موضوع مهم جدا

انا عايز الجميع يحس بيا ويعرف انا عاي اوصل لايه
ياريت الجميع يشارك
انا عاي اعمل تغيير
كل واحد يحكيلنا عن نفسو كويس انا كل مره
هختار واحد وهو يحكي عن نفسو بالتفصيل وكلنا هنستنى ردو
وانا طبعا هبقا اخر واحد
ارجو من الجميع الصراحه التامه
وارجو اي حد مش عايز يعرفنا بحياته وبنفسه يسيبلي رد اما يقرا موضوع
انا هختار اختيار عشوائي
ايا كان الشخص اللي هختاره ميخافش من انه يعرفنا بنفسه
مميزاته وعيوبه
كلنا اخوات صدقوني انا فيا عيوب يمكن تخلي الجميع يخسرني ويكرهني
بس فيا ميزات الجميع يفتخر انه يمشي معايا
على العموم مش هطول
اللي يقرا الموضوع يسيبلي رد
ارجو التعاون

وان موافقه يا راكان وبكل صراحه

وانا كمان موافق يا بوب

قشطه طيب
مين عنده استعداد يقا اول واحد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اوك يا بوب انت عارف انا معاك طول العمر في اي حاجه

طيب مين اول واجد منكم انتو التلاته؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

احب انضم وابقى معاكم

طيب ملاك الروح انا هختارك انتي اول وحده وهسالك اسئله انتي وفقتي تجاوبي عليها بصراحه
احكيلنا عن حياتك بصراح؟؟؟؟؟؟؟؟
هل خانك حد قبل كده؟
كم مره حبيتي؟؟
وياترا انتي اللي سبتي حبيبك ولا هو اللي سابك؟؟؟؟
وليه؟؟
وايه عيوبك؟
وايه ميزاتك؟
وشايفه نفسك ايه توصفي نفسك بايه؟؟؟
وايه اكتر حاجه ندمتي عليها؟؟
وايه اكتر حاجه نفسك تحققيها؟؟
ايه الحاجه اللي نفسك توصليلها؟؟
تحبي لو رجع المن تعملي ايه؟؟
مين اكتر حد حبيتيه؟؟؟
وليه
واكتر حد كرهتيه وليه؟؟
واكتر صفه بتحبيها واكتر صفه بتكرهيها؟

تحبي توصليلنا ايه عن نفسك؟؟
اوصفيلنا بتعتبري الناس فحياتك ايه؟؟؟
وهل تقدري تعيشي من غيرهم ولا لا؟؟
نفسك فايه تلاقيه في الزمن ده؟؟

لالالالالالالالالا انا من رأيي الموضوع ده فيه كلام كبير ومن رأيي نقفل الموضوع ده
اوك يا بوب

لا يا معوض الموضوع مش هيتقفل الموضوع مفتوح بس بعد اذن راكان طبعا السؤال المحرج او الي فيه خصوصيه ومش عايزه ترد عليه مش ترد وكل الاعضاء كده اوك

عندك حق يا تيتو اذا كان كده يبقى تمام يا ماااااان اوك
وانا شايف بصراحة ان الموضوع كله محرج للبنات
بس براحتهم طبعا السؤال الى مش عاوزين يردو عليه
طبعا براحتهم ولا رأيك ايه يا عم راكان

لا مفيش احراج ولا حاجه كلنا اخوات وبعدين الكلام مش في حاجه عيب يعني

وتسلمو يارجاله

ماااااااااشي يا مااااااااان

طبعا انا بعد مناقشتكم بالطريقه دي انا باين ان موضوعي كله ملهوش لازمه اللي عايز يتكلم يتكلم
انا حاولت اننا نبقا اخوات وكلنا نقرب من بعض ونبقا صحاب بجد
واضح ان في ناس معترضين على كده
اوكي انا اسف لو كنت سببت ازعاج او حاجه
وعلى العموم انا من البدايه
سالت ملاك الروح يعني هي اللي ترد
معلش بس انتو احرجتوني انا مقلتلهاش ان الجوبه اجباري عليها ولا عليكو
على العموم انا اسف
واللي حاطط فكره ان انا عايز اتعرف وكده يبقا غلطان انا الحمد لله مدايقتش حد من البنات ولا كلمت وحده عن طريق مباشر او غير مباشر
ياريت الناس يشيلو الفكره اللي حطاها فبالها
انا مش انسان وحش للدرجادي

والله محدش قال انك وحش
واكيد مفيش موضوع التعارف دة عشان احنا اخوات
واصحاب بس الموضوع اني مبعرفش ارد اول وحدة
بس انت موضوعك بجد حلو اشكرك

