*معنى الحب*

معنى الحب



الحب ليست كلمة تقال
الحب ليس لعبة تنال
الحب ليس من الخيال
الحب جميل نعم
إحساس من أحلى النعم
الحب ما أجمله حين ترحم
كل حب بحر عميق
وكل حب روح تفيق
وكل حب إحساس أليم
عندما تحب فأعلم أنك سترتاح وتتعذب
فستلقى كل ضد بالحياة ستعيشه
آلا شي واحد إذا كنت تحب لن يحدث
هو الخيــــــانة
فمن هو الحب الحب شعور لايوصف

بل يسكن بقلبك تحس به وحدك

فحب عن حب يختلف وقلب عن قلب يختلف

فالحب ليس واحد الحب معانً كثيرة




اريد منكم قراءة هذا الموضوع واخذ المفيد منه
اردت فى هذا المقال ان انبه الشباب والشابات الى بعض الاشياء قد يغفلوا عنها وهى عن من يحبون ويعتبرونهم اغلى الاشياء فى الوجود
اولا الى الفتيات

--------------------------------------------------------------------------------

قد تظنى ايتها الفتاه ان الشاب الذى اعجبتى به وتحدثتى معه قد يكون كل شئ (معاكى حق) فهو لابد ان يكون (سى السيد) فى حياتك تعطيله ولا تنتظرى المقابل لان الشاب منا يريد ان يشعر بنفسه ومن هذا المنطلق لابد وان تشعريه بانه كل شئ تنظرى الى عينيه بكل حب ولهفة عليه تنتظرى اخباره اولا باول وتسالى عليه فى كل وقت (يعنى ماتكونيش بخيله وتديله مسدات وتقفلى لأ اتصلى احسن) وعندما يعطى لكى هديه لا تنتظرى الى ان تاتى مناسبه اخرى حتى ترديها له بل فى نفس الوقت تقريبا (يعنى ما تكونيش زى القطط تاكل وتنكر) والان استمعى الى الموسيقى الهادئه وفكرى فيه ستجدينه امام عينك يفرغ كل ما بداخله من كلمات الحب والغزل التى تودى سماعها( طبعا اتعلمها من الافلام العربى القديمه) ومع ذلك فهى تعجبك وتودى سماعها مره اخرى وهذه هى احد نقاط ضعف الفتاه (اذنيها) قد لا تشعر الفتاه بالحب تجاه شاب ما ولكن اذا ظل يردد على مسمعها كلام الحب والغزل قد تميل اليه الى ان تحبه (الزن على الودان اشد من السحر) ولذلك فانى احذرك من عدم الانسياق الى اى شاب لان بعض الشباب بل معظمهم يلونون الكلام ويتفننون فى اخراج افضل معانى الحب والغزل التى تخدعى بها ويسيطر على عقلك وعندما تميلى وتنجذبى اليه قد يكون راى فتاه اخرى افضل منكى فى شئ ما فيذهب اليها (دون ان يتركك) ويسمعها نفس الكلام تقريبا وهكذا مع اكثر من واحده حتى يقال عليه دنجوان ( مقطع السمكه وديلها) ولكن هذا الشاب يكون تافه جدا لا يعرف كيفية المحافظه على محبوبته ولا يعتمد عليه فى المستقبل
فالى كل فتاه احزرى عند اختيار حبيبك وتمعنى فى اختياره ولا تنساقى الى كلامه المعسول الا اذا اثبت لكى انه بجداره على ان يسعدك ويكون ملكك وحدك وعندها كونى له حبيبته وزوجته وامه واخته وكل شئ فى حياته حتى لا يبعد عنكى ارسمى له حياه افضل مما كان يرسمها لنفسه (خليكى انتى الغلبانه اللى ما بتزعلش جوزها) حتى يوفقكى الله الى ان يكون كالخاتم فى اصبعك

