رواية سحر عيني ذوب الكثيرين وانت تتصدى لكن بخليك تحبني مثل ما أنا حبيتك / رواية حقيقية رومانسية جريئة مغامرات

بسم الله الرحمن الرحيم
هذي روابة حقيقة اسمها:سحر عيني ذوب الكثيرين وانت تتصدى لكن بخليك تحبني مثل ماانا حبيتك
واول منتدى افكر اني انشر روايتي مع ذيلين طبعا منتدى"غرام"
وبطلعة الروح اقنعت الابطال يوافقون اني اكتب قصتنا ههه
وانا وحده منهم بس مابقول انا منو >>نحيسة البنت
==============================
البارت الاول:
يوم السبت الساعة 5 الفجر
في غرفة بنوتة توها جالسة من النوم راحت الحمام"الله يعزكم"وغسلت وجهها وتوضأت وصلت
وخلصت وفتحت كبت ملابسها
..... وهي تكلم نفسها:أمممم شنو البس ..ألبس ذي البلوز البيضا ولا الحمرا اي خلاص بلبس البلوزة البيضا
لبست ورفعت شعرها باهمال وطلع شكلها كيوووت
وفجأة طرآآآآآآآآآآآآآآآخ وقالت :وآآآآو صاير شكلك جنان رزان
رزان وهي مخترعة:بسم الله شجابك رغيد؟
الشخصيتين:
رزان:توأم ريان >>بعدين بتعرفونه ^^...جسمها مثل عارضات الازياء وشعرها أشقر فاتح وبشرتها بيضا نقية يعني بيبي فيس ولون عيونها خضرا ودمها خفيف وع نياتها والكل يحبها ونسيت عمرها 20سنة بالجامعة
رغد:أخت رزان عمرها 16باول ثانوي وجسمها حلو وبشرتها برونزية وشعرها بني فاتح ولون عيونها عسلية
المووهم نرجع للبارت
رغد :جابتني روجولي يارزين
رزان:ها ها ماتضحكين بايخة
رغد: أكيد طالعة عليج يااختي العزيزة
رزان:اقول تدلي الباب
رغد:لاآآ مادله بس ادل النافذة هق هق
رزان:ههه صج رايقة..أقول من غير مطرود
رغد:حاضر مدام بدك شي تاني:
رزان:اييي كريستينا ((اسم الخادمة))سوي ليي فطور
رغد:هههه صدقت الخبلة أنا رغد عبدالله الـ..... أجيب لج فطور حلوه بس لا تعيديها
وتجي أمهم:شفيكم يابنات ليه صوتكم واصل لاخر الدنيا ..وبعدين رغيد أنا ادور عليج في البيت كله وبلاآخر ألقاج هنا يلا قدامي يارغيد
رغد:حاضر ياست الحبايب,...يلا الي الامام ياام العرب
الشخصية:
أم ريان(لين))
طويلة شوي وبيضا وشعرها أسود وعيونها زرقا وجسمها مثل جسم رزان جناان يعني كلها ع بعضها تدنن ^^..وتحب عيالها ودمها خفيف الى حد ما وعمرها 33سنة
المهم نرجع للرواية
وأم ريان سحبت رغد من اذنها وتطلع ورغد تصارخ هههه
ورزان تضحك عليهم
وتاخذ شيلتها وعباتها وشنطتها
ونزلت تفطر
وقالت:صباح الخير
الكل:صباح النور
ابو ريان:هلا والله ببنيتي شمعة البيت
رزان بشوية خجل:هلا فيك تسلم يبه
ورغد:وانا بنت البطة السودا وأكيد انا شمعة الظلام
الكل ضحك ع هبالها والكلام اللي قالته:ههههههههههه
رغد وعلامات استفهام ع راسها:عسى ماشر ليه تضحكون انا نكت؟
رزان وهي مبتسمة:مشان طريقة ترتيبج للجملة
رغد وهي موب فاهمة اللي قالته بس تتضاهر انها فهمت:يعني
وفطرو وقامت رزان :يالله انا باروح مع السلاآآمة
الكل:في امان الله
رغد:وانا بعد بروح اوقف برا استنى المقرود لين يجي مع السلاآآمة