ايه يا راكان محدش قال كده اسئل يا عم وان مبقاش احمد لو مجوبتش عليهم كلهم

وبعدين بتتأسف بين الاخوات اسف ياد بطل الكلام ده واسئل وانا هرد

طيب يا تيتو
شوف الاسئله اللي انا سالتها قبل كده لاملاك
وجاوب عليها

احكيلنا عن حياتك بصراح؟؟؟؟؟؟؟؟ مش عارف انا حاسس ان حياتي عباره عن زكريات وحزن والام بيحلي دنيتي اصحابي من وانا صغير بحاول اروح للفرح بس صعب اروح للفرح عرفت ان مش من السهل افرح بس من السهل انجرح ومن الصعب الاقي حد يحس بيا مش عارف بجد

هل خانك حد قبل كده؟ انت بتتكلم في ايه كتيرررررررررررررررر جدا

كم مره حبيت؟؟ عملت قصص حب كتير بس الحب بجد كان مره وخلصت وشكلي واقع في وحده بس مش عارف اقولها فهمني ازاي خايف تفهمني غلط

وياترا انت اللي سبت حبيبتك ولا هي اللي سابتك؟؟؟؟ تقريبا انا

وليه؟؟عشان حسيت بعدم الحب فيها ليا يعني حسيت انها مبقتش تحبني

وايه عيوبك؟ بجد دائما ناس كتير بتسئلني السؤال ده وجوابي دائما اسئلو اصحابي وانت اكيد اولهم يا ركان
بس عشان ركان اقولك مشكلتي متهور مش عامل حساب لحاجه مش عامل حساب للمستقبل ابدا
مش بفكر في نفسي قد ما بفكر في غيري وغيرووووووووو

وايه ميزاتك؟ لا دي مش تسئلني انت تقولي لان دائما الانسان بيلاقي نفسو احسن انسان فقولي انت ايه مميرزاتي


وشايف نفسك ايه توصف نفسك بايه؟؟؟ اوصف نفسي بالجنون

وايه اكتر حاجه ندمتي عليها؟؟ انا سفرت بره بلدي

وايه اكتر حاجه نفسك تحققها؟؟ اني اعيش في سلام مع كل الناس الي بحبهم


ايه الحاجه اللي نفسك توصلها؟؟؟؟ قلوب الناس

تحب لو رجع المن تعملي ايه؟؟ مش فاهم السؤال بس لوقصدك الوطن مش هرجع تاني

مين اكتر حد حبيتيه؟؟؟ المرحوم اشرف الله يرحمو

وليه ؟؟؟ اخويه الي مش من بطن امي

واكتر حد كرهته وليه؟؟ كرهت كل انسان اناني وغشاش وكذاب

واكتر صفه بتحبها واكتر صفه بتكرها؟ بحب الصدق وبكره الكذب

تحبي توصليلنا ايه عن نفسك؟؟ اني مجرد انسان عادي

اوصفيلنا بتعتبري الناس فحياتك ايه؟؟؟ كل حاجه بس لو كانو هيضروني ولا حاجه

وهل تقدري تعيشي من غيرهم ولا لا؟؟ لا طبعا

نفسك فايه تلاقيه في الزمن ده؟؟ صديق بجد زي المرحوم اشرف


ولا تزعل نفسك يا عم مفيش حاجه مستهله بيس يا مان

قشطات يا بوب
ردودك جميله احنا كده عرفنا انت انسان بجد جميل اوي من جواك
كده انا عارف نفسك فايه يمكن فيوم من الايام اقدر احققلك حاجه
كده انا همشي معاك بالصفه اللي انت بتحبها
وهبعد عن الصفه اللي بتكرها يعني
وصلت معاك لنتيجه

