاه

وفجأأأأأأأأأأأأأأأأأأأأأأأأأه !!!!!!!!

الحلقه 12 والاخيره

المفااااااااااااااااااااااجأة

كلنا طبعااا عاوزين نعرف اى هى المفأحاة وايه هو اللى حصل بعد ما عمرو دخل القاعة
نخوش على طول
وبدون مقدمات

..
دخل عمرو القاعة واول ما دخل وقعت عينه على ياسمين نبض قلبه واللى ما اتمناش حد فى الدنيا غيرها ... لابسة فستان الفرح
كانت ذى البدر ليلة 14
مافيش اتنين يختلفوا على جمالها
كل الناس قاعدة وفرحانة
الا قلبين

عمرو ....... وياسمين

دخل عمرو وكانت فى نيته يعمل حاجات كتير اوى
بس ما كنش متصور انه اول ما هيخش عينه ها تقع عليها
خاف انها تشوفه ... استخبى وفى عينه الف دمعة والف سؤال ؟؟

طول عمره بيحلم بيوم زى ده
يوم ما يقعد جمب ياسمين فى الكوشة
والناس فرحانة

كان دايما شايف نفسه جمبها فى بدلة الفرح
وهى بفستانها الابيض
اتكلموا مع بعض عن اليوم ده كتير
وقد ايه هما الاتنين استنوه
بس اللى عمرهم ما اتوقعوا ان
عمرو ما يبقاش جمب ياسمين
......

افتكر عمرو كل كلمة قالتهاله ياسمين
افتكر كل لحظة كانت معاه فيها
افتكر اول يوم شافها.......افتكر يوم ما خطفت قلبه
افتكر يوم ما قالتله بحبك

يااااااااااااا
حاجات كتير اوى كانت جواه
وجواه حاجات كتير نفسه يعملها
عاوز يهد الدنيا عاوز يخطف وياسمين
ويطير بيها على فرسه الابيض ذى ما كان بيقرا فى الرويات
بس مش دايما الحقيقة بتنتهى بالنهايات السعيدة
زى روياته ....

بس ما اقدرش يعمل غير حاجة واحدة وبس
ان عنيه تدمع على فراق حبيبته
وعلى امله فى انها ترجعله

بكى عمرو كتير اوى وهو واقف مكانه
من غير ما يقدر يتحرك
وكأن رجله اتسمرت فى الارض

صحابوه شافوه ما صدقوش ان هو ده عمرو صاحبهم
اللى الضحكة ما كنتش بتفارق شفايفه
معقول الحب يعمل فيه كدااا!!!

ااااه
لانه بيحب بجد
لان قلبه فى يوم زى ده كان بيتخلع من جواه
ما اقدرش عمرو انه يكمل
اخدوه صحابوه وطلعوا بره

حصلتله حالة ذى الهيستريا
انتهت بانه فتح عينه لقى نفسه على سريره
ودموعه لسة فى عنيه
ومش هو لوحده
ديه دموع كل اللى حوليه
فى اللحظة ديه عرف عمرو ان حياته خلاص انتهت وما بقاش ليها لزمة
ها يعيش ازاى وهو كان عايش ليها
بيتنفس ليها
بيحلم بيها
عاشق كل مافيها

قرر عمرو انه يبعد
وذى ما بيقولو لو ليه نصيب فيها
هتكون له مهما حصل

قعد عمرو طول الليل
حزين ... بيفكر فيها
طب هى اى شعورها دلوقتى
حاسه ب ايه ؟؟

زعلانة قد ما انا زعلان
ولا خلاص استسلمت للدنيا
وسلمت امرها وقلبها لواحد تانى
خلاص نست كل اللى ما بينهم
نسيت كلمة بحبك اللى قالتهاله وهو حس بيها
نسيت كل الكلام اللى اتقال
نسيت هو عمل قد ايه عشان يوصلها
وكل ده
راااااااااااح


ولا هى كمان اتظلمت فى الدنيا ذى ما انا اتظلمت
يمكن تكون هى كمان اتظلمت اكتر منى
يعنى مش كفاية انها تسيب حبيبها
لا وكمان ها تكمل حياتها مع واحد مش بتحبه ...

عاش عمرو وما عندهوش غير املين
انها تكون مكتوباله وترجعله تانى
او انه يحاول ينساها..........

عرف عمرو انها خلاص اتجوزت
ما اقدرش عمرو انه يعمل حاجة غير انه يسلم امره لربه
ويدعلها من كل قلبه
يااااااا رب
اسعدها فى حياتها ...
ويارب الانسان ده يحبها ويخاف عليها ويسعدها اكتر منى

وتفوووووووت الايام على عمرو
وتعدى سنين من عمره
وهو لسة ذى ما هو
يمكن يكون قدر ينساها
بس لسة الذكريات جواه فى قلبه
كمل حياته بدون حب
مستنى يلاقى حب جديد يكمل بيه عمره اللى فاضل
من غير ما يشوف ياسمين
...


وفى يوم كان ماشى عمرو
وحس ان الدنيا كلها وقفت فى لحظة ومش قادرة تمر
الزمن من حواليه كله واقف فى مكانه
افتكر كل سنين حياته فى لحظة واحدة
لحظة ما وقعت عينه على ياسمين

يااااااااااا
بعد السنين دي كلها يرجع يشوف ياسمين
وكأن القدر مش سايبه فى حاله
بعد ما داوى جراحه
يرجع القدر من تانى يجرحه

شايف ياسمين قدامه
ذى ما هى لسة ما اتغيرتش
ما اتغيرش فيها غير حاجة واحدة بس ....
انها بقت أم...