--------------------------------------------------------------------------------

ثانيا الشباب

--------------------------------------------------------------------------------

اما انت ايها الشاب المكسور الغلبان (ياعينى عليك يابنى) قد تظن ان كل الفتيات حسناوات جميلات (عندك حق بردو ماهو مافيش اكتر من البدره والمكياج اليومين دول) وهذا هو اسوأ اختيار وهو ان تختار الفتاه على اساس الشكل والمنظرفقد تكون هناك فتاه جميله جدا وتعجب بها وتكتشف بعد ذلك انها تسير مع نصف شباب الجامعه (والنصف الاخر مع زميلتها عشان يوصلولها) وتصدم بعد ذلك وتبطل اكل وشرب ( وما تبطلش السجاير) ولذلك فعليك باكتشاف الفتاه اولا (اللى انت هترتبط بيها مش اللى عاوز تمشى معاها زى شباب الجامعه) وهذا عن طريق مراقبة تصرفاتها من بعيد ثم تصرفات صديقاتها( الصديق مرآة صديقه) وبعد ان تتاكد من انها على خلق( رايح فين اوعى تروح تكلمها كده)حاول ان تلفت نظرها اولا دون كلام(اتقل يا قط عشان تاخد حاجه نضيفه) ولاحظها حتى تتاكد انها انتبهت لك ثم بعد ذلك حاول ان تفعل معها اى موقف ( اكيد هتسال موقف زى ايه دا انت لخمه اوى) مثلا اشترى كشكول محضرات ( من النوع الرخيص ما تبقاش غبى) واكتب عليه اسمها وعند خروجك من المحاضره (بعدها طبعا يابنى) اذهب اليها واعطيها الكشكول وقولها الكشكول ده بتاعك هتقولك لأ (اه الاسم اللى هتكتبه مش بالكامل ما توديناش فى دهيه اسمها بس ) قولها طاب ممكن توصليه لصحبته هتقولك انا معرفش صحبته قولها بس اكيد هتعرفى تسئلى عليه انا مش هعرف وبكده هتاخده منك ويبقى ده اول كلامك معاها (هتقول طاب اكلمها تانى ازاى) روحلها بعد يومين واسالها هيه رجعته لصحبته ولا لأ طبعا مفيش حد هياخده منها ( ودى ميزة انك جايبه رخيص لكن لو غالى يابنى ياحبيبى هتلاقى نفسك اديت الكشكول لوحده ما بتكتبش محاضرات اصلا) وبعدين افتح بقى معاها حوار عن نفسك واسالها عن اى حاجه وكده يعنى هتلاقى ساعتها الكلام بيتقال لواحده وبعد كل ده اما تيجى تعترفلها باللى فى قلبك قولها انك انته اللى كنت عامل حكاية الكشكول دى عشان تتعرف عليها ( وياريت تاخد الكشكول انته اولى بيه) دى مثلا طريقه فى طرق تانيه كتير لو دى ما كانتش تناسبك ابقى اقولهاك فى موضوعات تانيه بس دلوقتى عاوز اقولك الجد بقى عشان تحافظ على اللى بتحبها زى ما قولتلك البنت بتحب الكلام واللى بيتكلم معاها عمال على بطال وفى كل حاجه وبتحب كمان الهدايا (بس خليك ناصح مش كل حاجه تجيبلها هديه وهيه ماتجبلكش) حاول انك تكون معقول معاها بس نصيحة وبجد حبها حبها اوى لان ما فيش اجمل من ان تكون جانبك واحده حنينه بتحبك وتسال عليك وتساعدك على تحقيق احلامك واحلامها ( تعرف ايه اجمل تلت حاجات فى الدنيا ...حاجتين...النسوان) بس ما تحبش اى واحده وماتتجوزش اى واحده
اتجوز الانسانه اللى تحبك مش اللى انته تحبها ارتبط بواحده اخلاق وسمعه وبعد كده الجمال مش العكس حب واحده اعرف انها هيه اللى هتربى بناتك لو هيه مش كويسه اكيد بناتك مش هيبقوا كويسين
وانتى كمان حبيه حبيه اوى عيشيه احلى ايام حياته عشان اما تمشى جنبه يكون هوه فخور بيكى اعملى اللى يقولك عليه مش اى حاجه فى دماغك خليكوا انتوا الاتنين متسهلين حلوا مشاكلكم بينكم وبين بعض بسهوله ما تعقدوهاش هتلاقوا حياتكم جميله تستاهل انك تعيشوا وتكافحوا فيها
وفى النهايه احب اقولكم شكرا لكل من قرأ الموضوع لاخره ويارب ما يكونش حد مل منى ويارب اشوف ردودكم ومشاكلكم ونحاول اننا نحلها مع بعض وهكون سعيد اما تردوا عليا خير ختام الى اللقاء
كلام في حب وغرام عن شوق يزداد في ولهة الهيام



**********




كما الحب مصباح القلوب فان للقلوب مصابيح وهي التضحية والحب اجمل تضحياتة الوفا
وكما ان للاشيا الوان فان للجمال لون الطبيعة وكما للشجر غصون فان للقلب شجون
وكما للعين نور للدرب دوور وللرب حور وللعشق سور وللمدح لور اين الحب من هذا انة في قلب المحبين


حينما ألقاك تضيع مني ثرثرتي وأفقد زماني ومكاني حتى كياني

أنتظرك في الشرفات لأسمعك همساتي فخلف رقيق كلماتي تتواراى أحزاني

فكم فجرت دموعي على صورتك وكم كانت جراحي بليغه

حتى آلامي تلوح لها في الأفق