روايه حب تحت 18 المقطع الثاالث

كان يوم الخميس يعني اللي ما يطلع يخيس >>>>هذا تعبير احنا دايما نقوله عن يوم الخميس
دقت شوق على مريم بس محد يرد ودقت على كذا بنت بس محد يرد وزهقت شوق وتوها بتقوم بس تذكرت رفيجتها السودانيه (ليلى) قالت :اي صج فكره خلني ادق عليها واسولف معاها شوي
ودقت شوق على ليلى وقامت تسولف معاها وطرت فكره على بال شوق تبي تسويها :اقول ليلوووه
ليلى :هلا شوق قولي ...شوق :عندي خطه بس ابي حد ينفذها معاي
ليلى :وليش ما قلتي حق مريم ؟؟....شوق :اممممم هذي الخطه ما ابي اقولها حق حد اساسا مريم صار لها مده مو على بعضها وكل ما اتصل عليها ماترد علي ما ادري شفيها علشان جذي ابيج انتي تسوينها معاي ها شنو قلتي ؟
ليلى استانست وحست بفضول تعرف شصاير :خلاص انا معاج باللي تسوينه ...شوق:اكيد!؟ ليلى :اي اي اكيد يلا قولي شنو الخطه
شوق:سمعي اللي بقوله لج بالحرف الواحد وحاولي تفهميني اوكيه ؟
ليلى والفضول بيذبحها:اوك يلا قولي بمووت بسرررعه قولي
شوق:ههههه اوك سمعي .....................

طبعا انتو تبون تعرفون الخطه صح ؟؟؟

الخطه اهي وحاولوا تفهمون
ليلى تشترك بالمنتدى اللي شوق ومريم المشتركين فيه بنك قلب كفاني عذاب بعد ما شوق تتعرف على كفاني عذاب ب3 اسابيع ليش ؟؟؟بتعرفون بعدين

شوق دشت المنتدى وتمنت ان كفاني عذاب موجود وصج كان موجود دشت شوق وبعد ما سلمت عليه
صار بينهم هذاالحديث:
كفاني عذاب:انا اسف على اللي صار والله مو قصدي ازعلج
قمر موتو قهر:لالالا ما عليه عادي بس انا ما زعلت بس كنت شوي معصبه بالعكس عندي عادي
كفاني عذاب ما فهم شنو قصدها وقام يسولف عاادي بس شوق مااتت تبي تكمل خطتها فقطعت حديثه :اقول كفاني طلبتك
كفاني عذاب :عطيتج امريني
قمر موتو قهر :ابي ايميلك لو سمحت
طبعا ظلت شوق ناطره 5 دقايق لين وصله الرد
كفاني عذاب:هاا
شوق خافت انه ما يبي يعطيها الايميل وتتفشل
قمر موتو قهر:خلاص اذا ما تبي كيفك بس لا تزعل
كفاني عذاب :لالا بس منصدم اوك الحين اطرشه لك رساله خاصه اوكيه ؟
قمر موتو قهر :اوكيه
ودقايق ووصلت رساله لشوق وفتحت الرساله واخذت ايميله اللي كان ………. @hotmail.com
ضافته شوق بالمسن وطبعا كفاني اهو اللي دش عليها
كفاني عذاب :انا لين الحين مستغرب من اللي صار
شوق :ليش يعني ما تبيني اكلمك خلاص بصكك بلوك ودليت
وطبعا شوق عارفه ان الولد لو طاحت بنت بيده ما يخليها تطير
كفاني عذاب:لالالالا بس خلاص غيري السالفه انتي شنو اسمج؟
شوق حبت تلعب باعصابه :اسمي قمر موتو قهر
كفاني عذاب :تبيني اناديج قمر ؟؟!!
شوق:اي لو سمحت على الاقل لكم يوم بعدين يصير خير
كفاني عذاب :انزين ما تبين تعرفين اسمي ؟
شوق :امبله بس انت بتقول لحالك بدون ما اسالك صح
كفاني عذاب استغرب منها واايد وااثقه بس قال :اسمي محمد
شوق :والنعم بو جااسم
محمد :هههههههه الله ينعم بحالج وانتي ما تبين تشرفيني باسمج؟
شوق:بشرفك باسمي بعدين مو الحين
محمد :اوك
وقااموا يسولفون بس في شي صدم شوق يوم قال :اقول قمر
شوق:هلا......محمد:انتي تحبين حد؟
شوق:لا بس كنت احب....محمد:زين شنو رايج بالحب
شوق:الحب احساس وشعور وقول وفعل
محمد:انزين شرايج نرتبط بعلاقة حب انا وانتي
شوق كان حد كب عليها ماي باااااااااارد
محمد:قمرر وينج؟؟
شوق:حب ؟؟انا وانت ؟؟؟شلون يعني؟؟!!
محمد :ابي اكون حبيبج
شوق:لالا انا ما ابي احب انا تعرفت عليك بس لاني ارتحت لك فابي نكون فرند بس
محمد:وليش بس فرند يعني ؟؟ .....شوق:لاني ما ابي احب غير زوجي عرفت ليش
محمد:اهاا اوك طبعا شوق قاامت تسولف معاه بس شافت الوقت تاخر فقالت له انها بتسكر بس هو معند بس حاولت فيه ليما اقتنع بس اهي وعدته انها باجر تدش وتسولف معاه 3 ساعات بالقليل ورضا فسكرت شوق واهي منصدمه من اللي شافته بس ما حطت ببالها وراحت نامت علشان باجر بدري تروح تقول حق ليلى شنو صار معاها ..........
في الدني بلاووي صج يوم انا شفتها وعلافتها كرهت الدنيا وعرفت ان امي وابوي واهلي عامة محافظين علي خوفا على مو عشان يخنقوني ...........