الكل:ههههه في حفظ الرحمن
طلعت رزان وركبت مع السايق وقالت له روح بيت صديقة انا سناء
الهندي وهو يهز راسه:هازر مدام
رزان :وحع لاتقول مدام
=========================
غرفة بنوتة لين الحين غارقة في أحلامها الوردية
دخل الاب يجلس بنته:سناء قومي
سناء:بس خمس دقايق يبه هممم
ابوها:بلا خمس دقايق بلا عشر..وصرخ ..يلا سناء قومي بتتأخري عن الجامعة وقومي صلي
وتجلس سناء بكشتها وهي مخترعة:شنو صاير شفيه البيت وين الحريق؟
أبوناصر:هههه حتى وانتي نايمة تستخفين بدمك ..وبعدين مافي حريق فال الله ولا فالك ويلا قومي لااجيب لك مويه وأكبها عليج
سناء:طيب شصاير؟
أبوناصر بخفة دمه:عصفور طاير فوق الستاير يشرب زقاير
سناء:هههههههه ياحبي لك يايبه ..كاني قمت
وطلع بو ناصر
الشخصيات:
أبوناصر:رجال معروف بطيبته تاجر كبير ومدلع عياله كثير وعنده شخصيتين شخصية بالشغل جدي مافي وقت للمزح وبالبيت في بعض الاحيان دمه خفيف وفي بعض الاحيان جدي
وطويل لون عيونه بنية وشعره اسود ولون بشرته سمرا عمره 39
سناء:بنت ولاكل البنات طيبة وع نياتها وتحطها ع الجرح يبرا قصيره شوي يعني موكثير وشعرها اسود سواد اليل لين خصرها يعني طويل وعيونها بنية مائلة للون الرمادي>>لون عيونها غريب
..واللي يطلع في عيونها مايشيلها من عيونها يعني لونها جذاب كثير ووثقة من نفسها زيادة حبتين ومغرورة شوي وعمرها 20سنة في الجامعة وصديقة رزان الروح بالروح ومخطوبة لولد عمها زياد >>>بعدين تعرفوه
المهم نرجع الرواية
قامت سناء ودخلت الجمام؛وأنتو بكرامة؛ غسلت وجهها وتوضت وصلت ولبست:تنوره جينز زرقا وبلوزه بيضا وحطت لها مكياج خفيف يعني يالله ينشاف ورفعت شعرها ببكلة بيضا وفيها أزرق وطلع شكلها كيوت
ونزلت الصالة:صباح الخير
الكل:صباح النور والسرور
وتوها بتجلس رن جولها باسم توأم روحي=رزان
وقال اخوها:يالله صباح خير من ذي البايخة اللي متصلة من صباح الله خير
سناء:أنت يانويصر أكل تبن ومالك شغل ياخي
الشخصية:
ناصر:طويل أبيض شعره بني فاتح يوصل لين كتوفه ههه وعمره23مغازلجي درجة أولى مرقم نص بنات الشرقية ويشتغل مع أبوه
المهم نرجع للبارت
وردت سناء
رزان: هلا والله
سناء: اهلين فيج
رزان:يلا طلعي نحنا برا
سناء:ياربي نسيت انج بتجيني دقايق وجاية لكم
رزان:نستناك يلا باي
سناء:بايات
==============================
ببيت.....:
راحت الام تجلس عيالهامن النووم
راحت لغرفة بنتها وفتحت الباب: وش ذا البرد صقيع>>يعني برد كثير>>وفاء قومي
وفاء:صباح النورياام سلطان اقصد يمه>رايقة البنت
أم سلطان:صباح الخير يامال العافية يلا بسرعة قومي صلي ولبسي تراج بتتأخرين عن المدرسة >ماعندها وقت ههه
وفاء :ان شاء الله
وتطلع أم سلطان ونرح عند ولدها سلطان وكان مقفل الغرفة أم سلطان وهي تطق الباب:سلطان افتح الباب وبسك نوم
سلطان:هممم أبي انا شويات
أم سلطان:قوم يامال الوجع قوم>>من أولها دعاوي عليه هههه
