رواية غرام وسط الكلام / رواية رومنسية 2

اماني ابتسمت:اوكية
ملاك:وش تبغين اكل؟؟
اماني:امممم أي شي
ملاك:طيب
ملاك نادت القرسون ...طلبت اكل للعشاء
وصل العشاء وكانت ملاك ميته جووع
اماني شربت عصير ليمون فررش:ملووكه ابغلى اسألك سؤال محيرني
ملاك وهي تاكل بالبيتزا:تفضلي
اماني:لمن اتصلت بالتلفون عليك وقلت ابغى اتعرف عليك حسيتك انك بسرعه تقبلتي تصيرين صديقتي والاهم انو لمن دقيت عليك ماهاوشتيني علشاني دقيت كذا بالصدفة علشان اتعرف
ملاك:عااادي اصلاً انا أي احد يبغى احد يتعرف علي اتعرف انا من النوع الي احب اتعرف على الناس
اماني:اهاااا
ملاك:اعذريني جووعانه علشان كذا اكل بسرعه هههههه
اماني:لاعادي ههههههه
خلصو أكل وتمشو بالسياره على الرياض
اماني:ملاك ابغى اروح اشتري لي ملابس جديده من زمان ماشريت لي
ملاك:اوكية
وقف السواق عند محلات الملابس واشترت اماني ملابس كثييره وبعدها راحو السوبر ماركت اشترت لها اماني انواع الحلويات وبعدها راحو للبيت
رجعت اماني من البيت وهي مستانسه حدها اول مره تحس انها مستانسه كذا
دخلت للصاله شافت ابوها وامها موجودين
اماني باست راس ابوها وامها:السلااام عليكم
ام خالد وابو خالد استغربو وناظرو بعضهم ببعض
ابو خالد:معقووله اماني تسلم علينا
اماني ابتسمت لآبوها بحنان:ايه بابي من اليوم ورايح كذا واحسن بعد
ام خالد:الحمدلله يابنتي
اماني:يمه الي فات فات واحنا عيال اليوم قررت افتح صفحة بيضة وابعد غروري
ابو خالد:ايه الحمدلله
&&&&&&&&&&&&&&&&
دخلت سارة بيت ام تركي شافت حرييم كثير هي عادتها ماتحب الحريم وسوالفهم احتارت وش تسوي شافت امها تأشر لها يعني تعالي
راحت لها سارة وهي تناظر بالحريم الكثير
وصلت عن امها شافت عند امها 3 حريم
سارة بنعومة:هلا يمة
ام محمد:تعالي حبيبتي سلمي على ام تركي وام رياض وام انور
سارة:ان شاء الله يمة
ام تركي اعجبتها سارة وقررت تخطبها لولدها سعود
سارة مدت ايدها لآم تركي بخجل:هلا خالتي ام تركي
ام تركي:هلا والله كيفك؟؟
سارة ابتسمت:الحمدلله ماشي الحال
ام تركي:الله يوفقك ياسارة ويرزقك بالولد الصالح
سارة:ههههه لاتوني صغيره
سلمت على ام رياض وام انور على قولة امها
ام محمد:حبيبتي سارة روحي لعبير فوق تبغى تتعرف عليك
سارة بهمس:مامي مين عبير؟؟
ام محمد:بنت ام تركي روحي بسررعه تبغاك فوق بغرفتها
سارة اخذت عبد الرحمن معاها وهي على الدرج شافت شغالة:لو سمحتي
الشغالة:اهلاً مدام
سارة:ممكن تاخذين هذا؟؟
الشغالة ناظرت بعبد الرحمن وابتسمت:اوكية
وصلت سارة عن الغرف ماتعرف وين غرفة عبير اساساً
دخلت غرفة شافت على الجدار صورة الفنانة نوال الكويتية طبعاً فنانتها المفضله تمووت فيها انهبلت عليها ونست عبير:واااو تهبل نوال يالبى قلبها
............................