يااااااا
كانت صعبة اوى على عمرو انه يشوف ياسمين فى موقف زى ده
شايله بنتها على ايديها
معقول ديه ياسمين اللى كنت بحلم انا وهى
ورسمنا حياتنا
ومستقبلنا سوا
وما فكرناش ابدااااا ان يوم زى ده ممكن يمر علينا
انى اشوفها هى وبنتها

شافته ياسمين وعنيها بتقوله كلام كتير اوى
ما فهمهوش عمرو لان عنيه كانت مشغولة
ازاى تدارى دمعتها...

جرى عمرو على بيته
دخل اوضته ومش مصدق اللى شافه
...

طفى عمرو النور وولع شمعة واحدة بس
وكانها عمره اللى بيتحرق لفراق حبيبته
ومر شريط حياته كله قدام عنيه
عنيه اللى مش قادرة تنسى ياسمين
مسك عمرو قلم وحاول يكتب اللى جوه قلبه
بس مش هو اللى بيكتب
قلمه حاسس كل تنهيدة بطلع من عمرو
وبيترجمها لحروف وكلمات
ولما انتهى عمرو وهو مش عارف هو كتب ايه

حاول يكتب اسمه واسمها
بس اكتشف انه خلاص مش مسمحوله انه
حتى يفكر فيها
او انه يكتب اسمها على قصته

وكتب



يوميـــــات عمرو وياسمـــــــين




.....
واخر كلامه كان
....


كنت معاها بحلم بهواها
مستنى اشوفها ..... او المح طيفها
اجرى عليها وامسك ايدها
ما أنا أصلى فى يوم كان اسمى حبيبها

وتفوت سنين وانا قلبى حزين ...... والحلم يروح و أفضل مجروح
وحبيبى فى قلبى منين ما ارووح

واتمنى اشوفها ولو لثوانى
وافتكر ايامى معاها من تانى
اضحك على نفسى واقول
انسااها
ديه ايام فاتت وياها
ولو تدور تلاقيها
نسيانى
يمر شريط حياتى قدامى
حياتى ال ما عشتش غيرها
ومع غيرها ما عشتش انا
فين الحب فين العشق فين الغنا فين الهنا
كله راح كله اتبخر واللى اتبقى حبى
أنااااااااااااااا

وف لحظة
عينى تيجى عليها
تبتسم والدموع مالية عنيها
ماهى مش لوحدها
دى معاها....... بنتها
فى عنيها كلام وسلام
ذكرى وشوق وغرام
شايلاه جواها من زمان
من أيام نفس المكان بس عدى عليه كام سنة
لحبيبها

ده اللى هو اناااااا
ليه يا زمن تعمل كدا
وتضيع حبنا بالشكل ده
خلاص بقت ام
وعندها بنتها
طب ليه ما ابقاش انا الاب
والبنت ديه بنتى
اناااااااااااا




________________________

يارب ميحصليش ولا لحد الموقف ده بجد صعب انا شوفت واحد بيعيط بطريقه غريبه وهو واقف قدام حبيبتو وهي في الكوشه وبتمنا من ربنا ميحصلش لحد

اه ولله يا أحمد صعب جدااا الموقف دا بس لو انتا مكلن عمروكنت هاتعمل ايه

الجزء الثانى من يوميات عمرو وياسمين
--------------------------------------
الحلقة الاولى
---------------

يقولووون
ان لولا الحب ما كان الانسان تزوق طعم الحياه واحس بسعادة الدنيا ...
...
الحب مش مجرد كلمة بنقولها للانسان اللى بنحبه ... والسلام
دى مشاعر واحساس بكل دقة قلب جوانا فى اشد الحاجة انها تسمع كلمة بحبك
من الانسان اللى اختاره قلبنا قبل عقلنا ..
وعشان كدا المفروض اننا لما نقولها نبقى على اتم الاستعداد اننا نضحى باى حاجة فى سبيل الحفاظ على حبنا ..
حتى لو كان فراقنا هو التمن ...

من هنا ها نبتدى الجزء التانى من يوميات عمرو وياسمين
وان شاء الله تعجبكم
...,,...

بتبتدى حكايتنا بعد مرور 13 سنة
من العمر بدون اى حب
كل ما فيها عذاب لقلبين كان ذنبهم اخلاصهم لحبهم
قلبين عاشو على ذكرى جميلة.. وايام مش ها ترجع

قلبين اتحدوا النسيان رغم مرور الايام
قلبين اتمنوا ان الايام ترجع لو دقيقة ووتنتهى حياتهم بعدها
قلبين ذى ما عرفوا معنى الحب ... عرفوا طعم الفراق

قلب عمرو وقلب ياسمين
....
سامر :- يا عمرو اسمع كلامى والله يا جدع ها تندم لو ما جتش ديه بتبقى سهرة جميلة ...
على الاقل ترحم نفسك شوية من جو الشغل اللى انت عايش فيه ده ليل مع نهار

عمرو :- يا سامر انا مش ناقص وجع دماغ وعاوز ارتاح شوية

سامر :- طب تعالى المرة ديه بس وصدقنى مش ها تندم ..... وبعدين ده فيه حتة دين مفاجاه هناك

عمرو :- مفاجاه ايه ..!!