في وحده عندنا معروفه بالمدرسه بانها سيئة الطباع والسمعه(الله لا يبلانا)
كانت عندها شلهكبيره من الخراب وكل وحده عندها سالفه غريبه وعجيبه وراح اقول لكم كل شي

منى –رئيسة العصابه خخخخخخ راح تتعرفون عليها اكثر
سلمى-صديقتها الروح بالروح بس هي بويه يعني مسترجله تحب البنات وتكره الاولاد
وبعد عاايشه –صديقة منى وهم ضاايعه ومها وانجود ووو الباقي مو مهم
.................................................. .................................................. .....................

منى: امس قعدت اسولف معاه ليما صارت الساعه خمس الصبح وما الاقي الا ماري تضرب الباب تقول "قومي منى هدا في مدرسه"ههههههههه ما حسيت تصدقون؟
سلمى كانت جالسه على ارض المدرسه البارده وبيدها بنت جالسه في حضنها :هههههههههه صج مصخره الشباب الله ياخذهم بس وييييع
عايشه:الاشنو اسمه منوه هذا اللي تكلمينه الحين؟؟
منى:اممممممم والله ما ادري تلخبطت بينه وبين حد ثاني اعتقد اسمه جاسم او شي جذي ....
سلمى:هههههههه لا يا الهبله اسمه جاسر شفيج انتي
منى:هههههههه اي صح ما ادري شكثرهم واايد خخخخخخخخخ
عاايشه :جااسر شنو ؟؟!! منى:اممممم جاسر ال ......... بس عوووش ليش تسالين ترى هو يحبني فلا تفكرين يحبج هع هع هع هع
عايشه عصبت وحلفت داخل نفسها برااويج يا منى شكثر جااسر يحبج هههههههه غبيه والله
مها :صج ما قلت لكم عبد العزيز يبي يشوفني شنو اسوي؟؟ عايشه نطت وقالت بخبث وااضح:مهوي بس يبي يطلع ولا يبي يسوي شي ثااني ههههههههههه ....كل البنات ضحكوا بس مها عصبت وقالت:شنو يعني ما فهمت؟؟..........عاايشه:هههههههههه ما اقول الا مسكين عزوز ما يستاهل وحده غبيه مثلك ...منى قطعت حديث وقامت تاشر بعيونها على ثلاث بنات متجهين صوبهم :سلمى مو هذي البنت اللي تقولين مغروره وكله تتهاوش معاج؟؟ سلمى وخرت البنت اللي كانت اللي بحضنها وطالع جهت المكان اللي اشرت عليه منى :اي هذي هي الله ياخذها كل ما تكلمت معاها طنشتني ورااحت شايفه عمرها على ايش؟؟!!
عاايشه باستغراب:بس انا اعرف شوق مو مغروره ؟منى :اها اسمها شوق !؟ عاايشه مستغربه :اي اسمها شوق ال ......... منى فنحت عينها على الاخر :اهاا يمكن علشان جذي هي متكبره ....بس انا اللي براويها خلوني بروح اكلمها ....عاايشه :منوووه ترى هي ماتحب المصخره فلا تستهبلين
منى بعصبيه :اكلي .... يا .... انا ما استهبل بتشوفين شلون بتجي وريلها فوق راسها وراحت لما اختفت عن انظارهم ..