رجع سعود للبيت شاف سيارات كثيره واقفه جنب بيتهم :اكيد امي مثل عادتها عازمة حريم افففف
راح من الباب الخلفي على طول على غرفته علشان مو فاضي يشوف الحريم وينهبلون عليه لانه بأختصار وسيييم مرره ويقطون عليه كلمات غزل<<انعكست الدنيا
دخل لغرفته وهو تعبان يبغى ينام ويريح من الصباح وهو جالس
فتح دولابه واخذ بيجامته الحرير البيضة ولبسها
سارة انتبهت واحد يلبس بيجامته قالت بنفسها ((هذي اكيد غرفة اخو عبير))
كانت بتطلع بس وقفها صوته:يالاخت ليش جايه بغرفتي حظرتك لايكون بتقطين لي كلمتين مثل وجهك هذا عادتكم يالبنات
سارة التفتت تبغى تشوف وجهه فتحت عيونها على الاخير هذا الي هاوشته لمن بدورة المياه للرجال
ناظرها هو بعد دق قلبه بسررعه جنونية ((هاذي الي بالملاهي ))
كان الجو مكهرب بينهم كل واحد يناظر الثاني وسرحانين
سارة انتبهت على نفسها وطلعت
راحت غرفة ماعرفت أي غرفة <<ماتتوب
عبير بصوت ناعم:ميين؟؟
سارة تطمنت انو صوت بنت ((اكيد هاذي عبير لانو قالت امي ماعندها اخوات))
سارة:انا سارة
فتحت عبير الباب
عبير ابتسمت:اكيد انتي الي حكت امي عنك بنت ام محمد
سارة:ايه
عبير:والنعم
سارة:الله ينعم بحالك
عبير:تفضلي الغرفة غرفتك
سارة:هههههه
عبير جلست على الكنبة الصغيره الي بغرفتها:الصراحة طلعتي احلى مما تصورت
سارة:تسلمين
عبير:الله يسلمك
سارة:كيفك؟؟
عبير:تمام التمام
سارة سكتت مستحيه منها ولا كان هذرت عليها
سمعت صوت ورا الباب:عبوره وينك؟؟
عبير:سعود اقلب وجهك عندي وحده
سعود عرف انها هي الي شافها بس قال خله يتأكد:افتحي ابغاك بشي
عبير فتحت الباب وهي مستحيه من سارة:اعذريني اخوي ملقووف
سارة غطت وجهها:لاعادي
سعود عرفها من عبايتها:اقوول عبووره
عبير:خييير؟؟
سعود:اممم ابغى ..خلاص مابغى شي
وطلع وهو يضحك
عبير:سخيييف
عبير سكرت الباب وابتسمت لسارة
عبير:ممكن اعرف من صديقتك الروح بالروح؟؟
سارة:ندى الـ.....
عبير:احلللفي
سارة:والله
عبير:الي أخواتها التوأم شذى وهدى؟؟
سارة هزت راسها:ايوة
عبير:انا صديقتي شذى
سارة:صدق ياحليلك
عبير:هههه اجل خلنا انا معاك بكرا نتفق ونهبل فيهم
سارة:ههههههه اوكية
&&&&&&&&&&&&&&
هدى ضغطت على الجرس
فتحت ام منصور الي هي زوجة جيران هدى
ام منصور ابتسمت:ياهلا ويامرحبا منورة حبيبتي هدى
هدى:تسلمين خالتي
لمى:خالتي انا صديقتها
ام منصور:ياحليك الله يوفقك انتي معاها
لمى:يارب
دخلو البيت ناظرت فيه هدى لانها اول مرة تجي فيه امها تروح لهم وشذى وندى بس هي مارحت ناظرت بالسقف مرره عادي وشكلهم على قد حالهم وناس طيبين دايم امها تمدح فيهم بالخير
ام منصور:عاد ياحبيبتي مانشوفك ماتجينا
هدى:ظروف ومدرسه
ام منصور:ايه الله يعينك
لمى تناظر هدى وهي مبتسمة بخبث
ام منصور:عن اذنكم بروح اجيب لكم شي سامحوني والله
هدى:لاخالتي حنا مانبغى غير نشوفك
ام منصور:تسلمين ياحبيبتي
بعد ماراحت ام منصور المطبخ
لمى بهمس:عسسسسسل امه
هدى:ايه مرره علشان كذا امي تمدح فيها
لمى:أيـ......
هدى قاطعتها وهي تناظر بالصورة:لمووش شوفي هذا هو
لمى فتحت فمها على الاخير:يجننننننن
هدى:وجع لمووش سكري فمك على الاقل
طلع فهد وهو متكشخ وعطره ينشم من بعد كيلو
فهد شاف بنتين بالصاله الصغيره راح لآمه بالمطبخ
فهد:يمه من هذولا؟؟
ام منصور:من الي من هذولا؟؟
فهد:البنتين الي بالصاله
ام منصور:هذي بنت جيراننا هدى مع صديقتها
فهد(يعني الي صقعت فيها اهااا الحين عرفت):.....