سلطان: طيب قمت قمت<<ماله نفس يقوم ههه
وفي غرفة وفاء:
قامت ودخلت الحمام((الله يعزكم))وغسلت وجهها وتوضأت وصلت ولبست مريولها ونزلت الصالة
وفي غرفة سلطان:
قام ودخل الحمام((الله يعزكم))وتوضأ وصلى ولبس ونزل الصالة وكان لابس: بنطلون جينز أزرق وبلوزه سودامخططه بالابيض
ودخل وهو وأخته وفاء بنفس الوقت اثنينهم:صباح الخير
ام سلطان:صباح النور
التعريف بالشخصيات:
أم سلطان(غاده))
بنت عم ابو ريان طويلة وبشرتها برونزية وشعرها كستنائي وأكيد تحب عيالها مووت
سلطان:صديق ريان الروح بالروح ابيض عيونه واسعة وعسلية وشعره بني مائل للشقوره
وعنيد حيل واللي براسه يسويه ويحت اخته الوحيده ومايرفض لها طلب وبعض الاحيان يصير مرجووج لووول ومتهور درجة أولى عمره 20
وفاء:طيووبةومرجووجة لووول وقصيرة وشعرها اسود سواد اليل وبيضا وجسمها جناان وتدرس مع رغد وعمرها16سنة بأول ثانوي
المهم نرجع للبارت هع هع
وجلسو يفطرون وخلصو وقال سلطان لوفاء:يلاآآقومي ولبسي عباتك وشيلتك مشان اوصلك في طريقي
وفاء: طيب ياخوي كاني قمت
======================
في جامعة البنات:
كانت رزان وسناء مع صديقاتهم جالسين بالكفيتريا ويسولفون
وبين ماهم يسولفون أتصل ع جوال رزان رقم غريب
منال>>وحدةمن صديقاتهم ..تناضرها بنظرات شك:من اللي متصل رزوون
رزان:آ..آ.هذا رقم غريب الضاهر انه ريوون مغير رقمه هه
ابتهال>>وحدة من صديقاتهم..وهي موب مصدقة:أجل ردي شتنطرين
رزان:أكيد برد..عن أذنكم يابنات
البنات:أذنج معاج
رزان ردت بعد ماابتعدت عنهم:ألو
.....:أحلى ألو...أخبارك؟
رزان بدلع:تمام وانت كيفك؟
....:لا أنا اذوب
رزان بنعومة: لاتذوب تجمد أحسن
....:ههههههههههه ياحبي لج
ليان مستعجلة:يلا حبيبي باي
.....:بايات قلبي
==========================
في مدرسة الثانوية للبنات:
كانت معلمة الرياضيات غايبة والبنات مستانسين
رغد وهي تكلم وفاء:ويه فكه منها والله زين انها غايبة
وفاء:أييي أشوه انها غايبة ماابلعهاموقفة ليي هنا...وهي تأشر ع حلقها...
رغد:ماعلينا من الغثيثة ..شرياك نجلس مع المديرة ونستهبل عليها شوي
وفاء:قدام يامستهبلة
رغد ووفاء:ههههههههه>>ماينشره عليهم هبلات
طقو الباب سمعو صوت المديرة تقول:تفضلي
ودخلو وقالو:السلام عليكم
المديرة بخوف وبشوية قوة:وعليكم السلام يامطولك ياروح جو المستهبلات
وفاء ببرائة مصطنعه:لهدرجة معلمة مسببين لج رعب ؟؟
المديرة بارتباك واضح:لاآآ شدعوه اخاف منكم
رغد:ممكن نسولف ونجلس معاج؟
المديرة:الله ع اللادب من وين طالعة الشمس اليوم
رغد ووفاء بنفس الوقت:طالعة من باب بيتهم يامديرة
المديرةنست خوفها وارتباكها:متفقين تتكلمون مع بعض؟
رغد ووفاء:لا مش متفقين
ضحكو ع روحهم والمديرة معهم:هههههههههههههه
وتم ع هذا الحوار والمديرة استهبلت معاهم هههههه
=============================
ان شاء الله تكون عجبتكم
واشوف ردودكم
تحياتي