سامر :- بيقولوا فيه شيخ عراف هناك بيقرى الطالع والكف وعنده خبرة فى النجوم والابراج

عمرو :- ههههههههههههههه
انت بتصدق فى الكلام ده يخربيت عقلكهههههههه

سامر :- يا عم فاهم اللى انت عاوز تقوله بس تعالى وبعدين لو ما عجبكش الجو هناك ابقى امشى يا سيدى ماحدش ها يمسك فيك

وعشان راحة البال وبدل وجع الدماغ قرر عمرو انه يروح مع سامر حفلة السمر ............................
وهناك كان الجو عادى جدااااااا ...
موسيقى وغنا ورقص

وكان الكل فى انتظار الشيخ العراف
حتى عمرو اللى ما بيصدقش فى الكلام ده هو كمان كان مستنيه

وفجاه دخل شيخ كبير فى السن
واضح عليه الهيبة والاحترام والذكاء والعلم
وكمان باين فى عنيه خبرة الايام والزمن

وصل الشيخ العراف واول ما وصل شاورله سامر من بعيد
وبدء سامر يوشوش الشيخ العراف ويشاورله على عمرو

قرب الشيخ من عمرو وهو بيقوله

الشيخ العراف:- تحب اجرالك (اقرا لك) الكف والطالع واجولك ( اقول لك ) على المستخبى واللى شاغل بالك يا ولدى

عمرو :- المستخبى .. وانت بقى ايه بتعرف الغيب

الشيخ العراف :- يا ولدى ما يعرف الغيب الا الله اللى خلجنى (خلقنى ) وخلجك ( خلقك )

عمرو :- امال ايه بقى ..!!

الشيخ العراف :- يا ولدى انا ها اجولك ( اقولك ) على اللى شاغل بالك واللى يريح حالك
واطمن جلبك ( قلبك ) اللى سار حزين من ها اليوم اللى
فارجت ( فارقت ) فيه محبوبتك

استغرب عمرو وبص لسامر وهو مستغرب

سامر :- يا عم انت بتبصلى ليه ..!! ما انا جمبك اهو ما قولتش حاجة

الشيخ العراف :- يا ولدى انت ما هتخسر شى وانا ما باخد منك شى وكلامى ها يفيدك ما ها يضرك فى شى

عمرو :- طب اعمل ايه يعنى ...!!!

الشيخ العراف :- اعطينى كفك يا ولدى

مسك الشيخ العراف ايد عمرو وهو بيقول كلام مش واضح............... من صوت الموسيقى العالية
وبيقلب ويعدل فيها وعمرو عين معاه وعين على صحبه
اللى باين عليه انه ورطه

وفجاه ساب الشيخ ايد عمرو طلع شوية حجر وصدف ورماهم على الرمل
وبص لعمرو واداله 3صدفات وقاله

الشيخ العراف :- جول ( قول ) للصدف على اللى واجع جلبك ( قلبك ) و شاغل بالك واللى تتمناه يا ولدى
مسك عمرو الصدف وهو كله فضول يعرف ايه نهاية ال هو فيه ده .. وشوش الصدف ورماهم على الرمل

الشيخ العراف :- بوص يا ولدى ....

وهنا تنتهى الحلقة الاولى من الجزء التانى من
يوميات عمرو وياسمين 2

الحلقة الثانية
--------------



كنا وصلنا للشيخ العراف وان الظاهر ان سامر ورط عمرو
فى حاجة كبيرة اوى ها تكون بداية لحكاية اكبر....
ونكمل مع بعض ...

الشيخ العراف:- انت جلبك ماهو فيك
وعجلك ( عقلك ) وبالك مشغولين باللى ليك
هادى البنية اللى ساكنة روح فيك
وانت ماهو معمولك عمل ذى ما صضيجك ( صديقك ) بيجول ( بيقول )
انت مافى شى فيك غير الهوى
حبيبتك هى دواك
ودواك تكونوا سوا
ومافى واحدة تجدر( تقدر ) تملى جلبك غير هادى البنية
اللى جلبها متعلج (متعلق) بيك
وعجلها ( عقلها ) مشغول فيك
بس ماهو بيدها ولا ذنبها
هى كمان حكم عليها الهوى
بالبعد عنيك ( عنك )
وتعيش مع واحد جلبها ماهو رايده
وفرحك ادينى شايفه
وال جال عليه كفك ..
ان خط جلبك جرب ( قرب ) من خط عمرك
وف نجطة ( نقطة ) جريبة ( قريب ) هيتلاجوا ... و ...
واثناء ما الشيخ العراف بيقول الكلام ده لعمرو

عمرو سرح ورجع بنفسه13سنة لورا

.......
13 سنة ما عرفش فيهم قلبه طعم الحب
13سنة كتير حبوه
.. بس قلبه ما حبش غير واحدة بس هى اللى قدرت تسكن قلبه طول المدة دى رغم انها بعيدة عنه
13 سنة ما نساش حبيبته ياسمين واللى بتزوره كل يوم فى منامه

بيكلمها وتكلمه ذى ما كان بيكلمها

حتى بعد ما بقى مدير فندق كبير جدااا فى شرم الشيخ
وديه كانت الوسيلة الوحيدة ال بيهرب بيها من تفكيره فى حبيبته اللى بقالها13 سنة ما يعرفش عنها غير شوية اخبار كل فين وفين من صحابه اللى فى اسكندرية ....

اسكندرية اللى ما بقاش ينزلها غير بطلوع الروح
ومناهدة طويلة من مامته وباباه
اللى بيتمنوا انهم يشوفوه اسعد واحد فى الدنيا
ومتخيلين ان السعادة فى انه يكون اسرة .....
وكتير دارت ما بينهم مشاكل كبيرة بخصوص الموضوع ده
لانهم ما يعرفوش ان السعادة خلاص ما بقتش تعرف لقلبه طريق
قلبه اللى ما بقاش ملكه
وحكم عليه الزمن انه يعيش بقية عمره سجين الماضى والذكرى ....
مش بيفوق من تفكيره غير على ايد صحبه سامر واللى كان شغال معاه فى شرم الشيخ

سامر :- ايه يا ريس انت روحت فين

الشيخ العراف:- ايش يا ولدى سرحت فى ماضيك
فى حبيبة جلبك

عمرو :- يا عم الشيخ قولى اعمل ايه وانا مش بايدى انساها ولا بايدى احب بعديها ...
اعمل ايه ؟؟ّّ!!