ام منصور:فهــد لي ساعة وانا اناديك وين رحت؟؟
فهد:هلا مامي بغيتي شي
ام منصور:لامابغيت شي بس اقول لك وين رايح؟؟
فهد:مامي بروح مع صديقي فيصل الشاليهات
ام منصور:ايه الله يحفظك
فهد باس راسها:تشاااو مامي
طلع فهد من الصاله بثوبه المخصر على جسمه وسكسوكته الخطيرة وشماغه وعطره الي ينشم من بعد كيلو
لمى تطالعه وخاقه عليه
اما هدى مااقدر اوصف حالتها بدال ماهي تخليه يموت عليها هي الي ماتت عليه
فهد:انتي بنت جيراننا؟؟
هدى:تقصدني انا؟؟
فهد:ايه
هدى:ايوة انا بنت جيرانكم
فهد:اهاااا ..وطلع
هدى:ياااويل حالي لمن شفته تخربطت يجننن
لمى:يهبلللللل
هدى دفتها:انطمي جات امه
جات ام منصور ومعها الحلا والقهوة والمكسرات
ام منصورابتسمت بأعتذار:معليش تأخرت
لمى:لاعادي خالتي
ام منصور:الا انتي وش اسمك يابنيتي؟؟
لمى بنعومة وبخجل:لمى
ام منصور:عاشت الاسامي حبيبتي
وكملو سوالف لمن الساعه6 المغرب وبعدها الكل اتوجه على بيته
&&&&&&&&&&&
في بيت ابو فيصل
ندى صلت المغرب بخشوع..بعد ماخلصت راحت على الآب توب :من زمان عنه خلني ادخل الماسن من زمان ماكلمت صديقاتي اشتقت لهم وربي
فتحته ولقت رسائل كثيرة من ايميلها فتحتها وحده وحده
دخلت صديقتها وحده بالمدرسة اسمها:سجى
سجى:اهلين ندووش
ندى:اهلين كيفك سجووو؟؟
سجى:تمام انتي كيفك غناتي؟؟
ندى:بخير دام كلمتك
سجى:تسلمين
ندى:سجوو لحظة بغير نكي الي بالماسن
سجى:حتى انا بعد احسه مغبر
ندى غيرت نكها ((ماهقيت السعاده خيالن في خيال))
سجى نكها((هلي لاتحرموني منه مثل ماهو قطعه مني انا تراني قطعه منه))
ماهقيت السعاده خيالن في خيال:امممم سجو وينك وحشتيني من زمان عنك يادبا
هلي لاتحرموني منه مثل ماهو قطعه مني انا تراني قطعه منه:والله انتي اكثر ماتنشافين من جات العطله وانا مو شايفتك
ماهقيت السعاده خيالن في خيال:اعذريني ياقمرر وربي مو فاضيه وعن قريب زواج بنت عمي ومحتاسه وللحين مافصلت فستان
هلي لاتحرموني منه مثل ماهو قطعه مني انا تراني قطعه منه:ولايهمك بعد صلاة العشاء نروح نتعشاء وبعدها تفصلين لك فستان
ماهقيت السعاده خيالن في خيال:اوكي بااايو سجوو امي تناديني
هلي لاتحرموني منه مثل ماهو قطعه مني انا تراني قطعه منه:بااااااي
حطت ندى حالتها بالماسن (سأعود حالاً)
وراحت عند امها تبغى تشوف ايش تبغى فيها
ام فيصل:ندى
ندى:اهلين مامي
ام فيصل:حبيبتي حبيت اقول لك.......
ندى قاطعتها:دام فيها حبيبتي يعني في الموضوع أن
ام فيصل ضربتها:طول عمرك ملقوفه اصبري اكمل كلامي
ندى هزت راسها:كملي
ام فيصل:اليوم جاو لك ناس تقدمو لك
ندى:مافهمت قصدك مامي
ام فيصل:يعني كلموني علشان يعطون ولدهم لك وقلت بشاور البنت وبرد لكم
ندى :يمه الله يهديك توني على الزواااج
ام فيصل:أي تو الناس الي كبرك تزوجو وجابو عيال بعد
ندى برطمت:لهدرجة انا عانس
ام فيصل:لامو كذا بس ابي افرح فيك
ندى:مامي عمري 17 افففف بعدي صغيييره حراام تحطمووني
ام فيصل:المهم انك توافقين لك مهلة اسبوع
ندى:يمه من الحين مو موافقه
راحت ندى على غرفتها وكأنه ماصار شي كملت سوالفها مع صديقتها سجى بالماسن
&&&&&&&&&&&&&&&&&
بالشاليه
كان فيه كثير شباب سوالف وضحك واستهبال
كانو فهد وفيصل جالسين حوالي المسبح على الكراسي
فهد:فيصل متى بتسافرون؟؟
فيصل:مادري انا قلت لآبوي نسافر الى باريس بس قال زواج بنت عمك ولازم نحضره
فهد:انا قلت بروح بالوالده مكه نسوي عمره ونجي
فيصل:ايه الله يوفقك ويخليك لها
فهد:ياررب
فيصل:اقول خلنا نسبح بالمسبح انا جايب معاي ملابس