انت على بعضك كده عجبني يا بوب انت كده قشطه اوي مززززززززززززززززز

انا دلوقتي ممكن ارد لو ممكن يا راكان

احكيلنا عن حياتك بصراح؟؟؟؟؟؟؟؟حياتي يمكن تكون كلها حزينه يمكن تواجهني حاجات مفرفش احلها مش عارفه ليه
هل خانك حد قبل كده؟بصراحه ايوا
كم مره حبيتي؟؟بصراحه مره وحده بس
وياترا انتي اللي سبتي حبيبك ولا هو اللي سابك؟؟؟؟يصراحه الظروف هس اللي قرقتنا كان غصب عننا
وليه؟؟هي كده الحياه
وايه عيوبك؟اكتر عيوبي بصراحه اني بتخذ قرارات متسرعه جدا يمكن اندم عليه طول حياتي
وايه ميزاتك؟بيقولوا اني طيبه
وشايفه نفسك ايه توصفي نفسك بايه؟؟؟اني انسانه بسيطه جدا نفسها تعيش في زمن فيه الحب بجد والوفاء والاخلاص وحاجات كتيره
وايه اكتر حاجه ندمتي عليها؟؟بصراحه اني طيبه يمكن خلتني اخسر حاجات كتير
وايه اكتر حاجه نفسك تحققيها؟؟نفسي بجد اساعد الناس نفسي ابطل اشوف اللي بيحصل في فلسطين نفسي كل الناس تحس ببعضها
ايه الحاجه اللي نفسك توصليلها؟؟نفسي بجد اكشف الناس الغشاشه اللي بتخدع الناس وبتضحك عليه نفسي اغير حاجات كتيرة
تحبي لو رجع المن تعملي ايه؟؟كان نفسي اعيش طفلتي بجد
مين اكتر حد حبيتيه؟؟؟اصحابي كلهم والله
وليه؟؟؟ عشان بجد دايما معايا في مل حاجه دايما بيحسوا فيا
واكتر حد كرهتيه وليه؟؟الناس اللي خدعوني وجرحوني
واكتر صفه بتحبيها واكتر صفه بتكرهيها؟الوفاء والاخلاص /الغش والخداع

تحبي توصليلنا ايه عن نفسك؟؟اني انسانه طيبه جدا
اوصفيلنا بتعتبري الناس فحياتك ايه؟؟؟الناس مش عارفه اقول ايه احيانا بحس انهم كويسين واحيانا غشاشين
وهل تقدري تعيشي من غيرهم ولا لا؟؟لا
نفسك فايه تلاقيه في الزمن ده؟؟ياه حاجات كتيره الحب والوفاء
وبشكرك جدا

عيب عليك يا راكان انت بتتأسف لمين انا الى المفروض اتأسفلك يا بوب وعلى فكرة انا زعلان منك انا كان قصدي باين جدا في الكلام الى انا كتبته وعيب عليك مرة تانية وانا اسف يا برنس ودلوقتي هجاوب
انا كمان ولا يهمك

احكيلنا عن حياتك بصراحة؟؟؟؟؟؟؟؟ حياتى ميؤس منها بس قربت انهى البؤس من حياتى بس والله كل يوم في
مشكلة جديدة

هل خانتك حد قبل كده؟؟؟؟؟؟؟ ايوة مرة واحد صحبي والى كنت متنيل حبيتها قبل كده

كم مره حبيت؟؟؟؟؟ مرتين

وياترا انت اللي سبت حبيبتك ولا هى اللي سابتك؟؟؟؟ انا الى سيبتها

وليه؟؟ عشانها خاينة

وايه عيوبك؟ انى بتعصب بسرعة جدا على اى حاجة

وايه ميزاتك؟ انى طيب وحنين وخلى اصحابي هما الى يتكلمو بقى محدش بشكر في نفسه

وشايف نفسك ايه توصف نفسك بايه؟؟؟ والله الى يوصفني الى يعرفونى مش عارف اوصف نفسي

وايه اكتر حاجه ندمت عليها؟؟ انى خاصمت اغلى صديق لى بس الحمد لله رجعنا لبعض

وايه اكتر حاجه نفسك تحققها؟؟ انى ارضي ابوية وامى

ايه الحاجه اللي نفسك توصلها؟؟ الى القمة

تحب لو رجع الزمن تعمل ايه؟؟ اصلح اخطائي

مين اكتر حد حبيتيه؟؟؟ أمي

وليه؟؟ لأنها حنينة على قوى

واكتر حد كرهته وليه؟؟ اسرائيل لأنهم ولاد كلب

واكتر صفه بتحبها واكتر صفه بتكرهها؟ الصدق والحب ... الكذب والخيانة

تحب توصلنا ايه عن نفسك؟؟ انى طيب وحساس جدا

اوصفلنا بتعتبر الناس فحياتك ايه؟؟؟ الناس فيه الكويسين وفيه المنافقين

وهل تقدر تعيش من غيرهم ولا لا؟؟ ازاى اعيش من غير الناس امال اعيش مع مين لوحدين اكيد ما ينفعش

نفسك فايه تلاقيه في الزمن ده؟؟ الى يفهمنى ويحس بي




أقول كلمة اخيرة يا راكان لو كنت زعلان من الكلام الى قولته ارجوك لا تزعل منى
بس انا لما شوفت الموضوع والاسئلة قولت يمكن فيه بنات ما يرضوش يجاوبو وحبيت اقولك قبل ما اى بنت تدخل على الموضوع وتتحرج تجاوب ده الى كان في نيتى والله
وبشرك بجد موضوع جميل بس فتحت على قصة قديمة ما حبيتش افتحها قبل كده ويلا حصل خير
اوك يا بوب