.................................................. .................................................. ................................

نرجع حق شوق ومريم وليلى
مريم معصبه على شوق لانها ما تحب ليلى وكانت دايما هوااش مع بعض بس شوق غصبتها الا تمشي معاها بس اهي تجهل السبب
شوق تسولف مع ليلى ونست مريم :انزين جان تقول لي كلام غريب >>يتكلمون كان محمد انثى تعرفون تشفير
ليلى بفضول :ليش شنو قال ااااه اقصد قالت ؟؟.مريم حست ان السالفه فيها ان
شوق تداركت الموضوع :هه هه هه شفيج قلبتي البنت ولد يا مال العمى وشددت على اخر كلمتين مريم حست ان شوق تبي ليلى بسالفه وانها اهي مضايقتهم فنزلت دموعها غصبا عنها :قولي انج ما تبيني اسمع لا تستهبلين هئ هئ وركضت بعيد عنهم شوق واقفه مبلمه مو فاهمه ليش قامتتبجي ولا ارادي لحقت رفيجتها وتركت ليلى وااقفهمكانها واهي تنادي على شوق بس لا حياة لمن تنادي
شوق واهي تركض وتصرخ عشان تسمعها مريم :تعاالللي مريووووووووم تعالي والله تعبت مريوم
مريم :اتركيني انتي ما تبيني تركيني ووصلت الصف وراحت على درجها المرسوم فيه نقوش واحرف لحرفها اهي وشوق وحبيبها (حمدان) وبعض التوقيعات اللي طبعتا شوق عشان الذكرى :تعاالي يا حمااره شفيج تبجين مينونه انتي ؟؟!
مريم :ما ابيج ما احبج ...........شوق تضحك :ههههههههههه صج يااهل قومي بس لا تبجين يا حمااره انا احبج وراحت حضنتها وباست راسها :اسفه عمتي كنت ابي اقول لج بس خفت
مريم تمسح دموعها عن ويهها : ليش انا اخووف ؟
شوق :هع هع هع هع شوفي عيونج ضيقين واايد كانج خدامتنا الاندونسيه هع هع هع
مريم تغطي ويها بيدها :جب شوق تبي تراضيها :احلى خدامه وربي >>>يعني تراضيها ههههههههه
مريم :ههههههههههههههههههه انا خدامه مالت عليج ...شوق :اي ضحكي تعرفين شنو مثالي في الحياه (طنش تعش تنتعش )ههههههههه
مريم ضحكة بس فجه اختفت واهي تاشر بيدها على منى اللي واقفه عند باب الصف وتنادي شوق:شوق في حد يناديج
لفت شوق ويهها واهي مبتسمه بس سرعاان ما راحت الابتسامه في خبر كان وراحت عند منى واهي تعرف ان منى سمعتها مثل الزفت مشت شوق بكل غرور وكبرياء اتجاه منى واهي رافعه خشمها لين فوق:نعم يا الشيخه تبين شي؟منى منصدمه من طريقة كلامها بس ما علقت :هههه اي انا منى ال .........
شوق رفعت حاجبها اليسار فوق وطالعتها من تحت لين فوق :شنو اسوي لج يعني اقول لج مبرروك
منى عصبت منها بس سوت نفسها هاديه : ابي اتعرف عليج ممكن .؟.... شوق وخرت عنها ولفت ويهها بغرور وشعرها لف معاها :انا ما اتعرف على هذي الاشكال
منى انصدمت :انا اشكال ؟؟شنو قصدج ؟؟ تعالي انتي مفكره حالج شنو
شوق لفت عليها وبابتسامه ساحره كلها جمال :انا شوق ال............ تعرفين شنو يعني شوق فاخذي ويهج هذا ...شوق تاشر عليها بكل قرف ...وقلبيه الجهه الثانيه ولاتفكرين ترجعيا تكلميني سمعتي ولالا ؟
منى حست انها تبي تضرب شوق فانهت كل كلامها بكلمتين :يا انا يا انتي ...
ووخرت منى مسرعه بععيييد عن جهة شوق ومريم
.................................................. .................................................. ......................................