الشيخ العراف:- خلاص يا ولدى جلبك ها ترجلعه الفرحة من تانى
جريب ( قريب )
وجريب ها ترجعلك فرحتك وها يرجعلك عمرك ال فات ...

( ولسة ما كملش الشيخ العراف كلامه وبيقاطعه عمرو وهو كله لهفة وشوق )

عمرو :- نعم انت بتقول ترجعلى الفرحة .. بس انا خلاص فرحتى وسعادتى ما بقتش ملكى يا عم الشيخ

الشيخ العراف :- عارف يا ولدى ان جلبك مات ووردتك دبلت من زمن
بس الطالع بيجول ان سعادتك جية جية ..
حبيبة جلبك ها ترجعلك بس
ما تفرح يا ولدى
انت انكتب عليك الهوى طول العمر
وهواك مكتوب عليه الحزن

عمرو :- حزن ... انت مش بتقول ها ترجع

الشيخ العراف :- ها تعرف فى وجتيها ( وقتها ) ان الحب مش اننا نبجى مع ال حبيناها
وان عذاب الفراج( الفراق ) اكبر بكتير من عذاب اللجى ( اللقى )

عمرو :- مش قادر افهمك يا عم الشيخ

الشيخ العراف :- ما تسبجش ( تسبقش ) الامور يا ولدى بس احب اجولك كلمة اخيرة
ما تفرحش بالورد .. ده لكل وردة شوكها ذى ماليها ريحتها الطيبة.....
وقام الشيخ العراف بعد ما ساب عمرو فى حيرة واستغراب من الكلام اللى لسة سامعه ...

فضل عمرو قاعد مكانه ما اتحركش وهو بيفكر فى كل كلمة قالهاله الشيخ العراف ...
لحد ما فوقه سامر من اللى هو فيه وهو بيقوله

سامر :- اوعى تفكر فى اى كلمة قالهالك الراجل ده

عمرو :- ليه مش انت اللى جبتنى هنا وكنت عاوزنى اقابله .. وبعدين ايه موضوع العمل ده اللى الشيخ قال عليه انت قولتله ايه بالضبط

سامر :- ما قولتش حاجة ده شكله بيخرف

عمرو :- انا شايفك وانت بتوشوشه انت قولتله ايه ..!!؟؟

سامر :- بوص انا كل اللى قولتهوله ان انا خايف يكون حد عملك عمل بخصوص الموضوع اللى انت بتفكر فيه ده
مش عارف انا فكرت كدا ازاى بس انا قولت اهو كلام وانت برده اوعى تصدق اى كلمة قالها ...

عمرو :- طب ايه اللى عرفه بالموضوع ده

سامر :- ياعم اهو كلام بيقوله لاى حد هو الكلام بفلوس ما تركزش عشان ما تهيسش وبعدين يا جدع ده انا شايف الفرحة فى عنيك اهو من مجرد شوية كلام راجل كبر وخرف

عمرو :- ههههههههههوالله انت مجنون

سامر :- والله انت اللى مجنون .. ومتعلق بحبال دابت وان شاء الله ها تقع على جدور رقبتك

عمرو :- ههههههههههه .. وانت ايه اللى فهمك فى الحب يا بتاع الخواجات

سامر :- يبنى الحب انتهى وخلص من زماااان اوى
والعمر بيجرى وانت مش بتفكر فى موضوع الجواز ده خالص ممكن اعرف ها تفضل كدا لحد امتى ...

هى وخلاص اتجوزت
....
فوق بقى يا قيس

عمرو :- افوووووق .... ده شكلى انا اللى ها فوقك

واتحول الليل من سهرة مع شيخ كبر وخرف ذى ما سامر ما بيقول
لهزار وضحك بين الاتنين ... ونسوا موضوعهم الاصلى ...

وهرب عمرو من تفكيره فى كلام العراف لهزاره مع سامر













توقيع : ...*Mido

الحلقة الثالثة
---------------

النهاردة ها نكمل مع بعض قصتنا

كنا وصلنا عند كلام الشيخ العراف وازاى عمرو بدء انه يتعلق بكلامه ويتعلق بيه يوم عن يوم وزادت ثقته فى كلام العراف وخصوصا ..
لما حلم عمرو بحلم غريب جداااااااا
....
حلم عمرو ب
ياسمين..
بس ده العادى انه يحلم بيها وتجيله فى منامه بس الغريب
انه يحلم بياسمين مداله ايديها وهى بتغرق وبتستنجد بيه ..
وعمرو بيمسك ايديها ومش قادر ينقذها
وكأن فيه حد بيشدها من تحت وبتبصله فى عنيه جامد اوى
و بتقوله اللحقنى يا عمرو ....
صحى عمرو من حلمه اللى اعتبره كابوس مش عادى
وبسرعة لبس هدومه وجرى على الشيخ العراف واللى بقى عمرو بيشوف مستقبله فى كلامه

راح يحكيله حلمه الغريب
وكان يتمنى انه يلاقى عنده تفسير لحلمه ....
بس كالعادة ما طلعش منه بحاجة
كلامه كله عن حبيبته اللى ها يلاقيها
واللى ها ترجع الفرحة والبسمة تانى لحياته
ما بقاش عارف يعمل ايه ...

