...بسم الله الرحمن الرحيم....
في دوله خليجيه بدات القصه وهي دولة قطر الحبيبه في احدى مدارس قطر الاعداديه للبنات كانت هناك شله >>>هذي شلتي *_^
كانت هناك بنتين_مريم_شوق
مريم وشوق كانوا اعز ربع صج في فرق بالسن لان مريم اكبر من شوق بسنتين بس كان بينهم حب مو طبيعي
يوم الاحد:
شوق راحت المدرسه واهي تعبانه لانها ما نامت فحطت شنطتها على الارض ونامت على الدرج
......:قومي يا الدبه .....قومي شوووقوه
شوق فتحت عينها ببطء :اففففففففف الواحد ما يقدر ينام ...شنو شتبين؟؟!!
مريم:ههههههه ليش ما نمتي بالبيت؟
شوق:كنت قاعده اسوي بحث بالنت وما نمت الا متاخر
ويرن جرس المدرسه قامت شوق ومريم فصخوا العبايه وراحوا على الطابور المدرسي
الحصه الاولى:مريم كانت قاعده تسولف مع شوق وتقول لها منتدى توها عرفته
مريم:شووقوووه لا يطوفج منتدى يديد عجيب كله هبال ووناسه امشي نسجل فيه
شوق واهي راقده فوق الطاوله وتتكلم شوي شوي علشانالابله ما تنتبه:تعرفين اهلي ما يرضون ادش النت الا حق الابحاث شلون تبيني ادش واسجل واحط مواضيع واهم ما يرضون؟؟!
مريم:افففففف اهلج والله يبطون الجبد ليش يعني ما يرضون ما فيها شي عادي
شوق:علشان الشباب يا هبله
مريم:مالج خص فيهم لا تكلمينهم انت بحالج وهم بحالهم
شوق:امممممم خليني افكر
الابله:شوق مريم شو عم بتحكوا؟؟
شوق :ابله انا مالي خص هذي مريم تهذر فوق راسي اقول لها سكتي ابي افهم الدرس بس اهي ما تفهم
مريم شهقت وضربت صدرها بيدها:شوووقووه بلا جذب انتي بعد تتكلمين
شوق بتصنع:هئ هئ هئ انا !!!!!لالالا تتبلين علي
الابله:خلالالالالالالالالاص شوق مريم اوموا اوقفوا ورا يلالا
شوق:هههههههه كل يوم هذي الحاله
مريم:اي والله هههههههه
الابله :بتضحكوا كمان يلا ورا
شوق ومريم:هههههههههه طيب
.................................................. .................................................. ...........................
في الفرصه شوق ومريم يتمشون ومروا جمب معمل الكمبيوتر:شووقوووه امشي ندش المعمل
شوق واهي تشرب العصير :ليش ؟عندج بحث ولا شي؟
مريم :لا بس ابي اراويج المنتدى اللي قلت لج عنه
شوق:افففف ما خلصنا من هذا المنتدى
مريم:لا
شوق واهي تمشي بعيد عن مريم:انتي منو قالج عن المنتدى هذا؟
مريم:اقوول لج بس لا تعصبين
شوق وقفت فجاه ورفعت حاجبها:ليش منو اللي قالج عنه؟
مريم:امينه
شوق بعصبيه :اموووووووون الدبه ما غيرها؟؟!!
مريم واهي تحاول تهدي بشوق :اي اي امينه الدبه ما غيرها
شوق :عيل المنتدى خااايس ولا ابي اسجل فيه زين
مريم :تكفين طلبتج شوق خلينا نسجل فيه
شووق:اففففففففف زين يا مال الويعه
وراحت شوق ومريم على المعمل ومريم استاذنت من المعلمه انها تشغل الاجهزه قعدت شوق جمب مريم كل وحده على كمبيوتر:مريووم عطيني الرابط مال المنتدى
مريم :اوكيه خذي
www.-----------.com/vbشوق :اوك خلاص سجلته
فتحت شوق المنتدى وعجبها شكله وتصميمه وسجلت فيه بنك قمرموتو قهر ومريم بنك المجروحه وامينه بنك متكحله بدم خاين
رجعت شوق البيت واهي متحمسه لانه اول منتدى تشترك فيه راحت شوق وباست راس امها وقالت لها:يما ابي افتح النت اليوم
ام فهد:ويييييي ليش مو امس فتحتيه؟
شوق:اي يما بس عندي كم بحث زيااده>>>شوق ترى ما تجذب عندها كم بحث +المنتدى طبعا *_^
ام فهد:خلاص يمه بس لا تتاخرين زين؟
شوق :اوكيه مشكوره يما
.................................................. .................................................. ..........................