لايا عم انت في ايه عادي مزعلتش احنا اكبر من كده ولا ايه؟؟
وعلى العموم انا عرفت انت نظامك ايه صدقني هتلاقيني ماشي على النظام اللي نفسك تلاقيه
ملكه الاحساس احب اقولك انتي لسه متعرفنيش كويس لقيت من ضمن اجوبتك انك بدوري على الحب صدقيني حتلاقيه وهيكون صادق كمان بس خلي بالك مش اول حب يقابلك تسلميله على طول على العموم انتي لقيتي حب بس معرفش هيهمك ولا لا
انا حبيتك زي اختي الصغيره ويا ريت تعتبريني مجرد اخ صدقيني لو داقت عليكي الدنيا انا ممكن اساعدك
على العموم براحتك وتعجبني صراحتك اوصلكم جيمعا تحياتي
حبيت اقولك ان ميزتك اللي هي طيبتك برضو عيب من عيوبك لانها بتضعفك مع الايام هتفهمي

ملاك الروح انتي تدخلي فالموضوع من غير اذن خليني اشوف ردك

بجد موضوع راااااااااااااااائع أشكركم جميعا على الصرااااحه دي


أشكرك على هذا الموضوع الرااااااااائع

بشكرك جدا يا راكان وانا ليا الشرف انك تكون اخ ليا وعندك حق فعلا طيبتي بتضعفني كتير وبشكرك مره تانيه

ازيكم يا جماعه
وممكن اشارك معاكم في الموضوع ده

اكيد يا يسري حبيبي
اشوف ردك بس ياريت يكون بسرعه
انا اخر واحد هجاوب على دي
مستني ردودكم
ملاك الروح مشفتش ردك لحد دلوقتي

احكيلنا عن حياتك بصراح؟؟؟؟؟؟؟؟ انا حياتي مهدده بالانهدام مستقبلي يعتبر منهدم عايش في حياه اسريه مهدده بالانهدام انا مستقبلي سيبها بظروفها زي متيجي وعايش حياتي اليوم بيومه وبس مستني اشوف اخر قدري
هل خانك حد قبل كده؟مره وحده من بنت وكتييييييييييييييييييييييييييييييييييييييييير من اصحابي
كم مره حبيتي؟؟مره ولسه منتهيه من شهر تقريبا
وياترا انتي اللي سبتي حبيبك ولا هو اللي سابك؟؟؟؟انا وكنت فعلا غلطان بجد
وليه؟؟ هتعمل ايه كلام الناس
وايه عيوبك؟شوف هوه اكبر عيب ان الواحد يقول مفيهوش عيوب وعيبي ان انا بتنرفز بسرعه جدا
وايه ميزاتك؟ بزعل بسرعه وبرضى اسرع
وشايف نفسك ايه توصف نفسك بايه؟؟؟انا بعد ماتعلمت من النا س المصلحه والعيشه الزفت بالنسان الي ملهوش في اي حاجه
وايه اكتر حاجه ندمت عليها؟؟حببتي الي سبتها
وايه اكتر حاجه نفسك تحققها؟؟اسعد امي
ايه الحاجه اللي نفسك توصلها؟؟مصر
تحب لو رجع الزمن تعملي ايه؟؟ ماسفرش من مصر
مين اكتر حد حبيتيه؟؟؟ربنا ده طبعا مفسيهاش كلام وبعدين امي وبعدين حببتي
وليه؟ لانهم همه اقرب الناس ليه
واكتر حد كرهته وليه؟؟ الغضب ده كائن فظيع ضيع فرص كتير اوي مني تقريبا هوه سبب هلاكي
واكتر صفه بتحبها واكتر صفه بتكرهها؟الانسان الي يفهمني وميتعصبش بسرعه والي بكرهها التطفل والستغفال

تحبي توصلنا ايه عن نفسك؟؟ان نفسي محدش يزعل مني ولما ازعل حد يعرف انا ليه زعلته وعشان ايه
اوصفلنا بتعتبر الناس فحياتك ايه؟؟؟ عمله بس مش كلهم
وهل تقدر تعيش من غيرهم ولا لا؟؟ لا ازاي طبعا
نفسك فايه تلاقيه في الزمن ده؟؟ الحب والصدق