ياترى يلف ويدور على حبيبته اللى اظاهر انها مش موجودة غير فى احلامه وبس
ولا يستنى ذى ماهو
يتفرج على عمره وهو بيتسرب من بين ايديه سنة ورا سنة ..

واثناء ماهو بيفكر فى كلام الشيخ العراف
لقى مين بيتصل .....!!!!!

حـــــــــــــودة
..............
فاكرينه
(( اكيد ده ما يتنسيش ))

حودة :- انت معفن على فكرة .. وخسارة فيك تمن المكالمة
بس اعمل ايه وحشتنى

عمرو:- ههههههه حبيبى والله واحشنى موت يا حودة

حودة :- ما تشوفش وحش يا خويا ...

عمرو:- ههههههههه واحشنى هزارك وضحكك ووحشنى الخطيب ووحشتنى اسكندرية والله يا حودة انا حنيت لكل حاجة كنا بنعملها واحنا سوا

حودة :- طب ما تيجى يا عم عاوز اشوفك قبل ما اموت
كح كح كح

عمرو:- هههههههه قريب والله بس الشغل ما انت عارف بقى

حودة :- يا عم ادينا شوية من وقتك ولا انت عشان خلاص بقيت مهم
وماسك مراجيح مولد النبى

عمرو :- هههههههههههههههه
لا ابدا والله قولى بس ايه اخبار مراتك والعيال

( ما تنسوش دول 13 سنة )

حودة :- ليه بتفكرنى يا عم بس دلوقتى ربنا يسمحك

عمرو :- ههههههههههه

حودة :- اه ما انت بتضحك ... ايه اللى خلانى اتجوز بس يا ربى
المهم نسيتنى مش الواد الخطيب اتصل بيا وقالى انه راجع خلاص

(ملحوظة ..الخطيب كان مسافر امريكا بقاله 9 سنين ما نزلش مصر )

عمرو:- بجد ( بيقولها وهو طاير من الفرحة ) بجد نازل بجد

حودة :- اه والله ما انا عملت زيك كدا برده انزل انت كمان بقى خلينا نتلم زى زمان ..
وبعدين فى موضوع كدا عاوزك فيه !!

عمرو:- موضوع ايه ..!!؟؟

حودة :- لا مش ها ينفع فى التليفون لما تنزل بس ضرورى .. انا ما كنتش عاوز اقولك بس اللى ما بينا يخلينى ما اخبيش عليك حاجة ذى ديه

عمرو :- فيه ايه قلقتنى .!!
...
رفض حودة انه يقول لعمرو عشان يضمن انه ينزل ..
وبليل
...
كالعادة قاعد عمرو وحيد فى البلكونة
وكان اليوم ده القمر بدر كامل ..

قاعد بيفكر فى كلام العراف واللى بقى شاغله ليل ونهار وبيفكر فى كلام حودة ..والموضوع المهم اللى رفض حودة انه يتكلم عنه ومعقول يكون بخصوص ....... ولقى نفسه بيفكر فى ياسمين

ياترى يا ياسمين عاملة ايه وفكرانى ولا لأ ..
يااااا بقالى كتير اوى ما شوفتهاش ولا سمعت عنها اى خبر ..
ربنا يسعدك يا ياسمين
بقولهالك من كل قلبى
قلبى اللى اخدتيه معاك يوم ماكنت فى الكوشة مع واحد غيرى
وادينى اهو ..
لا عارف احب بعدك ولا حتى انى احقق امنية ماما وبابا فى انهم يشفونى عريس
......
وفى نفس الوقت اللى كان قاعد عمرو مع القمر
كان فيه واحدة سرحانه هى كمان مع نفس القمر
وبتقوله نفس الكلام
..
يا ترى يا عمرو انت دلوقتى مع مين وبتفكر فى مين
يا بخت اللى بتفكر فيها
ويا بخت مراتك بيك ...

( لان اللى وصلها ان عمرو خلاص اتجوز وسافر )

ياترى يا عمرو لو كنت ارتبط بيك كان ها يبقى ده حالى ...
وياترى انا باجى فى بالك ولا لأ
بس اكيد لا وهو معقول يكون لسة فاكرنى
معقول اكون لسة باجى فى باله
طب لو عرف اللى حصل معايا يا ترى ها يكون ايه رد فعله ..!!

كل قلب لسة متعلق بقلب حبيبه اللى مش قادر ينساه رغم العمر اللى عدى وهما بعاد عن بعض
لا بيشوفوا بعض ولا حتى بيعرفوا اخبار بعض ..


وهنا بتنتهى الحلقة التالتة ...

الحلقة الرابعة
معلش ع التأخير
--------------------------



عمرو
راكب عربيته وراجع على اسكندرية
بيسرح بخياله



فى العمر اللى عدى
(. بيشوف حبيبته .)
اللى ضاعت منه وبعدها ضاع منه عمره
وقد ايه كان انانى
فى انه يحرم كل اللى حوليه من الفرحة ...
وكانه بيعاقبهم هما على ال عمله الزمن فيه
....


(. بيشوف صحابه .)
اللى قضى معاهم اجمل ايام عمره
هو ده العمر اللى عاشه بدون حزن ودموع
هو ده العمر اللى كان مليان فرحة وسعادة


ياترى عشان كنا لسة مش حاسين بالمسئولية
بنضحك ونهزر وكاننا ضامنين بكرة
لحد ما صحينا على كابوس
الفرااااااااااااق


فراق حبيبته وفراق صحابه
فراق اهله واحبابه
كل واحد راح فى طريق ..