قعدت شوق قدام الكمبيوتر وفتحت المنتدى بعد ما كتبت الرابط في الكتاب حطت مواضيع وموضوع الترحيب
بالعضوه فرحبوا فيها قدر كبير من الشباب وشوق استغربت من كثر الشباب بس بعدين عرفت انهم كلهم ربع وشله مشتركين مع بعض كانت شوق ومريم قاعدين يكلمون بعض في صندوق المحادثات>>>للتوضيح هذا بوكس يكون في المنتدى يتكلمون كل الاعضاء مع بعض نفس المسن تقريبا بس مو مسن اوك
قمر موتو قهر:هههههههههه شفتيها زفتنا زف والله ما يسوا علينا
المجروحه:ههههههههه اي والله بس يلا ما عليه
قطري كووول:السلام عليكم صبايا
شوق استغربت شلون يكلم البنات علني فما ردت عليه
المجروحه:هلا والله قطري شلونك؟
قطري كوول:تمام مجروحه انتي كيفك؟
المجروحه :تمام
قطري كوول:وانتي قمر شلونك ؟
قمر موتو قهر:..............
قطري كووول :ردي ولا القطوه كلت لسانج هههههههه
المجروحه:ههههههههههه
قمر موتو قهر:هه هه هه هه ما يضحك
قطري كوول:بل فشلتني
قمر موتو قهر:اففففف مجروحه بكره اشوفج بالمدرسه اوكي حبيبتي؟
المجروحه:اوكي حبيبتي بس لا تتاخرين اوك
قمر موتو قهر:ههههه اوك تصبحين على خير
المجروحه :وانتي من اهله
طبعا قطري ساكت بعد ما شووق فشلته وطلعت شوق ومريم كملت كلامها مع قطري كوول
.................................................. .................................................. ...............
شوق قاعده فوق الطاوله وتاكل شبس ليز وتغني:الحب خالد..وحبي خالد وباقي ..فجاه ادخلت مريم واهي فرحاانه
شوق وفمها كله شبس :دوووم ان شاءالله شفيج لا تموتين من الونااسه هع هع هع هع هع
مريم :شووووق احبهههههههههه
شوق افتحت عينها على الاخر وطاح الشبس من يدها :منو اللي تحبينه مريوم اعترفي؟؟؟
مريم سحبت ايد شوق:تعالي خلينا نمشي واقول لج
قامت شوق مع مريم وشوق تشوف مريم مستحيه ومنزله راسها وتلعب باصابيعها
ظلوا فتره ساكتين بعدين انطقت مريم:اتعرفت عليه من النت من 6 اشهر وحبيته
شوق كان حد كب عليها ماي مثلج:منو ؟شنو ؟ هاااااااا
مريم:اسمه حمدان عمره 22سنه يشتغل بالجيش اهو مو قطري اهو اماراتي
شوق فااتحه عينها على الاخر:حمدان؟؟اماراتي؟؟؟تحبينه؟؟؟22 سنه؟؟؟ انتي شنو تقولين
مريم:اعرف من زمان واحبه بس انا خفت اقول لج لانج ما تحبين هذي السوالف بس انا احبه شوق
شوق:مريم انتي مينونه شلون تحبينه على كيفج اهو؟
مريم عصبت:ويعني حراام احب؟
شوق:اي اذا كان بهذ الطريقه
مريم:انتي مالج شغل فيني انا كيفي
شوق عصبت وقامتا تصرخ:دام انه كيفج ليييش تقولين لي هاا؟
مريم بدلع :بس كيفي
شوق بتموووووووووووت من القهر: كيفج في بيتج يا حمااره
وتركتها شوق ورجعت على الصف حتى طاابور المدرسه ما راحت له وظلت تفكر:شلون ؟ما يصير ؟حب في المسن مافي ؟افففففففففف خلاص انا تعبت كيفها بالطقاق
وظلوا كذا كم يوم ما يتكلمون بعد كم يوم رااحت مريم عند شوق:تبين بيبسي
وتمد علبه حق شوق
شوق اخذت بيبسي :شكرا وراحت احضنت مريم ومريم تحضنها:هههههههههههه بس شوووقووه خنقتيني هههههه
شووق:اخاف يجرحج وياذيج او يخونج
مريم :لالالا حبيبتي لا تخافين كل هذا هوااجس
شوق واهي توخر عنها :اكيد؟!
مريم :اي اكيد لا تخافين
شووق:اوكيه كيفج انتي وياه ...فتحت شوق علبه البيبسي بويه مريم وانحاشت ومريم تصرخ:يااا حمااره تعالي هني ومسحيه
شوووق:ههههههههههههههههههههههه لو قدرتي لحقيني
.................................................. .................................................. ..............................
الرئيسية 
أحدث الصور 
الأربعاء مايو 12, 2010 2:57 pm