انا جوبت بصراحه اوي على فكره

أشكرك جدااااااااااااااااااا على صراحتك المتناهيه

أهنيك بجد أشكرك

هو انا ممكن اجاوب ولا لا

جاوب يا برنس بالنيابة عن راكان الموضوع للجميع اتفضل الى المنصة .....
وعلى فكرة يا جماعة ملاك الروح عندها ظروف ولما تدخل هتجاوب بالنيابة عنها هي كمان

احكيلنا عن حياتك بصراح؟؟؟؟؟؟؟؟ حياتي حياه فرااق وضياع وقسوه

هل خانك حد قبل كده؟ قول مين مخنيش انت كده بتغلط فيهم

كم مره حبيتي؟؟ مرتيين

وياترا انتي اللي سبتي حبيبك ولا هو اللي سابك؟؟؟؟ هي اللي سبتني

وليه؟ يعني موضوع وصل غلط حكمت عليا من غير متسمع مني يعني مفهمتنيش

وايه عيوبك؟ طبتي اكبر عيب في الدنيا دي بكون طيب مع اي حد

وايه ميزاتك؟ صرحتي وجرأتي بس سعات بتكون عيب من وجهة نظر الناس

وشايفه نفسك ايه توصفي نفسك بايه؟؟؟ بمجروح مظلوم يعني زي غيري كتير

وايه اكتر حاجه ندمتي عليها؟؟ا إني سلمت قلبي لحد طلع خاين محولش يفهمني

وايه اكتر حاجه نفسك تحققيها؟؟ أحط قانون للياحول يجرح حد او يظلمه او يخونه

ايه الحاجه اللي نفسك توصليلها؟؟ اوصل الى نهايه الجرح وانساه

تحبي لو رجع الزمن تعملي ايه؟؟ مكنتش سلمت حد قلبي

مين اكتر حد حبيتيه؟؟؟ بابا حبيه اوي

وليه؟؟؟؟؟؟؟ يعني يمكن بيسمعني اكتر من غيرة

واكتر حد كرهتيه وليه؟؟ كرهت الفرااااااااااق لان السبب في بعد اقرب الناس ليا

واكتر صفه بتحبيها واكتر صفه بتكرهيها؟ الحب الوفاء الوعد الصدق ....الخيانه الغش نقض العهد الكذب


تحبي توصليلنا ايه عن نفسك؟؟ انسان علدي مجرد واحد موجود على هذه الارض

اوصفيلنا بتعتبري الناس فحياتك ايه؟؟؟ الناس المخلصه كل حاجه بالنسبه لي اما الناس الخينه عادي

وهل تقدري تعيشي من غيرهم ولا لا؟؟ لالالا طبعا

نفسك فايه تلاقيه في الزمن ده؟؟ الحب والاهلاص والوفاء والصدق والحياه السعيده الجميله


أشكرك على الموضوع تحياتي لكم جميعا

مشكووووووووور يا برنس

اشكر الجميع على صراحتو وياريت بجد با جماعه نبقا صحاب مش مجرد ناس بيكلمو بعض على المنتدى وبس
احب اشكر محمد يسري على صراحتو بجد
وعايش وراضي ربنا يكون فعونك
حبيبي يسري
اخويا الصغير انت عيبك انك بتزعل بسرعه وواخد الحياه كلها مره وحده
وده غلط
انا نفسي لفهمهولك بس انت مش راضي بس صدقني
انا هعمل معاك موقف ممكن كل حاجه فعينك يقل مقدارها
وتشوف الدنيا قاسيه
ممكن كمان تفكيرك بعد كده يبقا سلبي عليك
عشان هقرصك قرصه جامده بس صدقني لو اتعلمت من الدرس يا حبيبي
ممكن تعيش حياتك بسهوله وتفكر صح خطوتك قد ايه والخطوه اللي بعدها هتبقا قد ايه
مش ماشي في الدنيا على عماك
حبيبي احب اشكر

عايش وراضي
اسمك وراه سر على فكره
وشخصيتك بجد باينه من كلامك
انسان ذوق وطيب
انا مش عايز اقولك شيل طيبتك
عشان مش عايز صحابي يبقو زيي
عايزكم احسن مني
اللي عايز اوصلهولك انك تعرف تختار الحد اللي تديله الطيبه والثقه اللي فيك
متقوليش ان كل اللي بتديهم الثقه خانوك
لا اللي انت اختارتهم غلط هما اللي خانوك
اختيارك متسرع
شوف كم واحد من صحابك اشتراك بجد
فكر من الناحيه دي وفكر من الناحيه التانيه
واتعلم من اغلاطك
بحب اشكر على صراحتك بجد
وانك نورت موضوعي بردك الجميل ده
ربنا يخليلك اي حد بيعزك وينورلك طريقك
ويسهل عليك حياتك