مستقبله
اللى هون عليه ان خلاص شايف قدامه اللمة راجعة من تانى
الخطيب راجع وحبيبتى اللى وعدنى بيها العراف خلاص ها الاقيها


بيوصل عمرو البيت وهناك كانت مستنياه
مقابلة حاااارة جدااااااا
من والدته ووالده واخواته
حس عمرو بدفى وحنيه العيلة اللى بقاله كتير ما حسش بيه ..!!


بتبص والدة عمرو فى عين عمرو بتشوف جواه حزن كبير
رغم الابتسامة المرسومة على شفايفه


والدة عمرو :- يابنى ربنا بقى مش ها يهديك وتريح قلبى وتحقق امنيتى فى انى اشوفك اب ... واشيل ابنك بايدى


بيبصلها عمرو وبيمسك ايديها ويبوسها ويقولها قريب يا ماما ان شاء الله
بتبصله وهى مش مصدقة من فرحتها


والدة عمرو :- بجد يا عمرو يعنى انت نازل عشان كدا


عمرو :- ان شاء الله يا ماما .. قريب اوى بس انت ادعيلى


( بتبوس راسه..... وهى بتقوله )


روح ربنا يسعدك يابنى ذى ما فرحت قلبى
....
حس عمرو قد ايه بقراره فى انه يهرب من الواقع
انه بكدا ما ظلمش نفسه وبس
لالالالا
ده ظلم ناس كل اللى طالبينه انهم يشوفوا سعيد فى حياته
....
ببيخوش عمرو اوضته
يااااااااااا
لسة ذى ماهى بالضبط ..ما فيش ولا حاجة فيها اتغيرت
اول حاجة عينه بتقع عليها


دبدوب ياسمين
اللى ادتهوله يوم عيد ميلادهم
وهو ذى ماهو ع مكتبه
بيبصله وكانه شايف اللحظة قدامه
افتكر
لحظة ما لمس ايديها بكل حنية
لحظة ما بص ف عنيها وشاف جمالها
لحظة ما قالتله بحبك
فى اللحظة دى بس حس انه مالك الدنيا وما فيها


شاف سعادته اللى سجنها الزمن
فى سجن بعيد
من غير قضبان او حراس
بس مليان عذاب والم الفراق
شاف لحظة ما شاف دموعها فى عيونها
فى اليوم اللى بتتمناه اى عروسة وهى قاعدة جمب عريسها
بكل حزن بص للدبدوب وحدفه بعيد
وكلمه وكانه شخص قدامه
لو مش بايدى اعيش سعيد مع الانسانة اللى حبيتها
يبقى على الاقل اسعد اللى حوليا


ساااااااااااااااااااااااامحينى
سا محينى يا حبيبة عمرى وسبب عذابى فى الدنيا
.....
وبيتصل بحودة وبينزل يقابله
وهناااااااك كانت المفاجاه


حودة :- يعنى انت خلاص نويت يبنى تتجوز ولا ناوى تكسفنا


عمرو :- لا خلاص ان شاء الله بس انت عندك ليا عروسة ولا ادور انا
( بيقولها عمرو ... وهو زعلان )


حودة :- طب والنبى افردها شوية بزمتك ده منظر حد ها يجوز


عمرو :- مالكش دعوة ... عندك ولا لأ


حودة :- عندى فرس عربى اصيل انما ايه ... ساكاموزااااا


عمرو :- ههههههههه هو انت بتجوز حصان ... وبعدين ازاى افكر فيها وانت عينك خرمتها كدااااااا
يعنى يا عم الغبى لازم يكون عندك زوق وانت بتتكلم على واحدة ممكن اتجوزها


حودة :- تصدق عندك حق ..


عمرو :- وبعدين انت مش اتجوزت واتلميت وربنا رزقك بابنك ( سيف )


حودة :- قصدك بيبرس ههههههههههه


عمرو :- ههههههههههه بيبرس ...!!!!! ميييين ؟؟!!!


حودة :- هو سيف بس اصله مغلبنى
كل يوم يبعتولى عامل مشاكل فى الحضانة
بيعاكس الميس بتاعته
هههههههههههههههههههههههههههههه


عمرو :- اومال طالع لابوووه
هههههههههه
والله انت اللى ها تبوظ الواد ده


حودة :- خليه يدردح من صغره عشان ما يتعبنيش ذيك كدا لما يكبر


عمرو :- الا صح ايه الموضوع اللى كنت عاوزنى فيه


حودة :- موضوع ...!!!!؟؟؟


عمرو :- اااااااه موضوع .. انت نسيت ولا ايه ؟؟


حودة :- لالالالا
بسسسسس .. خلاص بقى اعتبره انتهى


عمرو :- مش فاهم ما تفهمنى .. واتكلم دوغرى


حودة :- ياسمين


عمرو :-
( بكل دهشة )
مااااااااالها ..!! انت لسة بتشوفها
(( حودة عنده بوتيك ملابس .. وياسمين كانت بتروح تطمن على عمرو من خلال حودة .. بحجة الهدوم ))


حودة :- عمرو ياسمين اطلقت
(( طاااااااااااااااااااااااااااااااااااااخ ))


عمرو :- ايييييه ... اطلقت
( بيقولها عمرو بكل استغراب وحزن وفرحة فى نفس الوقت )


حودة :- ااااااااه اطلقت من حوالى شهر


عمرو :- سرحاااااااااااااااااااااااااااااااااااااااان


حودة :- بصراحة انا ماكنتش عاوز اقولك وخصوصا بعد ما عرفت انك خلاص نويت تكون اسرة وتحقق حلم والدتك اللى صبرت كتير اوى عليك وده حقها عليك بصراحة يا عمرو


عمرو :- سرحااااااااااااااااااااان



حودة :- انا عارف انك حبيتها ولسة بتحبها واخترت انك تشتغل بعيد عن هنا عشان تنساها ... بس واضح انك لسة ما نستهاش


عمرو :- مش قادر ...