فهد:اوكية
سبحو الشباب مع فهد وفيصل بالمسبح ..واستانسو
طلع فهد لبس تشيرت ابيض وبلوزة رماديه
اما فيصل كان لابس تشيرت اسود وبلوزه لونها ابيض مخططه بالاسود
فهد نشف شعره وكااان شعره خطييير
فيصل:فهودي يقولون الشباب بكرا بنروح مباراة النصر والهلال
فهد:اوكية مرره متحمس للمباراة
فيصل:هههههه حتى انا
سهروا بالشاليه الى 2 بالليل وراح كل واحد على بيته
&&&&&&&&&&&&&&&&&
ببيت ابو خالد
الساعة 8 الصباح
يرررن التلفون وكان الكل نايم لانهم سهرو امس
ردت الخدامة روز:الوووو
......:الووو من انتي؟؟
الخدامة روز:انتي من انتي انتا الي في اتصل مو انا
.....:وين ماما؟؟
الخدامة روز:ماما نايم انتا مين؟؟
.....:انا جارة ام صلاح
الخدامة روز عرفتها هاذي الجاره المزعجه دايم تزعجهم تجي لهم في البيت وقت غير مناسب تتصل في وقت نوم او عشاء ...الــخ
علشان كذا دايم يصرفونها
الخدامة روز:ايش يبغى؟؟
ام صلاح:ابي اسولف مع ام خالد
الخدامة:داق انتا على الصبح يقول يبغى يسولف
نزلت امل ببجامتها كان لونها احمر مرسوم عليها ميكي ماوس مرره روعه
امل:روز مين على التلفون.؟؟
روز التفتت لآمل:ماما هاذي جارة ام صلاح
امل:افففف وش ذي النشبه ياربي
روز اعطت السماعه لآمل
امل بدون نفس:هلا
ام صلاح:وراتس رادتن بدون نفس
امل تستهبل:هلا خالتي لااحسبك صديقتي النشبة
ام صلاح:ايه طيب مين عندكم؟؟
امل(افففف ياذي النشبه ):تتوقعين احد جاي بهالصبح مين بيجي يعني
ام صلاح:لابس اسال كذا لاني بجيكم هنا بالبيت
امل بصوت واطي:ايه قولي كذا من زمان
ام صلاح:وشوو تقولين ماسمعت؟؟
امل متنرفزه:مااقول شي.. يااختي مين يجي هنا بالصبح غيرك تراك طفشتينا كل يوم طاقه وجهك وربي ملينا منك افففف واقولها بوجهك كيفي بيت ابوي وانا حررره
ام صلاح:يعني طردة هاااه
امل بعصبية:ايه طرده عندك مانع مانبغى نشوف وجهك كيفنا
ام صلاح:افااا والله وانا قايلتن بخطبك لولدي متعب بس طلعتي قليلة ادب وماتستاهلين
امل تناظر بنفسها:انااا اخذ ولدك المتخلف وووع
ام صلاح:بالحلم تاخذين مثل ولدي متعـ....
امل سكرت بوجهها لانها طفشت منها من جد
امل عادتها حبوبة ودايم تسولف بس جارتهم ام صلاح تطفش وتنرفزت وقالت لها لاتجين<<عندها حق
امل راحت لغرفتها واخذت لها شور سريع
مشطت شعرها الناعم وحطت على شعرها شريطة بينك
ولبست تنورة قصيرة لنص الركبة مرسوم عليها لولو كاتي
ولبست بلوزه بينك منقطة بالابيض مكتوب عليها Lolo Katie

ولابسه بوت ابيض ..حطت لها قلوس رايق وحطت كحل ازرق بحرري جنااان وصارت خطيييييرة

نزلت أمل تحت بالصاله شافت جارتهم ام صلاح طالعتها بأستهزاء
ام صلاح:انا مو جاية علشان أكل أو اشرب انا جايه اقول لك كلمتين وطالعه
امل بأستهزاء:هييين جارتنا المحترمة مو جايه تاكل او تشرب
ام صلاح تبكي:قولي الي تقولينه انا اقول لك اختي توفت بحادث
امل:صدق؟؟
ام صلاح كملت كلامها وهي تصارخ وتبكي:وعلى فكرة ماتهموني اذا جيتو العزا أو لا
امل بكت:خالتي انا اسفة وربي والي قلته غصبن عني
ام صلاح راحت وسكرت الباب وراها وهي تبكي من قلب على اختها وتصارخ بالشارع كان شكلها مؤلم وتكسر الخاطر وكأنها مجنونه
بعد ماراحت ام صلاح
امل صرخت:انا حقيييييره ياربي ليش سويت كذا
فجـــــأه..........
ياترى ايش هالفجأه؟؟
ياترى هل هدى بتكمل قصتها مع فهد أولا ؟؟


اشوف الردود الحلوة وأكمل(*_*)

يعنى ما أحد رد على مواضيعى ما تستاهل
اوك
بإ نتظاآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآر الرد اوك
لا تخيبو ظنى فيكم
:p