حودة :- ما تخلنيش اندم انى قولتلك


عمرو :- ما انا كان لازم اعرف


حودة :- فوووق بقى يا جدع انت اصلا مش بتيجى فى بالها ولا بتفكر فيك


عمرو :- وانت ايه اللى خلاك تقول كدا ...!!


حودة :- ده الاكيد


عمرو :- لا انا متاكد انها بتفكر فيا


حودة :- ها تفكر فيك ازاى وانا قولتلها انك اتجوزت وسافرت


عمرو :- ( صددددددددددددددددمة )
اييه ..!!


حودة :- كان لازم اعمل كدا عشان اقطع اى صلة بينك وبينها


عمرو :- عشان كدا بقالها مدة ما سالتش عنى ... صح ..!!


حودة :- صح


عمرو :- انت ازاى تعمل كدا ... انت .. ازاى تعمل كدا


حودة :- عشان مصلحتك


عمرو :- مصلحتى ... ..... .... ....


حودة :- اه مصلحتك وانت عارف انى اكتر واحد يخاف على مصلحتك .. انت عارف كدا كويس


عمرو :- انا عاوز رقم موبايلها وانت الوحيد اللى تقدر تجيبه


حودة :- وانا عمرى ما ها اعمل كدا ... مش عشان ما اقدرش ...
لالالالالالالالالالالالالالا
عشان ما تضيعش فى دوامة انت مش قدها


عمرو :-
لا ها تجيبه ..... عارف ليه ..!!؟؟
عشان ما فيش طريقة تانية تخلينى اسامحك على اللى انت عملته غير ديه ..


وساب عمرو حوووووووووودة وهو من جواه
شايف حلم بيتبنى من جديد


بس يا ترى ايه اللى ها يحصل
وياترى حودة ها يجيب الرقم ولا لأ ..؟؟!!
ولا عمرو ها يخسر صديق عمره عشان حبيبته
كل ده ها نعرفه فى


الحلقة الخامسة
استنونا

الحلقة الخامسة
---------------------


نخوش على طووووووول
..,,..


كلنا شوفنا قد ايه كان عمرو قاسى اوى على صاحب عمره

بعد ما عرف الحقيقة .. الحقيقة اللى دمرت كل حلم كان بيحلمه


و سهر ليالى وسنين بيتمنى انه يتحقق



ودلوقتى وبعد ما اتحقق بقى محتار مش عارف يعمل ايه ..!!

عدت ساعات كتير على عمرو كانها سنين وهو بيفكر فى اللى بيحصل وهل ياترى دى دوامة ذى ما صحبه ما قاله ولا ده تعويض عن جزء صغيرعن كل شئ حصل....


بعد يومين

عمرو قاعد فى البيت ولسة محتار بيفكر فى همه الكبير اللى بيزيد يوم عن يوم وخصوصا بعد ما عرف من مامته انها عندها عروسة وانه لازم يقعد معاها ويكلمها ما بقاش عارف يقول لمامته ايه بعد ما شاف الفرحة فى عنيها
ازاى ها يرجع من تانى ينكد عليها ..!!

اتصل بحودة عشان يقابله ويصالحه ويفضفض معاه لانه مش لاقى حد تانى يشكيله همه

اتقابلوا

عمرو :- اكيد انت طبعاا عازرنى وفاهم انى ماكنتش اقصد اللى قولته ...
ماهو مش معقول فى الاجازة اللى يادوب بعرف اخدها من فين لفين نزعل من بعض وانت عارف ان دلوقتى انا ماليش غيرك ..

وان كنت قولت كلام زعلك فده كان من عشمى فيك وعارف انك لايمكن ها تشيل منى ابداا صح .؟؟

حودة :- ااااااه يا عمرو لايمكن ها ازعل منك .. بس انا عاوز اقولك على حاجة انا ان كنت قولت لياسمين كلام زعلك فده والله كان فى مصلحتك فى البداية ..

وخصوصا يا عمرو بعد ما عرفت انك خلاص نويت ترتبط ...
يا جدع انت يعنى كدا فرحان وانت شايف ان كل اللى فى سنك عندهم عيل و اتنين وانت كدا عمال تضيع عمرك سنة ورا سنة وعلى ايه ... على كلام هايف ..
على وهم انت الوحيد اللى مصدقه
فووووق يا عمرو ما بقاش فى وقت تضيعه تانى طب بزمتك انت مش عاوز يبقى ليك ابن كدا يطلع عينك ذى بيبرس

عمرو :- ههههههههه عارف يا حودة والله وفاهم كل اللى انت بتقوله بس انت مش حاسس باللى جوايا مش من السهل انك ترجع تحب اى حد بعد ما بتنجرح

وخصوصا لو كان جرحك مش من حبيتك اللى حبيتها لا انت ولا هى ليكم ذنب فى اى حاجة


حودة :- انسى بقى يا عم خلاص ... شيلها من بالك ومن تفكيرك وبعدين انت مش ها تنساها غير لما تلاقى واحدة تانية تشغل بالك ..واحدة كدا تنسيك كل همومك ..
وتنسيك امك وابوك كمان لو تحب

عمرو :- هههههههههههههه مش ماما جايبالى عروسة

حودة :-ههههههههه لا بجد طب وايه موزة ولا ضاربها القطر هااا !!

عمرو :- لا لسة ما شوفتهاش

حودة :- طب وايه ها تتجوز كدا عميانى ..مش لازم تعيان الاول ههههههههه ...

(انتو عارفينه دلوقتى اكتر منى ....ساااااااافل ) ههههههههههههههه

عمرو :- طب اسكت بقى عشان انا كدا هاا اقوم اضربك

حودة :- واهون عليك .
اموووووووه

عمرو :- ههههههههههه
انت عارف يا حودة والله انا دلوقتى ما بقيت بضحك غير وانا وياك

حودة :- طب وتعمل ايه بقى لو نفذتلك اللى انت عاوزه

عمرو :- وهو ايه بقى اللى انا عاوزه يا فالح

حودة :- انا جبت رقم ياسمين ...
بس بشرط

عمرو :- ايه ده جبته من مين وامتى ..؟؟

حودة :- مالكش دعوة المهم انك توعدنى انك تكلمها مرة واحدة وتنساها خالص وان كلمتها يبقى كلامك عادى مجرد انك بتطمن عليها وبس

عمرو :- هههههههه طب وايه رايك بقى لو ما كلمتهاش خالص وادى الرقم

(( ومسك عمرو الورقة اللى مكتوب فيها الرقم وقطعها نصييين ))

عمرو :- خلاص مش عاوز اكملها بس لما تشوفها ياريت قولها انى بسلم عليها وخليها فاكرة ذى ماهى انى متجوز

حودة :- والله يا عم انت مجنون ....
والنعمة مجنون من يومين كنت ها تموت عشان الرقم ودلوقتى بتقطعه انت عايز ايه بالضبط

عمرو :- تصدق لو قولتلك انى عاوز سعادتها هى ومش مشكلة انا ..
لاننا لو قربنا من بعض ها يحصل مشاكل كتير مالهاش عد وانا مش عاوز اسببلها اى احراج او مشاكل

حودة :- طب اقولك انا على حاجة ...انت المفروض يحطوك فى متحف لان اللى ذيك انقرضوا خلاص

عمرو :- هههههههههههههههههههههههههه
خلاص بقى انسى الموضوع ده المهم انا مش عارف اعمل اى فى العروسة اللى جايبهالى امى دى

حودة :- بقى مش مكسوف شحط ذيك وبتقولى عروسة جيبهالى امى طب ده انا الفرس اللى قولتلك عليه ده ....
صاروخ مفخخ

عمرو :- ههههههههههه والله انت الحريم لحست مخك المهم انى ها ابقى اخدك معايا وانا رايح ... هاااااا ما تنساش

حودة :- يسلام ده انت تأمر ......

بيروح عمرو وخلاص من جواه اقتناع تام انه لازم ينسى
ياسمين وينسى اى زكرى لسة عايشة فى قلبه من ناحيتها
بينام عمرو
وبيحلم نفس الحلم اللى حلمه قبل كدا وياسمين بتغرق منه وهو مش قادر ينقذها صحى عمرو فى نص الليل لبس هدومه ومن غير ما يقول لاى حد ركب عربيته
ونزل
للشيخ العراف
...
وهناااااااااك

الشيخ العارف :- يا ولدى ما انا جولتلك ( قلتلك ) علي يريح بالك.. وانت جاصد ( قاصد ) تتعب حالك

عمرو :- طب اعمل ايه قولى يا شيخ انا بتعذب لا انا عارف اقرب منها ولا قادر اعيش واانا بعيد عنها ..

الشيخ العراف :- جرب ( قرب ) يا ولدى ..ربنا اداك اكتر من علامة ... جرب يا ولدى


(( وكان عمرو من جواه فرحة ممكن تملى العالم كله وكانه اخد الاذن وانه خلاص مسموحله بانه يكلمها .. ))
وهو راجع بيلاقى اتصال من حودة


حودة :- ايوة يبنى انت فين ..؟؟

عمرو :- انا جاى اهو كنت بس بعمل حاجة فى شرم

حودة :- ايه ده انت سافرت شرم امتى وازاى

عمرو :- لا ده موضوع كدا فى الشغل وخلصته فى السريع


(ملحوظة :- عمرو لحد دلوقتى ما صارحش حودة بموضوع العراف لانه كان عارف ان اى حد ها يسمع الموضوع ده ها يتريق عليه )

وبلييييل

..
وصلت العروسة او الموميا ذى ماحودة اطلق عليها

حودة :- يا شيخ حرام عليك ده انت كدا ها تموت نفسك وانت حى دى عروسة دى ... ده فيها شبه منى ههههههههههههه انت كنت اجوزت واحد صحبك احسنلك ياراجل

عمرو :- بس بقى كفاياك تريقة على عروستى

حودة :- عروستك ... تصدق انت لو عملت كدا لا ها احضر فرحك ولا اعبرك وانسى انى عرفتك من اصله ..

عمرو :- طب بوص بقى عشان ما تقولش عليا مجنون ولا كلامك الغريب ده ... انا عاوز رقم ياسمين

حودة :-
يالهوى ياما ...
انت ياض عاوز تجننى ... يعنى فى الاول اتعاركت معايا عشان اجبهولك وبعدين قطعته تانى
ومشحطتنى وراك عشان عروسة استعمال طبيب .. وبعدين تيجى تقولى عاوز رقمها تانى ...
ما تريحنى وتقولى انت عاوز ايه من الاخر

عمرو :- عارف انك استحملتنى بس انا خلاص قررت انى ها اتصل بيها وبياخد عمرو رقم ياسمين من الاول وجديد

وبيتصل بياسمين وبتحصل مكالمة غريييييييييييييبة جداااااااااااااوغير متوقعه تماما
________________________________
ودة اللى هنعرفه فى الحلقة السادسة